Yáníłtiʼgo łahda yéigo hodiitsʼaʼgo yáníłtiʼ éí doodaiiʼ wóyahgo yádííłtih. Saad bitsʼą́ą́dóó íhodooʼáłígíí dóó saad naʼiiłná dooleełígíí bee yáníłtiʼgo éí ayóó íitsʼaʼgo bee hadíídzih. Áádóó Scripture biyiʼdóó nihodiyiitʼaahígíí yaa halneʼgo éí tʼáá yéédígo hodiitsʼaʼgo yídííłtah. Doodaiiʼ bádahádzidígíí yaa halneʼgo éí wóyahgo hodiitsʼaʼgo yídííłtah.

Nizhí ałʼąą ánáádlíiłgo wóyahígo doodaiiʼ wódahgo bee yáníłtiʼ. Díí ádaatʼéhígíí baa yáníłtiʼgo: Bóhoneedlínígíí, haa níłtsoígíí, doodaiiʼ kónízáadi diníigo éí nizhí yéigo hodiitsʼaʼgo bee hadíídzih. Yínííł hasingo éí nizhí wóyahgo hodiitsʼaʼgo bee hadíídzih.

Tsxı̨́įłgo éí doodaiiʼ tʼáá hazhóóʼógo yáníłtiʼ. Haneʼ bóhoneedlínígíí baa hólneʼgo éí tsxı̨́įłgo yáníłtiʼ doo. Íiyisíí bikʼidiʼdootı̨́įłgo chʼídaastʼánígíí baa hólneʼgo éí tʼáá hazhóóʼógo bee hadíídzih.