“Ke liketsiye ka matla go bala Bhayibele, mara ke tshwatisa ke gore yi lefiye.”—Briana, wa gore o na le 15 ya mengwaga.

 Ayitsano le wene o tikwa ka mokgonone? Hlogotaba yowa yi ka go gelepa

•  Ke ntaba o tshwanele go bala Bhayibele?

•  Di nyaka ke bale Bhayibele byang?

•  Kwang gore dithaka tsago di re king

 Ayitsano taba ya go bala Bhayibele ya go tshwatisa? Mo nkare go sone, di ya kwagala watšiba. Mo o nagana ka Bhayibele o ka fo ba o nagana ka puku ya maphephe ya go tlala ka matla ya gore a ma na le ka dithombhe, byalo di ka bonala nkare TV le dividiyo di ya yi phala.

 Nagana ka sowa ša: Mo o ka fo gahlana le lebhokisi la botala, ayitsano o ka sa tiputsisi gore go na le ying ka ho teng?

 Bhayibele ke setšha go le lebhokisi lone. Yi na le dilo tsa go tlala tsa gore di nyoko go gelepa gore:

•   O segelele dipheto tsa gabutši

•   O kwane le babelegi bago

•   O kraye banghane ba gabutši

•   O tiyisele tso di go kgahleletsang

 Di makega byang gore puku ya botala ka mokgo yi re berekele le gana byalo? Nka taba la gore “mangwalo ka mokana ga wona ma hlohletsele ke Modimo.” (2 Thimothi 3:16) Di ra gore ditaba ka mokana ga tsona tso di leng ka ho Bhayibeleng di tšwa ga Motho wa go re phala ka mokana ga rune.

 Mokgwa wo mongwana wa go bala Bhayibele ke wa go yi thoma mathomisong go segela mafelelong. Di nyoko go gelepa gore o thogo tshwara gore Bhayibele yi bolabola ka ying. Go na le mekgwa ya go tlala ya go bala Bhayibele. Tla re bolaboleneng ka ye mengwana ka mmedi, ke yowa:

•    O ka na wa bala 66 ya dipuku tsa yona ka letheto, o thomisa ga Genesi go segela ga Kutullo.

•    O ka na wa bala ka mokgo dilo ne di makega ka gona ka go lategetsana ga tsona.

 So o ka se makang: Ga Phetolelo ya Lefase le Lefsa ya Mangwalo a Makgwethwa, ga Lemetletšo 23, go na le letheto la dilo tso di makegiyeng nakwela Jeso a le ho lefaseng.

 Mokgwa wo mongwana wa bobedi wa go bala Bhayibele ke go hlawola taba ya go bolabola ka seyemo so o leng ga sona. Mo re beyisa:

•   Ayitsano o nyaka banghane ba go tshepega? Bala ka Jonathane le Dafita. (1 Samuwele, ditema 18-20) Gore o kraye tsa go go gelepa, berekisa lephephe la go go gelepa la go ba le hlogotaba ya gore “Ka Mokgo o ka Krayang Banghane ba go Tshepega.”

•   Ayitsano wa di nyaka go kganela kgole le dilo tsa go liketsa tumelo yago? Bala ka mokgo Josefa a yyeng a kganela kgole le dilo tsa gore di yye dya liketsa tumelo yage. (Genesi, tema 39) Gore o kraye tsa go go gelepa, berekisa lephephe la go go gelepa la ba le hlogotaba ya gore “Ka mokgo o ka kganelang kgole le dilo tsa go liketsa tumelo yago . . . Josefa—Sekopa 1” le “Ba Mo Hlayele Matsaka. Josefa—Sekopa 2.”

•   Nje wa nyaka go tšiba gore thapelo yi ka go gelepa byang? Bala ka Nehemiya. (Nehemiya, Tema 2) Gore o kraye tsa go go gelepa, berekisa lephephe la go go gelepa la go ba le hlogotaba ya gore “Modimo o Fetodiye Thapelo Yage.”

 So o ka se makang: Liketsa go kraya poleke ya gore yi kgomelele mo o bala Bhayibele gore tso o di balang di thogo kenelela.

 Mokgwa wo mongwana wa kararo wa go bala Bhayibele ke wa go kgeta taba kela pisalema, o yi bale ke mokane mo o fetsa o nagane gore yi ka go gelepa byang. Mo o fetsa go bala tiputsise diputsiso tsowa:

•    Ke ntaba Jehova a ngwadiye taba yowa ka ho Bhayibeleng?

•    Yi re tšhutisa ying ka Jehova le ka mokgo a makang dilo?

•    Ditaba tsowa nka di berekisa byang lephelong laka?

 So o ka se makang: Berekisa New World Translation go kraya dividiyo, mmepo le dilo tse dingwana tsa gore di ka go gelepa mo o kene o bala Bhayibele.