Kojįʼ díí naʼídíkidígíí hazhóʼó bikʼidiitįįh, Diyin God Háí Ájítʼı̨́? Áko bíhwiilʼą́ąʼgo Diyin Bizaad biyiʼdę́ę́ʼ bízhiʼ éí Jiihóvah wolyé dóó ayóóʼóʼóʼniʼ bee hólǫ́. Bee baa ákoniidzin áyiilaaígíí dóó náasdi bílaʼashdlaʼii yá íidoolíłígíí. Diyin God átʼéhígíí ląʼí bitsʼą́ą́dóó bínááhwidiiłʼááł éí haitʼéego níká adoolwoł?

Jiihóvah yee haadzííʼ “hánítʼı̨́įgo bikʼídíínááł.” (1 Chronicles 28:9) Baa nitsíníkees, díí ílı̨́įgo aa yílyáhígíí nihá bohónéedzą́ hánítʼı̨́įgo dóó hazhóʼó God bééhonísįįh—éí “Bóhólníihii [Jiihóvah] yił ahídadínéelná”! (Psalm 25:14) Haash yitʼéego God bikʼis dííleełgo ná bohónéedzą́?

Tʼáá aaníí ił hózhǫ́. Jiihóvah éí díí átʼéego baa chʼíhootʼą́ God bił hózhóonii nilı̨́. Tʼáá íiyisíí bikééʼ yiidáałgo dóó yee nanihinitinígíí bikʼeh ániitʼéego éí nihił dahózhǫ́ǫ doo, áádóó nitsáhákees dóó niheʼiinaʼ yee nihíká adoolwoł. (Psalm 33:12) Nááná ałdóʼ iiná yíłtʼihgi baa nił hózhǫ́ǫ doo, iiná doo yáʼátʼéhígíí éí bitsʼą́ąjįʼ ánítʼée doo, yáʼátʼéehii hánítʼı̨́į doo, dóó náánáłaʼ ałdóʼ yáʼátʼéehgo bichʼįʼ ááníił doo. Áko psalmist ánínígíí éí nił nilı̨́į doo, “God bichʼįʼ niníyáago shá yáʼátʼééh.”—Psalm 73:28.

Tʼááłaʼí niitínígo nihaa áhályą́. Jiihóvah éí bá nidaalʼaʼí kwííłní: “Nikʼi díshʼı̨́įʼgo nineeshtı̨́įł doo.” (Psalm 32:8) Jiihóvah éí bá nidaalʼaʼí tʼááłaʼí jinítínígo yee yaa áhályą́ dóó deinízin. (Psalm 139:​1, 2) Áko Jiihóvah hazhóʼó bił kʼé ahidiʼníigo éí tʼáá áłahájįʼ níká análwoʼ doo.

Náasdi hózhǫ́ǫ doo. Ił hózhǫ́ dóó iiná yáʼátʼéehii nichʼįʼ ąą áyósin, Jiihóvah God éí náasdi yáʼátʼéehgo iináa dooígíí náás yee hazʼą́. (Isaiah 48:​17, 18) Diyin Bizaad ání: “Áko iiná doo ninítʼiʼii éí díí, ni tʼéiyá tʼáá aaníí Diyin God nílı̨́įgo néédahodoosįįł, índa Jesus Christ yiníłʼaʼígíí ałdóʼ yéédahodoosįįł.” (John 17:3) Díí kʼad achʼįʼ nahwiiʼná biiʼ nihił hoolzhish, ákondi God “bíká nihił chodahooʼíinii . . . daniłdzil.”—Hebrews 6:19.

Díí tʼáá díkwíí chʼídaastʼą́ haitʼéego God bééhodíísįįł dóó hazhóʼó bikʼis díílééł. Jiihóvah Yá Dahalneʼé łaʼ neidídííłkił doodaiiʼ jw.org biiʼ dídííʼįįł.