Edwɛne 5:1-12
Kɔmaa edwɛndolɛma kpanyinli ne; Nihɔlɔto* zo. Devidi ayɛlɛyelɛ edwɛne.
5 O Gyihova, tie me edwɛkɛ;+Tie me ɛkponlenlɛ.
2 Saa mesu mefɛlɛ wɔ kɛ ɛboa me a, tie me,O me Belemgbunli nee me Nyamenle, ɔluakɛ wɔmɔ a mesɛlɛ wɔ a.
3 O Gyihova, ɛbade me ne nwonlomɔ;+Mebaha me edwɛkɛ meahile wɔ nwonlomɔ nu+ na meahendɛ.
4 Ɔluakɛ ɛnle Nyamenle mɔɔ ɛ nye die amumuyɛ nwo a,+Ɛtanevolɛ biala nee wɔ ɛnrɛdɛnla.+
5 Anwomemaazo sonla biala ɛnrɛgyinla ɛ nyunlu.
Ɛkyi amumuyɛma amuala;+
6 Ɛbazɛkye menli mɔɔ bɔ adalɛ la.+
Gyihova kyi menli mɔɔ yɛ amumuyɛ na bɛbɛlɛbɛla awie mɔ la.*+
7 Noko mebara wɔ sua nu+ ɔluakɛ wɔ ɛlɔlɛ kpundii ne le kpole;+Mebahakyi me nye wɔ wɔ ɛzonlenlɛsua nwuanzanwuanza ne anwo na meava ɛzulolɛ meabɔ me ti aze meamaa wɔ.+
8 O Gyihova, fa me dua* wɔ tenleneyɛlɛ ne anu ɔlua me kpɔvolɛma ati;Maa wɔ adenle ne anu ɛyɛ wienyi ɛmaa me.+
9 Nɔhalɛ ɛnle bɛ edwɛkɛ biala anu;Debie kpalɛ biala ɛnle bɛ ahonle nu kɛ adwenle ɛtane ngome;Bɛ komenzia le kɛ nla mɔɔ bɛtɛkedale zolɛ la;Bɛfa bɛ tafinlima bɛkanvo sonla adalɛ nu.*+
10 Noko Nyamenle babua bɛ fɔlɛ;Bɛdabɛ mumua ne bɛ adwenle ɛtane ne mɔ bamaa bɛadɔ aze.+
Bɛ mɛladonlɛ dɔɔnwo ne ati, maa bɛvoa bɛ bɛvi ɛkɛ,Ɔluakɛ bɛde ɛ nwo atua.
11 Noko menli mɔɔ nriandi kɔfea wɔ nu la kɔsɔɔti bali fɛlɛko;+Bɛbava anyelielɛ bɛadea nu dahuu.
Ɛbabɔ bɛ nwo baneNa bɛdabɛ mɔɔ bɛkulo wɔ duma ne la bɛali fɛlɛko wɔ wɔ nu.
12 O Gyihova, ɛbayila tenlenenli biala;Bɛbanyia ɛ nyunlu ɛlolɛ na wɔabɔ bɛ nwo bane kɛ enyinlike la.+
Ɔbodwɛkɛ
^ Nea Edwɛkɛbohilelɛ.
^ Anzɛɛ “sonla mɔɔ ka mogya gua nee mɛlɛbɛla sonla.”
^ Anzɛɛ “kile me adenle wɔ.”
^ Anzɛɛ “Bɛ tafinlima azo le menlemenle.”
