Jew dabiʼdiisnaaʼígíí éí kin biiʼ sohodizin Iizííkiyel yiyiiłtsánígíí yee hadaʼólní. Éí binahjįʼ bił chodahooʼı̨́, Jiihóvah hazhóʼó bá naʼalʼaʼ ánídeidoodlííł. Kʼad nihił hoogáłígíí Jiihóvah hazhóʼó bá naʼalʼaʼgo “dził aghádahazʼáii biláahdi bohoníłdzilgo ádoolnííł” dóó daʼníłtsʼą́ą́dę́ę́ʼ ałhił dahidiikai. (Isa 2:2) Jiihóvah bééhonísinígíí dóó bá nanilʼaʼígíí niísh tʼáá ałhąąh baa nitsíníkees łeh?

• Hazhóʼó niheʼiinaʼ yiiltʼihígíí dóó nihił chodahooʼínígíí, éí Jiihóvah bitsʼą́ą́dóó bídahwiidiilʼááł.—Isa 48:17, 18; 65:13; Ro 15:4

• Tʼááłaʼí hajííjééʼ nahalingo, ayóóʼádaʼahíínóhʼní.—Ps 133:1; Joh 13:35

• God bił nideilnishgo, baa ił hózhǫ́ǫgo átʼé.—Acts 20:35; 1Co 3:9

• Nanihiʼdinitaahgo “God bitsʼą́ą́dę́ę́ʼ bee achʼįʼ hózhǫ́ náhásdlı̨́įʼii” bee nihidziil.—Php 4:6, 7

• Tʼáá ákogi áníshtʼéego, bee ádaa ákonisdzin.—2Ti 1:3

• Jiihóvah “yił ahídadínéelná.”—Ps 25:14

Haitʼéego Jiihóvah bá naashʼaʼgo shił nílı̨́įgo ííshjání íínísin?