Jehofa o be a boletše ka go lebanya dilo tšeo di bego di tla direga

51:11, 28

• Bamede le Baperesia e be e le babetši ba mesebe bao ba nago le bokgoni gomme ba be ba diriša mesebe e le sebetša sa bona se segolo. Ba be ba phadimiša mesebe ya bona gore e tsenelele ge ba betša selo se itšego

51:30

• Pego ya Nabonidus e re: “Madira a Korese a ile a tsena Babilona ntle le go lwa.” Se se dumelelana le boporofeta bja Jeremia

51:37, 62

• Go thoma ka 539 B.C.E., botumo bja Babilona bo ile bja thoma go fokotšega. Alexander yo Mogolo o be a nyaka gore Babilona e be motsemošate wa gagwe, eupša a hwa go sa letelwa. Lekgolong la pele mengwaga, go be go sa na le Bajuda ba bangwe Babilona, ke ka baka leo moapostola Petro a ilego a nyaka go etela moo. Eupša lekgolong la bone la mengwaga C.E., motse woo e be e šetše e le lešope, gomme mafelelong o ile wa hwelela