Onondaka Mbokuhimbika Onthele 6
Etyi ova Isilayeli vehika Motyilongo Valaelwe, pahe ankho vafendela Huku mekaka liefendelo. Ovanene-nakwa avalongesa ovanthu Otyitumino, ovakoyesi avevehongolela. Onthele ei ipopia nawa oñgeni evi omunthu alinga vikalesa vakwavo. Kese mu Isilayeli ankho una otyilinga konthele ya Siovaa novanthu vae. Maipopi unene etyi o Ndembola na Noemii na Susuwee na Ana nomona wa Sefetee na Samuwele valingile vakwateseko vakwavo vahayeke-po okufenda Siovaa. Ipopia okuti aloo umwe vana vehe va Isilayeli ngeetyi Laambe na Luti na Saele, nova Simbeau, vahulile umwe kova Isilayeli mokonda vetyimona okuti Huku ukahi navo.
MONTHELE EI
ELONGESO 30
Laambe Uholeka Ovalavi
Ovimato vyo Selikoo viatoka-po. Mahi ondywo ya Laambe ayahatoko-po namphila yeliyamene novimato viepunda-umbo.
ELONGESO 31
O Susuwee nova Simbeau
Susuwee welikwambelele ku Huku ati: “Kumbi, talama!” Okuti Huku wakumbululile?
ELONGESO 32
Onkhalamutwe Omphe Novakai Vevali Vakola Omitima
Etyi Susuwee ankhia, ova Isilayeli avahimbika okufenda ovilolo. Ova Isilayeli vamonesilwe ononkhumbi, mahi Siovaa eveyovola mokwatuma Omukoyesi Mbalake, nomuuli Ndembola, neetyi tyalingile Saele!
ELONGESO 33
Luti na Noemii
Ovakai vevali etyi ovalume vavo vankhia avakondoka ko Isilayeli. Umwe povakai ovo o Luti wakapupululile mepia lya Mboasi.
ELONGESO 34
Sindeyau Ulwisa Ova Mindiyaa
Etyi ova Mindiyaa vamonesa ononkhumbi ova Isilayeli, ovanthu avaiti ombatelo ku Siovaa. Okuti ovakwa-vita va Sindeyau vehehi mavetyivili okulwisa ovakwa-vita 135.000?
ELONGESO 35
Ana Ulikwambela Opo Akale Nomona
Elekana utwala Ana na Penina novana opo vakafende kekaka liefendelo ko Silo. Etyi vehika, Ana elikwambela opo akale nomona. Etyi pakala, Samuwele atyitwa!
ELONGESO 36
Etyi Sefetee Apopile
Oityi Sefetee apopilile Siovaa, omokonda yatyi? Oñgeni omona wa Sefetee akalele etyi eiva etyi tate yae apopilile Siovaa?
ELONGESO 37
Siovaa Upopia na Samuwele
Ovana vevali vomunene-nakwa Elii vaundapele mekaka liefendelo, mahi ankho kavetavela ovitumino vya Huku. Omona Samuwele kalingile ngavo. Motyinthiki tyimwe Siovaa apopi na Samuwele.
ELONGESO 38
Siovaa Waavelele Sasau Ononkhono
Huku waavelele Sasau ononkhono opo akalwe nova Filisitiya, mahi etyi Sasau apopia apa patuka ononkhono mbae, ova Filisitiya avemukwate.
