“God . . . Dabinákʼeeshtoʼ tʼáá ałtso yá yidootʼoł, aniné ádin doo, áádóó atínáhodinidleeh ádin doo, cha ádin doo índa adiniih ádin doo, háálá áłtséédą́ą́ʼ dahólóonii bił yóóʼahóóyá.”​—Revelation 21:3, 4, Diyin God Bizaad (Navajo Revised).

Baa hózhǫ́ǫgo tʼáá ákónéehee naanish dah hólǫ́ǫ doo.​—Isaiah 65:21-23.

Tʼááʼałtso ałʼąą ádaatʼéego ąą dah nahazʼą́ dóó tiʼhooʼnííh nahjįʼ kódoolnííł.​—Isaiah 25:8; 33:24.

Nihił dahózhǫ́ǫgo ayóíʼádeeyíníiʼnínígíí hoolʼáágóó bił dahiiniiʼnáa doo.​—Psalm 37:11, 29.

Aooʼ, kǫ́ǫ́ łaʼ binahjįʼ deidiidląął:

• God yee ádee hahasdzííʼígíí yeʼdoolíiłgo yíneelʼą́. Diyin God Bizaad biiʼdę́ę́ʼ, Jiihóvah éí ‘Aláahgo Ayóóʼábóodziilii’ yiłní, éí bibee adziil doo nineelʼą́ą da. (Revelation 15:3) Díí yee ádee haadzíʼígíí tʼáá ałtsojįʼ yíneelʼą́, áko nihił hoogáłígíí yáʼátʼéehgo nihá áhodoolííł. Diyin God Bizaad ánínígi átʼéego “Diyin God tʼááʼałtsoní bee bá bohónéedzą́.”​—Matthew 19:26.

• God yee ádee hahasdzííʼígíí yeʼdoolíiłgo yinízin. Kǫ́ǫ́ łaʼ kótʼéego, Jiihóvah diné daneeznánígíí iiná yaa néiidoodléełgo ‘yídin nilı̨́.’​—Job 14:14, 15.

Diyin God Bizaad ałdóʼ díí ííshjání áyiilaa, God biyeʼ, Jesus, bąąh dah ndahazʼánígíí néyííłdzííʼ. Haʼátʼíí biniyé kódzaa? Tʼáá bí íinízingo biniinaa. (Mark 1:40, 41) Jesus tsʼídá nizhónígo biZhéʼé bíniʼ siláagi yeełtʼéego biniinaa baa dah hajoobááʼígíí yíká adoolwoł nízin.​—John 14:9.

Áko díí bééhózingo éí tʼáá áłah Jiihóvah dóó Jesus náásgóó nihił dahózhǫ́ǫgo kééhonítʼíi dooleełígi nihíká anáhiʼnilchéeh doo nízin!​—Psalm 72:12-14; 145:16; 2 Peter 3:9.