Ahabw’okugira ngu Yesu akaba ari omushaija ohikiriire, akaba ataine amaganya n’ebirikumwerarikiriza nk’abantu abandi. Kwonka nabwo akooreka enyehurira ezi yaabaire ainiire abantu. Akaba aba ayeteekateekire kukora kyona ekirikubaasika kubahwera, n’obu ekyo kyabaire kiba nikitwariramu okurenzya aha kirikwetengyesa. Buzima, embabazi zikaba nizimuhiga kuhwera bandi. Yetegyereze eby’okureeberaho orikureeba Eshuura 32, 37, 57, 99.

Kikaba nikyorobera abantu ab’emyaka yoona, abato n’abakuru kuhika ahari Yesu, ahabw’okuba akaba atarikwetwara nk’ow’amaani nari nk’ow’ahaiguru. Ahabw’okugira ngu Yesu akaba naafayo aha bantu, kikaba nikibareetera kwikaikana yaaba ari nabo. Kubaasa kwetegyereza eki, reeba Eshuura 25, 27, 95.

Obutoosha Yesu akaba agamba na Ishe omu kushaba, eki akaba akikora omu mubonano na yaaba ari n’Abakristaayo ab’amazima. Akaba atarikushaba arikuza kurya bwonka, kureka akaba ashaba emirundi mingi. Akaba ashaba arikwebaza Ishe, arikumuhimbisa kandi arikwenda ngu amuhe obuhabuzi atakacwiremu aha nshonga nkuru. Yetegyereze eby’okureeberaho orikureeba Eshuura 24, 34, 91, 122, 123.

N’obu Yesu yaabaire aba naayenda kuruhuuka n’okuhuumuraho akaba ayehayo kuhwera abandi kyayetengyesa. Akaba atarikwefaho wenka. Ahabw’okutwaza atyo, akatuteeraho eky’okureeberaho ky’okutoreeza. Reeba oku yaakikozire orikureeba Eshuura 19, 41, 52.

Yesu akakora ekirikukira aha kwegyesa okusaasira​, beitu akooreka ngu naasaasira omu muringo ogu yaabaire naatwarizamu abeegi be n’abantu abandi. Yetegyereze eby’okureeberaho orikureeba Eshuura 26, 40, 64, 85, 131.

Kikagambwa ngu Abayudaaya baingi bakaba nibaija kwanga Mesia kandi ngu n’abazigu be bakaba nibaija kumwita. N’ahabw’ekyo Yesu akaba naabaasa kutuubya ahari ebyo ebi yaabaire naakorera abantu. Kureka, akeenegyeza okuramya okw’amazima. Yesu akateeraho abakuratsi be eky’okureeberaho ky’okuba abeeziriki abarikutwarizibwa kubi nari abarikuhiiganisibwa. Reeba Eshuura 16, 72, 103.

Yesu akaba naakirira kimwe abantu abatahikiriire, akaba naabakiza obwengye n’okumanya. Kandi ahabw’okuba ohikiriire akaba aine amaani n’okubaasa okurikukira okw’abandi. Kwonka nabwo akabaheereza omu bucureezi. Ebirikukwata reeba Eshuura 10, 62, 66, 94, 116.

Obutoosha Yesu akaba agumisiririza entumwa ze n’abandi ku baabaire baremwa kumutooreza n’okugyendera aha bi abagambiire. N’obugumisiriza akaba agarukamu amashomo agarikwetengyesa kubaasa kwirira haihi na Yehova. Yetegyereze eby’okureeberaho bya Yesu eby’okugumisiriza orikureeba Eshuura 74, 98, 118, 135.