Díí niheʼiinaʼ baa nitsíkeesgi bídéétʼiʼgo átʼé.

Diyin God tʼáá ałtsoní ayóó ádanóolingo áyiilaa, áko haʼátʼíí biniyé nihí éí nihichʼįʼ nidahwiiʼnáago ánihijiilaa? Baa nitsáhákeesgo doo beełtʼée da.

Oodlą́ bee ádaadinígíí éí kótʼéego nitsídaakees: (1) God éí tiʼhooʼnííh nidootʼih doo yíneelʼą́ą da, (2) God doo nihaa aʼááh nízin da, áko nihichʼįʼ nahwiiʼnáago doo nidooltʼih da, doodaiiʼ (3) God doo hólǫ́ǫ da.

Tʼáásh díí tʼéí naʼídíkid?

God éí doo tiʼhooʼnííh yiniyé ánihiilaa da.

Iiná baa nihił hózhǫ́ǫ doo biniyé ánihiilaa.

“Hódayéełkaahgo hoł nidahoozhǫǫh áádóó yáʼátʼééh ádajooníłígíí náábíláahgo há yáʼánáánátʼéeh dooígíí doo łaʼ há nááhódlǫ́ǫ da. Áádóó ałdóʼ diné tʼááłáʼí jinítínígo dazhdooyı̨́įłii áádóó dazhdoodlı̨́įłii índa hanaanish baa hoł dahózhónígíí éí Diyin God ainíláii átʼé.”—ECCLESIASTES 3:​12, 13.

God éí áłtsé hastiin dóó asdzą́ą́ áyiilaago, tʼáadoo bee hachʼįʼ anáhóótʼiʼígóó áhoolaa.

Hó doo hakééʼdóó oochííł doo bichʼįʼ nidahwiiʼnáa da doo nízin.

“God áháłní: “Nihaʼáłchíní hooleełgo kʼeeʼąą noohtʼı̨́įł doo, áádóó nahasdzáán bikááʼgóó nihinołtʼeehgo kʼeeʼąą dínóhtʼįįh.”—GENESIS 1:28.

Áłtsé hastiin dóó asdzą́ą́ éí God doo bikʼeh hojííłʼįįd da.

Kójiidzaago tʼáá hó hachʼįʼ nahwiiʼnáago haa hoolzhiizh, áádóó hakééʼdóó oochíłígíí ałdóʼ ákótʼé.

“Diné tʼááłazhdiltʼéhígíí hwee nahasdzáán bikáaʼgi ádił niʼiidzííh hazlı̨́ı̨́ʼ. Áko bąąhági átʼéii bee aniné hazlı̨́įʼgo nihokááʼ dineʼé tʼáá ałtso daniné silı̨́ı̨́ʼ, háálá tʼáá ádzíłtso ádił nidaʼdziisdzííʼ.”—ROMANS 5:12. *

God binahatʼaʼ bitsʼą́ądi hiniiʼnáa doo éí doo biniyé ánihiilaa da.

Bílaʼashdlaʼii éí ádaa nahatʼaʼ doo biniyé ábiʼdiilyaa da.

“Diné yikʼehgo hináa dooleełígíí doo biiʼ hólǫ́ǫ da. Diné biyoołááł dooleełii biiʼ ádin.”—JEREMIAH 10:23.

Diyin éí doo nihichʼįʼ nahwiiʼnáa da doo nihóʼní.

Bee nihichʼįʼ anídahaztʼiʼígíí baa ákonízingo dóó áda áhwiilyą́ągo dahiniiʼnáa doo nihóʼní.

“Shibikʼeh óʼooʼníiłii yíníłtsʼą́ąʼ doo nítʼééʼ nisin! Ákwíindzaago tooh nílı̨́ nahalingo nił hashtʼehodítʼée doo nítʼééʼ.”—ISAIAH 48:18.