1 Chronicles 6:1-81
6 Líívai biyeʼké éí Gérshan, Kóhath índa Miirárai daolyé.
2 Kóhath biyeʼké éí Ámram, Ízxar, Hííbran índa Azáíyel daolyé.
3 Ámram baʼáłchíní éí Éran, Mózes índa Míriyam daolyé. Éran biyeʼké Néídab, Abáíhu, Eliyéízer índa Íthamar daolyé.
4 Eliyéízar éí Fíniyas há yizhchı̨́, Fíniyas éí Abíshuwa há yizhchı̨́,
5 Abíshuwa éí Bákai há yizhchı̨́, Bákai éí Ázai há yizhchı̨́,
6 Ázai éí Zeraháíyah há yizhchı̨́, Zeraháíyah éí Miiréíyath há yizhchı̨́,
7 Miiréíyath éí Amaráíyah há yizhchı̨́, Amaráíyah éí Aháítab há yizhchı̨́,
8 Aháítab éí Zéídak há yizhchı̨́, Zéídak éí Ahímeiyaz há yizhchı̨́,
9 Ahímeiyaz éí Azaráíyah há yizhchı̨́, Azaráíyah éí Johéínan há yizhchı̨́
10 áádóó Johéínan éí Azaráíyah há yizhchı̨́, (díí éí Jerúsalemgi kin biiʼ sohodizin Sálaman yę́ę áyiilaaígíí biyiʼ góneʼ nááʼiiłniihii nilı̨́ı̨́ nítʼééʼ),
11 Azaráíyah éí Amaráíyah há yizhchı̨́, Amaráíyah éí Aháítab há yizhchı̨́,
12 Aháítab éí Zéídak há yizhchı̨́, Zéídak éí Shálam há yizhchı̨́,
13 Shálam éí Hilkáíyah há yizhchı̨́, Hilkáíyah éí Azaráíyah há yizhchı̨́,
14 Azaráíyah éí Siiréíyah há yizhchı̨́, Siiréíyah éí Jiihózadak há yizhchı̨́
15 áádóó Bóhólníihii éí Nébukadnézzar yiyííłʼaad yę́ędą́ą́ʼ Júdah dineʼé áádóó Jerúsalem dineʼé yisnáago Jiihózadak ałdóʼ atah bidisná.
16 Líívai biyeʼké éí Gérshan, Kóhath índa Miirárai daolyé.
17 Áádóó díí Gérshan biyeʼké Líbnai áádóó Shímiyai wolyé.
18 Kóhath biyeʼké Ámram, Ízxar, Hííbran índa Azáíyel daolyé.
19 Miirárai biyeʼké Málai áádóó Múshai wolyé. Díí éí dabizhéʼé yę́ę bikʼehgo Líívai dineʼé ahoolchíiłii danilı̨́.
20 Gérshan bitsʼą́ą́dóó náás oochíiłii éí díí: Gérshan biyeʼ Líbnai wolyé, Líbnai biyeʼ Jéíhath wolyé, Jéíhath biyeʼ Zímmah wolyé,
21 Zímmah biyeʼ Jóʼah wolyé, Jóʼah biyeʼ Ído wolyé, Ído biyeʼ Zíírah wolyé, Zíírah biyeʼ Jiiyáterai wolyé.
22 Kóhath bitsʼą́ą́dóó náás oochíiłii éí díí: Kóhath biyeʼ Amínadab wolyé, Amínadab biyeʼ Kórah wolyé, Kórah biyeʼ Áser wolyé,
23 Áser biyeʼ Elkéínah wolyé, Elkéínah biyeʼ Iibáíyasaf wolyé, Iibáíyasaf biyeʼ Áser wolyé,
24 Áser biyeʼ Téíhath wolyé, Téíhath biyeʼ Yúriyel wolyé, Yúriyel biyeʼ Azáíyah wolyé, Azáíyah biyeʼ Shéíyal wolyé.
