Isaiah 38:1-22
38 Éí yoołkááł yę́ędą́ą́ʼ Heziikáíyah dadootsaałgo bitah doo hóótsʼíid da. Áádóó Éímaz biyeʼ Aizéíyah Diyin God yá halneʼii haa níyáago áhodííniid, Bóhólníihii kóní, Naʼáłchíní bá tʼáá ałtso hashtʼedíílííł, háálá dadíítsaał, doo náádidíídáał da.
2 Áko Heziikáíyah éí kin ahééʼítłʼinígíí bichʼįʼ níjiizhjizhgo Bóhólníihii bichʼįʼ sozdoolzin,
3 áádóó ázhdííniid, Bóhólníihii, kʼad shéénílniih, tʼáá shǫǫdí, ninááł tʼáá aaníígóó áádóó tʼáá ákogi áníshtʼéego níyá, áádóó yáʼádaatʼéehii ninááł baa niséyá. Áko Heziikáíyah yéego jíícha.
4 Áko Aizéíyah éí Bóhólníihii hachʼįʼ haadzíiʼgo ání,
5 Nílááh, Heziikáíyah bichʼįʼ dínáahgo ábidiní, Bóhólníihii éí nizhéʼé yę́ę David biDiyin God ání, Nisodizin disétsʼą́ą́ʼ, ninákʼeeshtoʼ yiiłtsą́; jó, nááhiníʼnáa dooleełígíí ashdlaʼáadah nááhai nábínéideeshnił.
6 Áádóó ni áádóó díí kin haalʼáhígíí éí Asíriya dineʼé aláahgo binanitʼaʼí bigháánihideeshnił, índa díí kin haalʼáhígíí bichʼą́ą́h naasháa doo.
7 Áko Bóhólníihii yee haadzíʼígíí ádooníiłii Bóhólníihii bitsʼą́ą́dę́ę́ʼ díí bee nichʼįʼ ééhózin doo,
8 Jó, chahaʼoh yildoh bee bééhózinígíí éí Éíhaz áyiilaii neeznáá daʼasdzoh bíighahgo chahaʼoh tʼą́ą́ʼ kónídeeshdlííł, áko ooʼáłígíí neeznáá daʼasdzohjįʼ tʼą́ą́ʼ kónádzaa.
9 Díí Júdah dineʼé aláahgo binanitʼaʼí Heziikáíyah daatsaahgo áádóó yáʼátʼééh násdlı̨́įʼgo naaltsoos áyiilaaígíí átʼé.
10 Sheʼiinaʼ tsʼídá ałnííʼgóó hoolzhishgo niitʼéehgo ádííniid,Jishchááʼ yah eʼetiin góyaa déyá;sheʼiinaʼ yitʼíhígíí shitsʼą́ą́ʼ niʼkólyaa.
11 Ádííniid, Bóhólníihii, Bóhólníihii lą́ą, dahináanii bikéyahdi doo yideestséeł da;nihokááʼ kéédahatʼínígíí bitahgi diné doo łaʼ néideestséeł da.
12 Naʼniłkaadii biníbaal nahjįʼ kólyaaígi átʼéegobinahjįʼ hinishnánígíí shitsʼá honíleʼ;sheʼiinaʼ éí atłʼóii biistłʼǫʼ yizdisígíí nahalin;adiniih bikʼee nihozhneełʼąąhígíí yee sheʼiinaʼ niidoołtʼih;jı̨́įgo áádóó tłʼéeʼgo shá nihonítʼiʼgo íílééh.
13 Hoosʼįįdjįʼ tłʼééʼ bíighah nitséskeesgo yiiłkááh;éí náshdóítsoh bitsiijįʼ ditłʼooígíí yiyiisxíinii bitsʼin niyiigháshígi átʼéego shitsʼin niidiyootih;jı̨́įgoda, tłʼéeʼgoda sheʼiinaʼ nidííłtʼih.
14 Hoz áádóó táshchozhii nahalingo yishcha;hasbídí ání nahalingo atínídinishdleeh;dego déshʼı̨́įʼgo shinááʼ yąąh nááníłnah;Bóhólníihii nílíinii, shide áhoodzaa; nineʼ anishchééh.
15 Haʼátʼíísh dideeshniił?Shichʼįʼ haadzííʼ áádóó ałdóʼ shá ádzaa;shichʼįʼ nahwiisnááʼdóó bikʼijįʼ hazhóóʼógo yisháał doo.
16 Bóhólníihii nílíinii, díí bee diné dahinááádóó díí tʼáá ałtso biyiʼ shiiʼ sizíinii yee hiná,áko yáʼátʼééh ánáshidíídlííłáádóó hinishnáago áshidíílííł.
17 Jó, yéego dinishniihígíí biniinaa hashtʼehodítʼé shee hazlı̨́ı̨́ʼ;shiiʼ sizíinii ayóóʼííníʼníigoaʼáán hodiłdzid bitsʼą́ąjįʼ hááshííníłtı̨́;shibąąhági átʼéii tʼáá ałtso nineʼjigo ahíníłtłʼííd.
18 Jó, jishchááʼ naa haniihgo doo bohónéedzą́ą da;aniné nidi doo nahaniih da;aʼáán góyaa nidahaleehiinitʼáá aaníinii doo bíká bił chodahooʼı̨́į da.
19 Díí jı̨́ dahináanii, éí dahinánígíí áshtʼínígi átʼéego naa dahaniih doo;azhéʼé nilíinii éí baʼáłchíní nitʼáá aaníinii yił yéédahodoosįįł.
20 Bóhólníihii yisdáshidoołtéełjįʼ hashtʼeʼédiilyaa;éí bąą nihídayééłkaahgóó Bóhólníihii bikin biiʼ sohodizin góneʼtsin tłʼóół bąąh daneelzheeʼígíí bikʼehgo shiyiin bee dahwiitaał doo.
21 Áko Aizéíyah ádííniid, Fig sikaadii bineestʼąʼ ahídadiiłjéeʼii nídeidiiʼaahgo chʼozhígíí yikááʼ dah deidooʼááł, áko nízdoodzih.
22 Heziikáíyah íídą́ą́ʼ ázhdííniid, Bóhólníihii bikin biiʼ sohodizin góde deesháłígíí haʼátʼíísh bee shił bééhodoozįįł?
