AHABW’ENKI NI KIKURU: Yehova naahwera embibo z’amazima kukurira omu mitima y’abantu abaine ekyetengo ky’okutunga amagara agatahwaho. (Byak 13:48; 1Kor 3:7) Nitukorera hamwe nawe omu kubuurira turikuta omutima aha barikwenda kugyendera aha bi barikwega. (1Kor 9:26) Abarikwega Baibuli baine kumanya ngu okubatizibwa ni kikuru kubaasa kujunwa. (1Pet 3:21) Nitubahwera kuhinduka abeegi turikubeegyesa kukora empindahinduka, kubuurira kandi bakegyesa, hamwe n’okwehayo ahari Yehova.​—Mat 28:19, 20.

OKU ORIKUBAASA KUKIKORA:

• Ijutsya abeegi ba Baibuli ngu ekigyendererwa ky’okwega n’okubahwera ‘kumanya’ Yehova kandi bakamushemeza.​—Yoh 17:3

• Bahwere kuteeraho kutunguuka barikusingura oburemeezi, nk’emize mibi n’okugira abanywani babi

• Bahigye kandi obagaruremu amaani na bwanyima y’okubatizibwa.​—Byak 14:22

MUREEBE VIDIYO YEHOVA RUHANGA NAIJA KUKUHWERA, REERO MUGARUKYEMU EBIBUUZO EBI:

• Niki ekirikubaasa kuremesa bamwe kwehayo kandi bakabatizibwa?

• Abareeberezi nibabaasa kuhwera bata abeegi ba Baibuli kutunguuka omu by’omwoyo?

• Ebiri omu Isaaya 41:10 nibitwegyesa ki ahari Yehova?

• Ni mitwarize ki eraatubaasise kuheereza nk’oku arikusiima, n’obu turaabe tutahikiriire?