Ekicweka 8

Ebi Baibuli Erikuranga

Nibihikiirira

Baibuli terikutugambira aha by’amazima ebyabaireho enyima byonka, kureka netugambira n’aha biribaho omu biro by’omu maisho. Abantu tibarikubaasa kugamba ebiribaho omu biro by’omu maisho. Egi niyo nshonga ahabwaki nitumanya ngu Baibuli neeruga ahari Ruhanga. Baibuli neegamba ki aha biro by’omu maisho?

Neegamba aha rutaro rukuru rwa Ruhanga. Omu rutaro oru, Ruhanga naija kushemeza ensi arikugiihamu obubi bwona n’abantu ababi boona, kwonka naija kurinda abo boona abarikumuheereza. Omugabe wa Ruhanga, Yesu Kristo, naija kuhamya ngu abaheereza ba Ruhanga baatunga obusingye n’okushemererwa, kandi ngu tibarigaruka kurwara n’obu kwakuba okufa.

Nitubaasa kushemererwa ahabw’okugira ngu Ruhanga naija kureeta ekibanja kye ekisya omu nsi, tikwo kiri? Kwonka twine kugira eki twakora twaba turi ab’okutuura omu kibanja kya Ruhanga eki. Omu kitebyo ekirikuhererukayo omu kitabo eki nitwega aha ki tushemereire kukora okubaasa kushemerererwa ebintu birungi munonga ebi Ruhanga abiikiire abo abarikumuheereza. N’ahabw’ekyo shoma EKICWEKA 8 ozoore eki Baibuli erikuranga aha biro by’omu maisho.