Edwɛne 2:1-12
2 Duzu ati a maanle maanle ne mɔ yɛ basabasaNa menli tendɛ bɛ nzo abo wɔ* debie mgbane nwo ɛ?+
2 Azɛlɛ ye azo arelemgbunli dwazo gyinlaYɛɛ tumivolɛma bɔ nu yɛ ko*+Na bɛdwazo bɛtia Gyihova nee ahenle mɔɔ yekpokpa ye la.*+
3 Bɛka kɛ: “Bɛmaa yɛtete bɛ kyeenyi ne mɔ anuNa yɛkpolo bɛ nyɛma ne mɔ yɛgua!”
4 Mɔɔ de belemgbunli ebia nu wɔ anwuma lɔ la bazele;Gyihova bagolo bɛ nwo.
5 Mekɛ zɔhane ɔbadendɛ yeahile bɛ wɔ ɛya zoNa yeaha bɛ ɛzulolɛ wɔ ye ɛya wuluwulu ne anu,
6 Ɔbaha kɛ: “Medame mumua ne mezie me belemgbunli+Wɔ Zayɔn,+ me boka nwuanzanwuanza ne azo.”
7 Maa membɔ Gyihova mɛla ne nolo;Yeha yehile me kɛ: “Ɛle me ra;+Ɛnɛ merayɛ wɔ papa.+
8 Biza me, na mebava maanle maanle meamaa wɔ kɛ wɔ agyapadeɛYɛɛ azɛlɛ ne ɛleka biala kɛ wɔ agyadeɛ.+
9 Ɛbava bulalɛ kpɔma wɔabubu bɛ,+Na wɔabubu bɛ azinli azinli kɛ buakɛ.”+
10 Ɔti kɛkala, bɛmɛ arelemgbunli, bɛla nwunu ali;Bɛmɛ azɛlɛ ye azo ndɛnebuavolɛma, bɛlie ɛdenrɛdenrɛlɛ bɛdo nu.*
11 Bɛva ɛzulolɛ bɛzonle Gyihova,Na bɛva anwowosolɛ bɛli fɛlɛko.
12 Bɛli ralɛ ne eni,*+ anrɛɛ Nyamenle bava* ɛyaNa yeazɛkye bɛ yeavi adenle ne azo,+Ɔluakɛ Ye ɛya ne sɔ ndɛndɛ.
Anyelielɛ a le bɛdabɛ kɔsɔɔti mɔɔ bɛnriandi bɛkɔfea Ye nu* la.
Ɔbodwɛkɛ
^ Anzɛɛ “dwenledwenle.”
^ Anzɛɛ “kɔ agyinla.”
^ Anzɛɛ “ye Kelaese ne.”
^ Anzɛɛ “bɛdie kɔkɔbɔlɛ ne.”
^ Hibulu aneɛ nu, “Bɛvo ralɛ ne anloa anwo.”
^ Hibulu aneɛ nu, “ɔbava”
^ Anzɛɛ “bɛkɔtane Ye.”