25 Elkéínah biyeʼké Amaséíyai áádóó Aháímath wolyé,
26 Aháímath biyeʼ Elkéínah wolyé, Elkéínah biyeʼ Zófai wolyé, Zófai biyeʼ Néíhath wolyé,
27 Néíhath biyeʼ Iiláíyab wolyé, Iiláíyab biyeʼ Jiiróham wolyé, Jiiróham biyeʼ Elkéínah wolyé.
28 Sámuel biyeʼké éí Jówel alą́ąjįʼ yizhchínígíí Váshnai wolyé áádóó nááʼákóneʼígíí Abáíjah wolyé.
29 Miirárai bitsʼą́ą́dóó náás oochíiłii éí díí: Miirárai biyeʼ Málai wolyé, Málai biyeʼ Líbnai wolyé, Líbnai biyeʼ Shímiyai wolyé, Shímiyai biyeʼ Ázah wolyé,
30 Ázah biyeʼ Shímiya wolyé, Shímiya biyeʼ Hagáíyah wolyé índa Hagáíyah biyeʼ Aséíyah wolyé.
David éí kin biiʼ sohodizin góneʼ dahataałígíí niinínil
31 Bóhólníihii bikin biiʼ sohodizin biyiʼjįʼ tsitsʼaaʼ dílzinii nátʼą́ą́dóó bikʼijįʼ díí sin yee bídahólníih doo biniyé David nibinínil.
32 Jerúsalemgi Sálaman yę́ę éí Bóhólníihii bikin biiʼ sohodizin áyiilaajįʼ níbaal biiʼ dahozdísinii bidáahgi sin yee nídahataałgo binaanish ádayósingo hoolzhiizh.
33 Díí diné dahataałii lą́ą dabiyeʼké ałdóʼ sin yee dahataał. Kóhath dineʼé bitahdóó éí díí: Hííman sin yee hataałii nilíinii éí Jówel biyeʼ jílı̨́, áádóó Jówel éí Shémuʼel biyeʼ jílı̨́,
34 Shémuʼel éí Elkéínah biyeʼ jílı̨́, Elkéínah éí Jiiróham biyeʼ jílı̨́, Jiiróham éí Iiláíyel biyeʼ jílı̨́, Iiláíyel éí Tówah biyeʼ jílı̨́,
35 Tówah éí Zuf biyeʼ jílı̨́, Zuf éí Elkéínah biyeʼ jílı̨́, Elkéínah éí Méíhath biyeʼ jílı̨́, Méíhath éí Amaséíyai biyeʼ jílı̨́,
36 Amaséíyai éí Elkéínah biyeʼ jílı̨́, Elkéínah éí Jówel biyeʼ jílı̨́, Jówel éí Azaráíyah biyeʼ jílı̨́, Azaráíyah éí Zefanáíyah biyeʼ jílı̨́,
37 Zefanáíyah éí Téíhath biyeʼ jílı̨́, Téíhath éí Áser biyeʼ jílı̨́, Áser éí Iibáíyasaf biyeʼ jílı̨́, Iibáíyasaf éí Kórah biyeʼ jílı̨́,
38 Kórah éí Ízxar biyeʼ jílı̨́, Ízxar éí Kóhath biyeʼ jílı̨́, Kóhath éí Líívai biyeʼ jílı̨́, Líívai éí Ízrel biyeʼ jílı̨́.
39 Áádóó Hííman hakʼis Éísaf wolyé, éí honishʼnáájígo sizíinii nilı̨́. Éísaf éí Berakáíyah biyeʼ jílı̨́. Berakáíyah éí Shímiya biyeʼ jílı̨́,
