Genesis 3:1-24
3 Áko íídą́ą́ʼ tłʼiish agháago nítséékosii éí nihokááʼgóó naaldeehii Bóhólníihii Diyin God ábiilaaígíí tʼáá ałtso yiláahgo átʼé. Áko asdzání áyidííniid, Daʼ tʼáásh aaníí Diyin God kóní, Tsin tʼáá ałtso dáʼákʼehgi naazkaadígíí tʼáadoo bąąhdóó ohsání?
2 Áádóó asdzání éí tłʼiish áyidííniid, Tsin bineestʼąʼ yiidą́ biniyé dáʼákʼehgi naazkaadígíí nihaa deetʼą́,
3 nidi tsin bineestʼąʼ hólóonii dáʼákʼeh ałníiʼgi sikaadígíí éí Diyin God ánihiłní, Éí doo bąąhdóó adoohsı̨́įł da; bidinoołchidgo éí dínóohnééł.
4 Áádóó tłʼiish éí asdzání ánéidooʼniid, Doo tʼáá aaníí dínóohnéeł da,
5 háálá Diyin God bił bééhózin, éí bijı̨́ wooyą́ąʼgo jideezghaliigi ádoohnííł áádóó Diyin Godgi ánóhtʼée doo; yáʼátʼééhjí índa doo yáʼátʼééhjí nihił ééhodoozįįł.
6 Áádóó asdzání éí tsin bineestʼąʼ chʼiyáán yáʼátʼéehii átʼéego áádóó bikʼizhníghalgo hoł yáʼíítʼéehgo índa tsin laʼ tʼáá hojíyą́ áhóleʼígi átʼé dziniizı̨́įʼgo bineestʼąʼ łaʼ nizhdiiʼą́ągo jííyą́ą́ʼ, áádóó hahastiin ałdóʼ łaʼ baazhníʼą́ągo yiyííyą́ą́ʼ.
7 Áko tʼáá ájíłah jideezghaliigi ádziidzaago tʼáá jilchíʼígo hoł bééhoozin, áko fig sikaadii bitʼąąʼ ahídazhdiiłkadgo bee átłʼadziskał.
8 Áádóó honiikʼaazgo dáʼákʼehgi Bóhólníihii Diyin God honíleʼgo biinééʼ dzidiiztsʼą́ą́ʼ, áko Ádam hweʼasdzą́ą́ bił dáʼákʼehgi tsintahgi Bóhólníihii Diyin God bitsʼąą nízdeestʼı̨́ı̨́ʼ.
9 Áádóó Bóhólníihii Diyin God éí Ádam yíká ádííniidgo áyidííniid, Háadish naniná?
10 Áko ázhdííniid, Dáʼákʼehgi niinééʼ disétsʼą́ąʼgo nísísdzííd, háálá tʼáá łinishchíʼí; éí bąą nídíshtʼı̨́ı̨́ʼ.
11 Áádóó Bóhólníihii ádííniid, Háísh, Tʼáá łiníchíʼí, niłní? Daʼ tsin doo bąąhdóó adííyı̨́įł da, nidishní yę́ęésh bąąhdóó ííníyą́ą́ʼ?
12 Áko diné ázhdííniid, Asdzání shéíníłtı̨́įgo bił naashʼaashígíí éí shaʼníłtsoodgo yíyą́ą́ʼ.
13 Áádóó Bóhólníihii Diyin God éí asdzání áyidííniid, Díishąʼ haʼátʼíí baa nisíníyá? Áko asdzání ázhdííniid, Tłʼiish shinaʼazloʼgo bíniikʼehgo yíyą́ą́ʼ.
14 Áádóó Bóhólníihii Diyin God éí tłʼiish áyidííniid,
Díí baa nisíníyáhígíí biniinaa alı̨́ı̨́ʼtʼáá ałtso biláahgo áádóónihokááʼgóó naaldeehii tʼáá ałtsobiláahgo hóyéeʼgo ná haʼoodzííʼ;nibid bee naniʼnaʼ doo; łeezhnildeełgo níyoołkáałgo hinínáa doo.
15 Áádóó ni índa asdzání bił ałkʼeediníʼniihgo ádeeshłííł; naʼáłchíníínda éí baʼáłchíní yił ałkʼeedadiʼniihgo ádeeshłííł; éí nitsiitsʼiinyidoołjish; ni éí bikétal dííłjish.
16 Asdzání ałdóʼ áyidííniid, Tsʼídáayóó átʼéego yínííł nideánátʼįįhgo iʼniiłchíihgotiʼhoyíníihgo ádeeshłííł; niłnahonigaahgo niʼiyíłchíih doo;nahastiin bídin nílı̨́į doo, áádóóbí bóhoníłníih doo.
17 Áádóó Ádam ałdóʼ áyidííniid,Neʼasdzą́ą́ ánínígíí yísíníłtsʼą́ąʼgo,Tsin doo bąąhdóó adííyı̨́įł da,nidishní yę́ę bąąhdóó ííníyą́ą́ʼ; éíbąą niniinaa niʼ hóyéeʼgo báhaʼoodzííʼ; nichʼįʼ nahwiiʼnáagonanilnishgo bitsʼą́ą́dóó iʼdílnahgoniʼdííłdįįł;
18 chʼil dadeeníinii índa hosh ałdóʼnichʼįʼ hááhinootʼı̨́ı̨́ł; dáʼákʼehdóónidaniseʼii niyą́ą doo.
19 Łeezh nísínídlı̨́įʼjįʼ nitásiilnahgóó ahíghaasgo nanilnishgoínda íyą́ą doo, háálá łeezhbitsʼą́ą́dóó ániʼdiilyaago łeezhnílı̨́, áko łeezh nídíídleeł.
20 Ádam éí hweʼasdzą́ą́ Íiv* bee jíízhiʼ, háálá dajiináanii tʼáá ádzíłtso hamá silı̨́ı̨́ʼ.
21 Áádóó Bóhólníihii Diyin God éí Ádam índa beʼasdzą́ą́ ałdóʼ bá akágí ééʼ ájiilaa áádóó bee hazhdiilaa.
22 Áádóó Bóhólníihii Diyin God ádííniid, Shoo, diné tʼáá nihígi átʼéego yáʼátʼééhjí áádóó doo yáʼátʼééhjí bił bééhózin silı̨́ı̨́ʼ. Áko kʼad kodóó iiná tsin bineestʼąʼ neidiʼdooʼáałgo yidooyı̨́įłgo bá hashjaʼdoolííł dóʼóshłí áádóó hináago ahoolʼáa doo.
23 Éí bąą Bóhólníihii Diyin God éí Ííden dáʼákʼehdóó nahgóó ahonííyood, áko łeezh bitsʼą́ą́dóó áhoʼdiilyaaígíí tʼáá éí bininájílnish dooleeł.
24 Áko diné chʼínizhníłchą́ą́ʼ áádóó Diyin God éí dáʼákʼeh Íídendi haʼaʼaahjígo diyingo nidaalʼaʼí áádóó kǫʼ bitsʼáhodinoʼii diltłishgi átʼéego tʼáá ałtsogóó náálkiłgo iiná tsin sikaadii bichʼįʼ atiinígíí yaa ádahalyą́ą doo biniyé niinínil.
Footnotes
^ Íiv jiníigo éí Hííbrew kʼehjígo iiná jinínígi átʼéego diitsʼaʼ.
