Péntekast 33 C.E. baa hózhǫ́ǫgo ádazhdoolííł biniyé daʼníłtsʼą́ą́dę́ę́ʼ Jerúsalemgi nijiiskai. Jesus yáʼąąshgóó anáádzá áádóó neeznáá yiską́ągo bídahoołʼaahii éí níłchʼi diyinii baa daasyá. Bídahoołʼaahii 120 yiltʼéego hooghan wódah hazʼą́ą́ góneʼ áłah nilı̨́. Tʼáadoo hooyání haashı̨́ı̨́ hoodzaa. Hátáaʼgi kǫʼ adahwiizleʼgo dajiiłtsą́ áádóó saad łahgo átʼéii bee yádajiłtiʼ. Hooghan góneʼ ayóó átʼéego níyol diistsʼą́ą́ʼ.

Náánáłah kéyahdę́ę́ʼ neheeskai yę́ę níyol deidiiztsʼą́ąʼgo kin siʼą́ą́góó nízhdiijééʼ. Jesus bídahoołʼaahii saad łahgo átʼéii yee yádaałtiʼgo tʼóó bikʼee tsídazdeesyiz. Ádajiní: ‘Díí diné Gáliliidę́ę́ʼ nidaakai, ákosh haitʼéego nihizaad bee yádajiłtiʼ?ʼ

Peter dóó daalʼaadii éí diné áłah nilínígíí bidáahgi nijizı̨́. Peter éí Jesus biʼdiisyı̨́ yę́ę dóó Jiihóvah náábidiisáhígíí baa hojoolneʼ. Ájíní: ‘Jesus éí kʼad yáʼąąshdi God binishʼnáájí dah  neezdá, áko níłchʼi diyinii nihainílá. Éí biniinaa ayóó átʼéego áhoodzaii daołtsą́ dóó dasidootsʼą́ą́ʼ.ʼ

Peter yee haadzííʼ yę́ę dabidiisʼnááʼ áádóó nidaʼídíłkidgo ádaaní: ‘Haash dadiiʼnííł?ʼ Peter áháłní: ‘Bąąhági ádaahdzaa yę́ę baa danihíniʼgo diyingo tsíndadoohkos áádóó Jesus bízhiʼ binahjįʼ baptize ádanihidiʼdoolnííł. Níłchʼi diyinii ałdóʼ nihaa dadoolyééł.ʼ Tʼáá éí bijı̨́ 3,000 jiltʼéego baptize ádahoʼdiilyaa. Éí bikéédóó Jerúsalemgi ídahoołʼaahii ąą yilzhishgo hahoolzhiizh. Níłchʼi diyinii háká análwoʼgo congregations dahazlı̨́ı̨́ʼ. Kótʼéego éí Jesus bíndaʼnołtin doo hałnínę́ę bee nidazhʼnitin.