40 Shímiya éí Máíkel biyeʼ jílı̨́, Máíkel éí Béíyasíyah biyeʼ jílı̨́ áádóó Béíyasíyah éí Malkáíyah biyeʼ jílı̨́,
41 Malkáíyah éí Éthnai biyeʼ jílı̨́, Éthnai éí Zíírah biyeʼ jílı̨́ áádóó Zíírah éí Adáíyah biyeʼ jílı̨́,
42 Adáíyah éí Ííthan biyeʼ jílı̨́, Ííthan éí Zímmah biyeʼ jílı̨́ áádóó Zímmah éí Shímiyai biyeʼ jílı̨́,
43 Shímiyai éí Jéíhath biyeʼ jílı̨́, Jéíhath éí Gérshan biyeʼ jílı̨́ áádóó Gérshan éí Líívai biyeʼ jílı̨́.
44 Miirárai biyeʼké dahakʼisóó danilı̨́įgo honishtłʼajígo naazı̨́. Ííthan éí Kíshi biyeʼ jílı̨́, Kíshi éí Ábdai biyeʼ jílı̨́, Ábdai éí Málak biyeʼ jílı̨́,
45 Málak éí Hashabáíyah biyeʼ jílı̨́, Hashabáíyah éí Amazáíyah biyeʼ jílı̨́ áádóó Amazáíyah éí Hilkáíyah biyeʼ jílı̨́,
46 Hilkáíyah éí Ámzai biyeʼ jílı̨́, Ámzai éí Béínai biyeʼ jílı̨́ áádóó Béínai éí Shíímer biyeʼ jílı̨́,
47 Shíímer éí Málai biyeʼ jílı̨́, Málai éí Múshai biyeʼ jílı̨́, Múshai éí Miirárai biyeʼ jílı̨́, Miirárai éí Líívai biyeʼ jílı̨́.
48 Bikʼisóó ałdóʼ Líívai dineʼé danilı̨́įgo éí Bóhólníihii biníbaal biiʼ hodílzinii éí Diyin God bikin wolyéii siʼą́ągi tʼáá ałtsojįʼ chodajooʼı̨́į doo biniyé nihoʼdeeʼnil.
Éran bitsʼą́ą́dóó aníchíinii
49 Nidi Éran áádóó biyeʼké éí didlidgo nááhániihii biniyé bikááʼ nááʼiiniihí yikáaʼjįʼ náádayiiłniih áádóó tsin bijeeh dilidgo łikání halchinii nááhániihii biniyé bikááʼ nááʼiiniihí yikáaʼjįʼ náádayiiłniih áádóó tsʼídá aláahgo hodiyingo hazʼánígi nidaalʼaʼ índa Ízrel dineʼé éí Diyin God yił kʼé nídaʼahididooʼniił biniyé Mózes éí Diyin God bá naalʼaʼí jílíinii bee hadzoodzííʼ.
50 Díí éí Éran biyeʼké danilı̨́. Éran biyeʼ Eliyéízar wolyé, Eliyéízar biyeʼ Fíniyas wolyé, Fíniyas biyeʼ Abíshuwa wolyé,
51 Abíshuwa biyeʼ Bákai wolyé, Bákai biyeʼ Ázai wolyé, Ázai biyeʼ Zereháíyah wolyé,
52 Zereháíyah biyeʼ Miiréíyath wolyé, Miiréíyath biyeʼ Amaráíyah wolyé, Amaráíyah biyeʼ Aháítab wolyé,
53 Aháítab biyeʼ Zéídak wolyé, Zéídak biyeʼ Ahímeiyaz wolyé.
Líívai dineʼé bikin hadaasʼáhígíí (Josh. 21:1-42)
54 Díí kéyah hadahwiisdzooígíí biyiʼ kin hadaasʼá; éí Éran biyeʼké náás ahoolchíiłii tʼáá ałtso Kóhath dineʼé danilı̨́įgo yááʼiiltʼeʼ binahjįʼ baa dahodeestʼą́:
55 Júdah kéyahgi Hííbran kin haalʼá índa binaagóó dahootsogo nahazʼánígíí baa dahodeestʼą́.
56 Nidi éí kin haalʼá binaagóó dádaʼakʼehígi áádóó kin naazhjaaʼígi éí Jiifáneh biyeʼ Kéíleb wolyéii baa hodeetʼą́.
57 Éran biyeʼké éí Júdahgi kin hadaasʼáágóó yisdádahinichéehii bá nahazʼánígi éí Hííbran áádóó Játer áádóó Líbnah áádóó Éshtiimowa kin hadaasʼáhígíí índa binaagóó dahootsoígi baa dahodeestʼą́.
58 Háílan áádóó Dííber
59 áádóó Éíshan áádóó Beth-shíímesh kin hadaasʼáhígíí índa binaagóó dahootsoígi baa dahodeestʼą́.
60 Bénjamin dineʼé bikéyahgi Gííba áádóó Álemeth áádóó Ánathath kin hadaasʼáhígíí índa binaagóó dahootsoígi baa dahodeestʼą́. Éran bikʼéí bitahgóó tʼáá ałtsogo táátsʼáadahgo bikin hadaasʼá.
61 Áádóó yááʼiiltʼeʼ bikʼehgo Manáseh dineʼé ałnííʼdóóígíí bikéyahgi neeznáá bíighahgo kin hadaasʼáhígíí éí Kóhath dineʼé bídaʼííchą́ąʼii baa dahodeestʼą́.
