Abo bonka abashemeire omu micwe nibo barikubaasa kugira omukago murungi na Yehova. (1Pet 1:14-16) Abeegi ba Baibuli ku barikucwa emize mibi, nibabaasa kugira amaka marungi, amagara marungi, kandi bagasirwe n’omu ntaatsya yaabo.

Teeraho kubashoboororera gye emitindo ya Yehova ey’emicwe, ahabw’enki kiri kikuru kugyorobera, n’oku barikugasirwa baakora ekyo. Ta omutima aha kuhwera abu orikwegyesa Baibuli kuhindura omu miteekateekyere yaabo, ekyo nikiza kubahwera kukora ebi Yehova arikukunda. (Efe 4:22-24) Bahamize ngu Yehova naaza kubahwera kurekyera aho kukora ebintu bibi ebi baabaire nibakora kumara obwire buraingwa. (Fil 4:13) Beegyese kweshengyereza Yehova kubahwera na munonga bagira ekyetengo ky’okukora ekibi. Bahwere kumanya embeera ezirikubaasa kubareetera kugumirwa kwetantara kukora ebintu bibi n’oku barikubaasa kuzetantara. Bahige kukora ebintu ebirikubaasa kubahwera omu mwanya gw’okukora ebibi. Noija kugira okushemererwa waareeba abu orikwegyesa Baibuli barikusingura omu kukora empindahinduka ahabw’okuhwerwa Yehova.

MUREEBE VIDIYO HWERA ABU ORIKWEGYESA BAIBULI KUSINGURA EMIZE MIBI, REERO MUGARUKYEMU EBIBUUZO EBI:

• Abareeberezi na Neeta bakooreka bata ngu bakaba baine obwesigye omuri Jade?

• Neeta akoongyera ata kuhwera Jade?

• Jade akasherura ata obuhwezi ahari Yehova?