Ku haakubaho ekihikiirizi omu kicweka kyanyu, oyetebeekaniise? Emitsitsa, eihunga, omuriro, n’emyegyemure, nibibaasa kubaho kitaraariire, kandi biri eby’akabi. Okwongyera ahari ebyo, ahu turikutuura hoona, nihabaasa kubaho okutaahirirwa abazahambuuki, emihondano, nari endwara ezirikujaanjara ahonaaho. (Mub 9:11) Titushemereire kuteekateeka ngu ebintu nk’ebi tibirikubaasa kubaho ahu turikutuura.

Buri omwe ahariitwe ashemereire kugira eki yaakora kubaasa kwetebeekanisiza ebihikiirizi. (Enf 22:3) N’obu ekibiina kya Yehova kirikutuha obuhwezi haabaho ebihikiirizi, eki tikirikumanyisa ngu twine kweihaho obujunaanizibwa bwaitu.​—Gal 6:5.

MUREEBE VIDIYO OYETEBEEKANISIIZE EKIHIKIIRIZI? BWANYIMA MUGARUKYEMU EBIBUUZO EBI:

• Okugira omukago murungi na Yehova nikibaasa kutuhwera kita haabaho ekihikiirizi?

• Ahabw’enki kiri kikuru . . .

  • • kuguma nituhurizana gye n’abareeberezi hatakabaireho ekihikiirizi, kyabaho, na bwanyima yaakyo?

  • • kutebeekanisa ebi orikubaasa kukoresa haabaho ekihikiirizi?​—g17-E.5 6

  • • kugaaniira aha bihikiirizi ebirikubaasa kubaho n’eki murikubaasa kukora omuri buri mbeera?

• Ni miringo ki eshatu oku turikubaasa kuhwera abandi baahikwaho ekihikiirizi?