Awwa. Bhayibele ya šupetsa gore re tshwanele re rapele Modimo ka lebitso la Jeso. Jeso o butsiye malata yage gore: “Di nyaka le rapele ka mokgo: Papa wa rune wa magedimong, go hlawolege lebitso lago.” (Matewu 6:9, New American Bible) A sanka a botsa malata yage gore ma rapele dithombhe, mangeloyi kela medimo ye mengwana.

 Jeso o butsiye malata yage gore: “Ke nna tsela, nnete le lephelo. A go na ye a tlang ga Papa mo yi se ka nna.” (Johane 14:6, NAB) Modimo o dumelele Jeso gore go be yene a re phophotelang gage mo re rapela.—Maheberu 7:25.

Byalo mo nkare ke rapela Modimo le dithombhe gee?

 Ga Lesome la Melawo, Modimo o yitseri: “Nna, MORENA, Modimo wa lune, ke Modimo wa gore o na le mona.” (Eksoda 20:5, NAB) Yi ra byang mo yi re Modimo o na le “mona”? Ga Bhayibele ya New American Bible go na le setwaba sa gore se re: “o nyaka re berekela yene a le ntoši.” Modimo o nyaka gore re berekele yene a le ntoši fote gana hone go kena le taba ya go mo rapela.—Jesaya 48:11.

 Modimo o kwa go baba ka matla mo re rapela dithombhe kela mangeloyi. Nakwela Johane wa lepostola a liketsa go rapela lengeloyi le lengwana, le yye la re gage: “Awwa! Le nna ke fo ba lelata lago le la bobhuti bago ba gore ba tšhomayela ka Jeso. Rapela Modimo.”—Kutullo 19:10, NAB.