Psalm 82:1-8
Doo tʼáá aaníígóó á hadahadziihii bideesteh
82 Ayóó ádabóodziilgo áłah nádleehii bitahgi Diyin God hólǫ́. Diyin danilíinii bitahgi ánihwiiʼaahgo ání,
2 Haa nízáágóoshąʼ doo ákótʼéégóó nidahoyohʼaah doo, áádóó diné doo yáʼádaashóonii nihił nilı̨́į doo? Síilah.
3 Badahojoobáʼíii áádóó áłchíní bizhéʼé ádaadinii bichʼą́ą́h yádaałtiʼ. Atídabiʼdilʼíinii áádóó hojoobaʼ nahasʼáanii ałdóʼ bichʼįʼ tʼáá ákódaahnííł.
4 Badahojoobáʼíii áádóó hojoobaʼ nahasʼáanii bíká anáohjah. Diné doo yáʼádaashóonii bitsʼą́ąjįʼ yisdádahohnííł.
5 Doo bił éédahózin da índa doo akʼidaʼdiitįįh da; tʼáá chahałheełgóó deíkááh; nihokááʼgóó bee dahółdzilii tʼáá ałtso nídadíníizhoozh.
6 Jó, diyin danohłı̨́, tʼáá ánółtso Aláahgo Ayóóʼátʼéii baʼáłchíní danohłı̨́, dííniid.
7 Azhą́ ákótʼée nidi, nihokááʼ dineʼé daninéhígi átʼéego dadínóohnééł. Áádóó naatʼáanii danilíinii łaʼ naaʼíígoʼgo daaztsánígi átʼéego nihí ałdóʼ ádoohdįįł.
8 Diyin God nílíinii, díldzííł; nahasdzáán bá nihoníʼaah, háálá ałʼąą dineʼé tʼáá ałtso nííʼ dadooleeł.
