4:16-18

Teekateeka ngu eka ibiri nizituura omu kyombeko kimwe kikuzire. Eka emwe eshobiirwe. Kwonka ekirikutangaaza, eka endiijo eshemereirwe. Ahabw’enki? Juba eka eya kabiri neeza kutaaha omu nju ensya eboneire.

N’obu “ebihangirwe byona bituura nibitsinda, nibisaasira hamwe n’okuhitsya hati”, abaheereza ba Ruhanga baine amatsiko agarikubahuumuriza. (Rom 8:22) Nitumanya ngu oburemeezi bwaitu bwona omu bunaku obu, n’obu tumazire nabwo emyaka mingi, ni ‘bukye kandi n’obw’omwanya mukye’ waabugyeragyeranisa n’okutuura ebiro byona omu nsi ensya. Twata omutima aha migisha y’Obukama ey’omu biro by’omumaisho nikiza kutuhwera kutunga okushemererwa n’okutahwa matsiko.