Bɛtua Video, Mbuluku, Anzɛɛ Edwɛne Bie Mɔ Ɔ?
Kyɛkyɛ. Yɛ ahyehyɛdeɛ ne ɛnneɛnlea video, mbuluku, anzɛɛ edwɛne bie mɔ anu amaa yeali mɛla kɛ ɔnle kɛ yɛkɔ nwolɛ. Duzu ati ɔ?
Baebolo ne tu awie ko biala folɛ kɛ ɔtete ye “adwenle tumi ne” amaa yeanwu mɔɔ le kpalɛ nee ɛtane.—Hibuluma 5:14, New World Translation.
Ngyinlazo bie mɔ wɔ Baebolo ne anu mɔɔ Keleseɛnenli bahola agyinla zo akpa ninyɛne mɔɔ ɔfa ɔdielie ɔ nye la. a Wɔ yɛ ɛbɛlabɔlɛ kɔsɔɔti anu, yɛ bodane a le kɛ ‘yɛbɔ mɔdenle kɛ yɛkɛnwu mɔɔ yɛyɛ a ɔsɔ Awulae anye la.’—Ɛfɛsɛsema 5:10.
Baebolo ne kilehile kɛ abusua tile lɛ tumi wɔ ye abusua ne azo, yemɔti abusua tile bie bahola aha kɛ ɔngulo kɛ ye abusua ne anu amra fa ninyɛne bie mɔ dielie bɛ nye. (1 Kɔlentema 11:3; Ɛfɛsɛsema 6:1-4) Ɛye abusua ne ɛsie ahane a, awie biala ɛngola ɛndua asafo ne anu amra kɛ bɛmmakɔ video, edwɛne, anzɛɛ awie bie mɔɔ bɔ edwɛne la anwo.—Galeehyeama 6:5.
a Kɛ neazo la, Baebolo ne tua debie biala mɔɔ sunsum ɛtane nyɛleɛ, nla nu ɛbɛlatane, anzɛɛ basabasayɛlɛ wɔ nu la.—Mɛla ne 18:10-13; Ɛfɛsɛsema 5:3; Kɔlɔsaema 3:8.
Bie A Eza Ɛ Nye Balie
NVONINLI MƆƆ BƐDOLƆ LA VIDIO
Vidio Game: Asoo Ɔlɛboa Wɔ Ɔ?
Vidio game kola maa ɛ nye die, noko ɔlɛ ye ngyegyelɛ ɛdeɛ. Kɛ ɔkɛyɛ na wɔahoati ngyegyelɛ mɔɔ wɔ nwo la amaa wɔ ɛbɛlabɔlɛ awie wɔ boɛ ɛ?
