Psalm 126:1-6
Yisnááh néiníʼeezhii bichʼįʼ ahééh hasin
126 Bóhólníihii nihitahdóó dabiʼdisnánígíí Záíyanjįʼ néiníʼeezhgo tʼóó baa nidasiigeel nahalin silı̨́ı̨́ʼ.
2 Íídą́ą́ʼ háhgóóshı̨́ı̨́ anídeidloh nítʼééʼ, áádóó nihił dahózhǫ́ǫgo dahwiitaał nítʼééʼ. Áádóó ałʼąą dineʼé bitahgóó ádahodooʼniid, Bóhólníihii éí ayóó ádaatʼéii há yaa naayá.
3 Bóhólníihii lá ayóó ádaatʼéii nihá yaa naayáago baa nihił dahózhǫ́.
4 Bóhólníihii nílíinii, shádiʼááhjí tó danílínígíí nahalingo nihitahdóó dabiʼdisnánígíí nihá náníʼéésh!
5 Kʼidaʼdiléii binákʼeeshtoʼ nideinilgo bił dahózhǫ́ǫgo daʼdooyish!
6 Yichago kʼeelyéí ílíinii kʼididoolyééł biniyé chʼíyiiłtsóosii éí bił hózhǫ́ǫgo tłʼoh bidaʼastłʼǫ́ǫgo bighanjįʼ ninéidiyoołjił.
