Romedi áłah nídaadleehígíí éí Paul aadę́ę́ʼ yigáałgo yaa dahodiiztsʼą́ą́ʼ, łaʼ hastóí ahíikaigo 40 milesgóó (64 km) hadah yiikai. Haitʼéego beʼayóóʼádaʼóʼní éí Paul nabiisnaaʼ? “Paul yiyiiłtsą́ągo, Diyin God yichʼįʼ ahééh niizı̨́įʼgo chánah násdlı̨́ı̨́ʼ.” (Ac 28:15) Paul éí áłah nídaʼadleehígíí bee haʼahóní bee hwééhoʼdóolzin. Kʼad éí bí awáalyaaí nilı̨́įgo, haʼahóní bee bichʼįʼ yádajiłtiʼ.​—2Co 13:10.

Dííshjı̨́įdi circuit overseers áłah nídaʼadleehgóó yitaadaakaigo nihibrothers dóó nihisisters hadaʼólníigo ánídeidleʼ. Tʼáá nihígi átʼéego, ałdóʼ bichʼįʼ anídahaztʼiʼ, dóó chʼééh nídadikah, bide ánídahootʼįįh, dóó baa ninádahakaʼ. Circuit overseer dóó beʼasdzą́ą́ nihaa náánátʼáazhgo haitʼéego “bee ahidiníłnáago hadaʼahííníilníi dooleełígíí” bee bíká adiilwoł?​—Ro 1:11, 12.

• Nidahwiilneʼ biniyé áłah náʼádleeh nánídáahgo atah honílǫ́. Circuit overseer nihaighaah góneʼ nihinaanish yę́ę nahjįʼ kódeilʼįįh atah nahashneʼgo haʼahónínígíí bee bíká adiilwoł. (1Th 1:2, 3; 2:20) Baa nitsíníkees, nihaighahígíí biiʼ yiziłígíí góneʼ auxiliary pioneer ádeeshlííł nínízingo hadidíílííł. Háidíígíí shı̨́ı̨́, bí dóó beʼasdzą́ą́ bił nahodeeshnih nínízin doodaiiʼ łaʼ bił nahólneʼígíí bichʼįʼ bił dííʼash? Éí yaa bił dahózhǫ́ tʼáá ałʼąą átʼéego yił nidaalnishígíí, łaʼ ániid dahalneʼ daazlíʼígíí dóó łaʼ éí dahalneʼígíí yichʼįʼ tʼáá ádaatʼé, doo yizhchįįh da daaní.

• Nihaʼałkʼee nídaʼaldah. Naʼałkʼee dabiidoołkáłígíí doodaiiʼ baʼdííłtsołísh? Díí circuit overseer dóó beʼasdzą́ą́ binahjįʼ ayóóʼííníʼní bee ííshjání ádíílííł. Tʼóó ahayóí biniyé hashtʼeʼízhdídóolnííł doo nihił nayólíi da.​—Lu 10:38-42.

• Deisíníiltsʼą́ą́ʼ dóó bee nihił hólneʼígíí bikʼeh dahwiiniilʼı̨́į doo. Hazhóʼó Jiihóvah bá nahwiilneʼgo biniyé circuit overseer ayóóʼánihóʼníigo nihíká eelwod. Łaʼ saad bidziilgo naʼakʼíyádaałtiʼígíí yee hachʼįʼ haadzih. (1Co 5:1-5) Bikʼeh dahwiiniilʼı̨́ dóó bídahwíínółnííh éí yaa bił hózhǫ́.​—Heb 13:17.

• Yaa ahééh nízingo ííshjání áyiilaa. Circuit overseer dóó beʼasdzą́ą́ éí haitʼéego haʼahónínígíí yee níká eelwodgo bee bił hodiilnih. Díí bił hodiilnih doodaiiʼ naaltsoos bikááʼ ádíílíiłgo baa dííłtsos.​—Col 3:15.