Éíbraham éí biyeʼ Áízak, Jiihóvah ayóóʼáyóʼní índa yaʼólíi doogo neineeztą́ą́ʼ. Áízak 25 binááhaigo, Jiihóvah éí Éíbraham bá nantłʼa dooígíí ádíílííł yidííniid. Éísh haʼátʼíí?

‘Tʼááłáʼí niyeʼígíí, kéyah Moráíyahgóó bił dííʼashgo áadi nááhodiyííłnih.’ Éíbraham éí Jiihóvah doo hazhóʼó bikʼizhdiitįįh da, ndi Jiihóvah bikʼehgóó ájiidzaa.

Abínígo Éíbraham, bá naalʼaʼí naakigo, áádóó hayeʼ Áízak bił Moráíyahgóó dashdiikai. Tááʼ yiską́ągo dził jideeskaigóó dajiiłtsą́. Éíbraham éí bá naalʼaʼí ííłní: ‘Tʼáá kwii sooké; shí índa shiyeʼ éí níláahjįʼ diitʼash; áadi nááʼdiyiilnih.’ Áízak éí chizh há niiníłjid, áádóó Éíbraham béésh łaʼ hajíítą́. Áízak ájíní: ‘Ákoshąʼ dibé yázhí didlidgo nááhidoonihígíí éí háadi?’ Éíbraham ání: ‘Shiyeʼ, Diyin God tʼáá bí néididoołtééł ni.’

Dziłdi jiníʼáazhgo bikááʼ nááʼiiniihii ájiilaa. Éíbraham éí Áízak bílaʼ dóó bikeeʼ beʼjiztłʼǫ́ǫgo bikáaʼgi nizhníłtı̨́.

Éíbraham béésh nízhdiiʼą́. Ńtʼééʼ Jiihóvah biníłchʼigo naalʼaʼí yáʼąąshdę́ę́ʼ hózhíigo áháłní: ‘Éíbraham! Ashkii atíhólééh lágo, Diyin God bichʼįʼ neʼoodląʼ bidziil lá, háálá niyeʼígíí doo baa  níchįʼ da.’ Éíbraham hajííghalgo deenástsʼaaʼ bideeʼ yee chʼil yiih noolneʼ lágo jiiłtsą́. Áko Éíbraham éidíígíí náájiisniiʼ.

Éí bijı̨́ı̨́dóó Jiihóvah bikʼis jizlı̨́ı̨́ʼ. Haitʼéego? Jó, Éíbraham éí tsʼídá tʼáá Jiihóvah ánínígíí bikʼeh hojíłʼínígíí biniinaa. Azhą́ shı̨́ı̨́ łahgóó doo bikʼizhdiitįįh da ndi.

Jiihóvah éí Éíbraham yichʼįʼ yee ádee haadzííʼ yę́ę, yee hanáánáádzííʼ: ‘Nikʼijishdlíigo naʼáłchíní éí kʼeeʼąą dínéeshtʼı̨́ı̨́ł.’ Díí éí Éíbraham bitsʼą́ą́dóó oochíłígíí diné yáʼádaatʼéhígíí Jiihóvah yikʼihadlíi doo.