Saulo akaba ari omucureezi kandi akeeziringa kwikiriza obugabe (1Sam 9:21; 10:20-22; w20.08 10 kacw. 11)

Saulo tararahukire kugira eki yaakora abandi ku baamugambireho kubi (1Sam 10:27; 11:12, 13; w14 3/1 9 kacw. 8)

Saulo akaikiriza kwebemberwa omwoyo gwa Yehova (1Sam 11:5-7; w95 12/15 10 kacw. 1)

Obucureezi nibutuhwera kureeba obujunaanizibwa oburikutuheebwa nk’ekiconco kuruga ahari Yehova. (Rom 12:3, 16; 1Kor 4:7) Twaba turi abacureezi, nitwija kuguma nitugyendera aha buhabuzi bwa Yehova.