62 Ísakar dineʼé bikéyahgi áádóó Ásher dineʼé bikéyahgi áádóó Náftalai dineʼé bikéyahgi índa Béíshan nahósʼaʼgi Manáseh dineʼé ałnííʼdóó bikéyahgi táátsʼáadahgo kin hadaasʼáhígíí Gérshan dineʼé baa dahodeestʼą́.
63 Áádóó Rúben dineʼé bikéyahgi áádóó Géed dineʼé bikéyahgi índa Zébyulan dineʼé bikéyahgi naakitsʼáadahgo kin hadaasʼáhígíí éí yááʼiiltʼeʼ bikʼehgo Miirárai dineʼé baa dahodeestʼą́.
64 Ízrel dineʼé éí kin hadaasʼáhígíí áádóó binaagóó dahootsoígíí Líívai dineʼé yaa deideezʼą́.
65 Yááʼiiltʼeʼ bikʼehgo Júdah dineʼé bikéyahgi áádóó Símiyan dineʼé bikéyahgi índa Bénjamin dineʼé bikéyahgi kin hadaasʼá dayééjiʼígíí haa deideezʼą́.
66 Íífreiyim dineʼé bikéyahgi kin hadaasʼáhígíí łaʼ Kóhath dineʼé biyeʼké náás ahoolchíiłii bídaʼííchą́ąʼii baa dahodeestʼą́.
67 Éí kin hadaasʼáágóó yisdádahinichéehii bá nahazʼą́. Dził Íífreiyim bighą́ąʼgi Shííkem kin haalʼáhígíí áádóó binaagóó dahootsoígi índa Gíízer kin haalʼáhígíí áádóó binaagóó dahootsoígi
68 áádóó Jákmiyam áádóó Beth-hóran
69 áádóó Éíjalan áádóó Gath-ríman kin hadaasʼáhígíí índa binaagóó dahootsoígi baa dahodeestʼą́.
70 Manáseh dineʼé ałnííʼdóóígíí bikéyahgi ałdóʼ Kóhath dineʼé bídaʼííchą́ąʼii éí Éíner áádóó Bíliyam kin haalʼáhígíí índa binaagóó dahootsoígi baa dadeestʼą́.
71 Manáseh dineʼé ałnííʼdóóígíí bikéyahgi Béíshan nahósʼaʼgi Gólan kin haalʼáhígíí áádóó binaagóó dahootsoígi áádóó Áshtarath kin haalʼáhígíí índa binaagóó dahootsoígi Gérshan biyeʼké baa dahodeestʼą́.
72 Ísakar dineʼé bikéyahgi Kéídesh áádóó Dáberath
73 áádóó Réímath áádóó Éínem kin hadaasʼáhígíí índa binaagóó dahootsoígi baa dahodeestʼą́.
74 Ásher dineʼé bikéyahgi Méíshal áádóó Ábdan
75 áádóó Hákak áádóó Rííhab índa binaagóó dahootsoígi baa dahodeestʼą́.
76 Náftalai dineʼé bikéyahgi Gálilii nahósʼaʼgi Kíídesh kin haalʼáhígíí áádóó Hámman áádóó Kíriyathéíyim kin hadaasʼáhígíí índa binaagóó dahootsoígi baa dahodeestʼą́.
77 Zébulan dineʼé bikéyahgi Ríman áádóó Téíbor kin haalʼáhígíí índa binaagóó dahootsoígi Miirárai dineʼé bídaʼííchą́ąʼii baa dahodeestʼą́.
78 Áádóó Jórdan tooh wónaaníjí Jériko kin haalʼáhígíí binaashiijí, haʼaʼaahjígo Rúben dineʼé bikéyahgi honoojíidi Bíízer kin haalʼáhígíí áádóó Jázah
79 áádóó Kédiimath áádóó Méfeiyath áádóó binaagóó dahootsoígi baa dahodeestʼą́.
80 Géed dineʼé bikéyahgi Gíliyad nahósʼaʼgi Réímath kin haalʼáhígíí áádóó Meihanéíyim
81 áádóó Héshban áádóó Jéízer índa binaagóó dahootsoígi Miirárai dineʼé bídaʼííchą́ąʼii baa dahodeestʼą́.
