Séítan dóó biníłchʼi bidaʼiiníziinii éí doo God bá nanilʼaʼ da doo danízin. Bíighah ladą́ą́ʼ tʼáá łáʼí nízínígo God bitsʼá deesłóós danízin. Haash yitʼéego éí díí naayídanitaah? Łaʼ beeígíí éí doo tʼááʼaaníínii nahaghaʼ. (2 Corinthians 11:​13-15) Łaʼ nahaghá Diyin Bizaad bitsʼą́ą́dę́ę́ʼ yoochʼííd yee naʼnitingo díí nahaghaʼ éí doo tʼááʼaaníínii nahaghaʼ átʼéii da. Doo tʼááʼaaníínii nahaghaʼ éí béeso tʼóó beʼelyaaígíí nahalin—tʼááshı̨́ı̨́ʼaaníí nahalin ndi, doo ílı̨́į da. Biniinaa ląʼígo da hachʼı̨́ nahodiyoołnaał.

Doo tʼááʼaaníínii nahaghaʼ biyoochííd hoolʼáágóó Jiihóvah doo bił yáʼátʼééh da, God tʼááʼaaníinii nílíinii. Nihookááʼgi naaghá yę́ędą́ą́ʼ, łaʼ nahaghaʼ bił hazʼą́ągo éí Jesus dadiyiilyééł danízin ntʼééʼ. Díídígíí éí nihinahaghaʼ jígo tʼáá ákótʼé danízin ńtʼę́ę́ʼ. Adahodííniid: “Nihi Taaʼ tʼááłáʼí, éí Diyin God.” Ákoísh Jesus bił lą́ ńtʼę́ę́ʼ? Ndahgaʼ! Abizhdííniid: “[Devil] danihitaaʼ átʼé, éí bitsʼą́ą́dę́ę́ʼ dahosoolı̨́ı̨́ʼ.” (John 8:​41, 44) Dííshjı̨́įdi tʼóóʼahayói God bichʼįʼ nahashłá danízin, ndi Séítan dóó biníłchʼi bidaʼiiníziinii éí tsʼídá íiyisíí yá ndaalʼaʼ!—1 Corinthians 10:20.

 Tʼáá tsin dííłdzidgo bineestʼąʼ doo yáʼátʼéehígíí nahalingo, doo tʼááʼaaníínii nahaghaʼ éí diné doo yáʼátéehgo ádaʼoołʼįįłígíí yineestʼą́. Diné doo yáʼátʼéehgo ádaʼoołʼįįłígíí biniinaa nihookááʼ tʼáá siʼą́ą́ ńtʼę́ę́ʼ ańdahaztʼiʼ. Hweʼíʼoolʼįįł kʼeh doo yáʼátʼéehii, ałkʼináʼiijah, anitʼįįh, adeʼádahósinii, ndaʼahiltseed, dóó ił niʼiideeł dahólǫ́, ndi yáʼátʼééhgo ázhʼdóoliiłígíí éí binahaghaʼ doo ndabiiłnáa da. Doo éí God bikʼis dazhdooleeł da, doo yáʼátʼéehígíí niʼ ádajiiláago tʼéiyá.—Matthew 7:​17, 18.

Doo tʼááʼaaníínii nahaghaʼ, éí edaʼalyáii bichʼįʼ sohodizin diné yee ndeinitin. God éí edaʼalyáii doo bichʼįʼ sohodizin da ní. Díí éí tʼáá ákónéehee. Niísh nił yáʼátʼééh doo tʼáá háiida nichʼįʼ yáłtʼiʼgoo ndi nééʼályaaígíí da yichʼįʼ yádaałtiʼgo? Daʼ díí dinéísh tʼááʼaaníí nikʼis nilı̨́įdo? Ndagaʼ. Jiihóvah éí diné shichʼįʼ yádaałtiʼ doo nizín, eʼelyaa doodaiiʼ ndaʼaashchʼąąʼ doo hinánígíí bichʼįʼ éí ndagaʼ.—Exodus 20:​4, 5

Doo tʼááʼaaníínii nahaghaʼ éí anaaʼ holehgo, háiida łaʼ jidiyoołhééłígíí tʼáá ákó níigo yee ndaʼntin. Jesus áníigo éí God bikʼis ayóóʼóʼóʼní bitah dahólǫ́ǫ doo. Díné ayóóʼííníʼníigo éí doo diyiilyééł da. (John 13:35) Diné doo yáʼátʼéehii diyiilyééł ndi tsʼídá doo ákótʼée da. Jesus beʼenaʼí dabiiłtsood biniiyé baa daaskaigo, bídahoołʼaahígíí baa ádahalyą́ągo bichʼą́ą́h ndakai dooleełígíí doo yee yáhołʼaʼ da.—Matthew 26:​51, 52.

Doo tʼááʼaaníínii nahaghaʼ éí diné doo yáʼáshxóonii hodookʼąął góyaa tiʼdahwiizhdoonih níigo yee ndaʼntin. (Romans 6:23) Ákó ndi, Diyin Bizaad naʼnitingo éí niʼiidzííh bee aniné baa hwiitʼééh. Jiihóvah éí ayóóʼóʼóʼníinii biGod nilı̨́. God ayóóʼóʼóʼníigoísh diné hoolʼáágóó yichʼįʼ náhwiiłnáa dooleeł? Doodaí bee dooda! Kéyah Tʼáadoo Bee Honóoshónídi, tʼááʼłáʼígo tʼéiyá nahaghaʼ dooleeł, Jiihóvah bił yáʼátʼééhígíí tʼéiyá. (Revelation 15:4) Tʼááʼałtso nahaghaʼ Séítan biyoochʼííd bee kʼeeʼąą hodeesʼáahígíí éí ádin dooleeł.