John éí Zekaráíyah dóó Elízabeth biyeʼ jílı̨́. Jineeyą́ągo Jiihóvah yá halneʼii jizlı̨́ı̨́ʼ. Jiihóvah chohółʼı̨́įgo Mesáíyah yighááh jiníigo bee nazhnitin. Synagoguedi doodaiiʼ kin haalʼáadi doo nazhnitin da, ndi honoojítahdi nahojilneʼ. Jerúsalemdę́ę́ʼ dóó Judíyadę́ę́ʼ diné haa hakááh. Éí Jiihóvah bił dahojíshǫ́ǫ dooleełgo éí bąąhági ádajooníłígíí yóóʼadahizhdidooʼáałgo bee nazhnitin. Ląʼí deidiiztsʼą́ąʼgo nidaʼiisíhígíí yee ádaa dahoolneʼ, áádóó John éí Jórdan Tooh nilíní biiʼ baptize ádahoolaa.

John éí tʼóó bikiinígo jiiná. John biʼééʼ ghą́ą́ʼaskʼidii bighaaʼ bee ályaa, índa nahachagiitsoh dóó tsésʼná bitłʼizh bichʼiyąʼ. Diné éí John háí ájítʼı̨́ danízin. John éí Férisiiz dóó Sádjusiiz haa daaskai. Éí ábijiní: ‘Łah átʼéego tsíńdahidohkees, bąąhági ádanohtʼé yę́ę bitsʼáhóhkááh. Azhą́ shı̨́ı̨́ Éíbraham baʼáłchíní danohłı̨́į ndi, Diyin God baʼáłchíní doo danohłı̨́į da.’

Ląʼí John nideíyídééłkid: ‘Haitʼéego God bił dahoniilzhǫ́ǫ doo?ʼ Áko John éí Jews ííłní: ‘Háiida biʼéétsoh naaki hólónígíí éí łaʼ biʼéétsoh ádinígíí baazhdoołtsos.ʼ Haʼátʼíí biniinaa ákójíní? John bídahoołʼaahii neinitingo diné ayóóʼájóʼníigo tʼéiyá God bił hojíshǫ́ǫ doo.

John éí tax yaa ádahalyánígíí ííłní: ‘Tʼáadoo diné bindaʼałoʼí.ʼ Siláo ałdóʼ kwííłní: ‘Tʼáadoo yoochʼííd bee nihá daʼiideełí.’

 Náádaʼiiłniihii dóó Líívai dineʼé John nideíyídééłkidgo ádaaní: ‘Tʼáá áníiltso éí háí ánítʼı̨́ daniidzin.ʼ John ání: ‘Halneʼii Aizéíyah hólneʼ yę́ęgi átʼéego Jiihóvah baa honítʼiʼ baa hashneʼ biniyé honoojíidi iinééʼ nishłı̨́.’

John binaʼnitinii éí diné bił yáʼádaatʼééh. Ląʼí éí John Mesáíyah daatsʼí nilı̨́ danízin. Ndi John ání: ‘Shikéédę́ę́ʼ joogáłígíí éí aláahdi nilı̨́. Aʼoh nishłı̨́įgo bekétłʼóól doo kʼeʼdeeshʼał da. Shí éí tó bee baptize ádaʼashłeʼ, bí éí níłchʼi diyinii yee baptize ádaʼaleʼ doo.’