Gyuni 9-15
ENFUMU 17
Ekyeshongoro 157 n’Okushaba | Ebigambo Ebirikwiguraho Oruteerane (Dak. 1)
Omwisraeli n’omukazi we bari omu mwanya ogurimu obusingye nibarya eby’okurya
1. Gira Obusingye omu Bushwere Bwawe
(Dak. 10)
Nikyetengyesa okukora n’amaani kurinda obusingye, kwonka okukora ekyo niharugamu ebirungi (Enf 17:1; reeba ekishushani ky’aha)
Yetantare kuguubwa kubi ahabw’obushonga bukye (Enf 17:9; g-E 9/14 11 kacw. 2)
Guma noorinda enyehurira zaawe (Enf 17:14; w08-E 5/1 10 kacw. 6–11 kacw. 1)
2. Eby’omuhendo eby’Omwoyo
(Dak. 10)
-
Enf 17:24—‘Amaisho g’omushema, n’agata aha by’aha muheru gw’ensi’ mu muringo ki? (it-1-E 790 kacw. 2)
-
Ni by’omuhendo ki ebi otungire omu kushoma Baibuli okwa saabiiti egi?
3. Okushoma Baibuli
(Dak. 4) Enf 17:1-17 (th eishomo 10)
4. Okutandika Ekigaaniiro
(Dak. 3) OKUBUURIRA KITARAARIIRE. (lmd eishomo 3 enshonga 5)
5. Okutandika Ekigaaniiro
(Dak. 4) OKUBUURIRA OMU RWETEERAINE. Mushabe kumwegyesa Baibuli. (lmd eishomo 6 enshonga 4)
6. Orubazo
(Dak. 5) ijwbv-E ekicweka 60—Omutwe: Ebiri omu Enfumu 17:17 Biine Makuru Ki? (th eishomo 13)
Ekyeshongoro 113
7. Teeraho Kugira Emicwe Erikukuhwera Kugaaniira Gye
(Dak. 15) Okuhikaanisa ebiteekateeko.
Okugaaniira gye ni kikuru kubaasa kugira eka erimu okushemererwa. Ab’eka baaba nibagaaniira gye batarikusherekana, nibabaasa kuhikiiriza ebigyendererwa byabo nka tiimu kandi baahwerahwerane omu bwire bugumire. (Enf 15:22) Noobaasa kukora ki kureetera ab’eka yaawe kugaaniira batarikusherekana?
Mumare obwire hamwe. (Bir 6:6, 7) Ab’eka bakorera hamwe, baakejumba hamwe omu by’omwoyo, bakashemererwa hamwe, nibongyera kuhamya rukundo yaabo n’okwesigana. Nikibahwera kutunga n’obwire bw’okugaaniira bashemereirwe. Obumwe, nikibaasa kukwetengyesa kwefeerereza ebi orikukunda kubaasa kukora eki abandi omu ka barikwenda kukora, kwonka okukora ekyo niharugamu ebirungi bingi! (Fil 2:3, 4) Noobaasa kukoresa gye ota obwire obu murikumara hamwe?—Efe 5:15, 16.
Zaana VIDIYO Mukuratire Ebirikureetaho Obusingye omu Ka—Mwongyere Kugaaniira Gye Hamwe. Reero obuuze abahurikiize oti:
-
Okukoresa kubi ebyoma nikibaasa kukwata kita aha kugaaniira omu ka?
-
Niki ekindi eki waayega omu vidiyo egi aha kikwatiraine n’okugaaniira gye?
Hurikiza gye. (Yak 1:19) Abaana baaba batarikutiina ngu tibarikwija kwetegyerezibwa nari kucwerwa orubanja, nibabaasa kugamba oku barikwehurira. N’ahabw’ekyo teeraho munonga kutaguubwa kubi omwana waawe yaagamba ekirikukwerarikiriza. (Enf 17:27) Kureka, hurikiza oine esaasi. Teeraho kwetegyereza ebiteekateeko bye n’enyehurira ze kugira ngu obaase kumuhamiza nari kumuhwera omu muringo gwa rukundo.
8. Okwega Baibuli okw’Ekibiina
(Dak. 30) fy eshu. 7 kacw. 19-23
