1, 2. Batho ba go tlala ba tiputsisa ying?

DITABA tsa go baba re di kwa ka moka matšatši. O ka fo kwa ba re kaye-kaye Tsunami yi suwelannye mitši ka mokana ga yona. Mo o sa theetsele tsotsone wa kwa ba re monna o kenne kerekeng a segela a thunyanya, gwa kwalela batho ba go tlala fote ba bangwana ba kgwile. Mo o sa re o makatsiye ke tsotsone wa kwa ba re mmane wa go ba le bananyana ka bahlano ke mo a hlupa ke kankere ya šinya yi mmolaya, dibananyana tsone tsage di f’lo šala di yitsa.

² Mo go makega dilo tsa go baba tsa go tshwana le tsowa, batho ba go tlala baa tiputsisa gore “Anthe mara ke ntaba?” Ba go tlala baa butsisa gore anthe ke ntaba ho lefaseng go tlele batho ba go hloyanana le dilo tsa go baba. Kela le wene o yye wa tiputsisa ka taba yone?

3, 4. (a) Habakuku o butsisiye diputsiso tsa gore king? (b) Jehova o mo fetodiye a re king?

³ Ka ho Baebeleng, go na le banna ba bangwana ba gore ke mo ba tshepele ka matla ga Modimo fote le bona ba yye ba butsisa diputsiso tsa mošaga wonone. Mo re beyisa, moporofeta Habakuku o yye a butsisa Jehova a re: “Ke ntaba o fo n’lesetsa ke bona dilo tsa go befa? Ke ntaba o fo tikgomolelela le mo ke tshwariwa lešidi? Anthe nna ke ro maka byang mo ke dulela go kwisiwa go baba fote ke bona bokgohlane? Fote ke ntaba batho ba go kwana le go lakatsanana le go phigisana ba fo yeketsega ba yeketsegiye?”—Habakuku 1:3.

⁴ Ga Habakuku 2:2, 3, go na le ka mokgo Modimo a yyeng a fetola Habakuku a boya a mo tshepisa gore o nyoko wolola seyemo. Jehova o ba nyaka ka matla batho. Baebele yi re: “Wa  tihlupa ka lune.” (1 Petro 5:7) Gabutšibutši, Modimo di mo tinwisa ka matla go feta rune mo a bona dilo tsa go kwisa go baba. (Jesaya 55:8, 9) Byalo tla re bolaboleneng ka putsiso ke yowa, Ke ntaba dilo tsa go baba di tlele ka mokgo ho lefaseng?

5. Baruti ba go tlala ba re ke ntaba re kwa go baba? Baebele yona yi tšhutisa ying?

⁵ Baruti le bakhokhedi ga go tlala ba re Modimo ke yene a re leyelang dilo tsa go baba. O ko kwa ba bangwana ba re se sengwana le se sengwana so se tlelang motho, le mong tsa go sasamela, ke botala Modimo a na a beyye gore di be ka mokgonone fote rune re ka sa di kwisisi ditsela tsage. Mo go kgwa motho, le mo go le sengwananyana, o kwa motho a šinya a hlaya le tsa gore Modimo ke mo a na a mo gopodiye motho yene, byalo o mo tsere gore a tle a be naye ku legedimong. Mara dilo tsone a yi nnete. Dilo tsa go befa a re di leyele ke Jehova. Baebele yi re: “A di kwagale tsa gore Modimo wa mannete a ka makana lešidi, tsa gore Wa Matšhika ka moka a ka kekemisa!”—Jobo 34:10.

6. Ke ntaba batho ba go tlala ba sola Modimo mo ba bona dilo tsa go kwisa go baba mo lefaseng?

⁶ Batho ba go tlala mo ba bona dilo tsa lefase lowa di baba ka matla ba sola Modimo, ba re akere Modimo ke yene a lawolang lefase. Mara ga Tema 3 re tšhutiye gore lefase lowa gabutšibutši le lawola ke Sathane Diyabolo.

7, 8. Ke ntaba go tlele dilo tsa go baba ho lefaseng?

⁷ Baebele yi re “wa pelo ya go befa o lawola lefase ka moka.” (1 Johane 5:19) Motho ye a lawolang lefase lo, Sathane, a ka go tlopolanya go baba fote o na le lešidi. O “fokola batho ka mokana ga bona ba ho lefaseng.” (Kutullo 12:9) Ba go tlala baa mo yekisela. Taba yonone le yona yi maka gore ho lefaseng go tlale batho ba go kwana le matsaka, ba go hloyanana le ba go ba le lešidi.

 ⁸ Go na le tse dingwana tso di makang gore dilo tsa go baba di tlale. Mo Adamo le Efa ba fetsa go sinya, ba yye ba kena ke senyama ke mokane ba se tshiletsa ga bana ba bona. Ka taba la gore batho a baa yenela gabutši ho mmeleng, ba thomisa go kwisa ba bangwana go baba. Ga go tlala ba nyaka go fo dula ba le ka kgakala ga ba bangwana. Ba kwana natso tsa go lwa, ba ro ya le dintweng, fote ba tšhofa batho ba bangwana gore ba make dilo ka tšhinghi. (Mmolabodi 4:1; 8:9) Ga tse dingwana, batho ba fo kwa go baba ka taba la “nako le dilo tso di fo makegang re sa di yemela.” (Mmolabodi 9:11) Yema re fo re motho ke yewa wa tisepelela ke mokane o wela ke sehlare kela o teya ke legadima, re ka sa re ke mo go na go nyoko ba ka mokgonone. Gabutšibutši, ke mo a fo ba a le ga poleke ya gore a yi gabutši ka nako yone mo go makega dilo tsone tsa go baba.

9. Ke ntaba re tshepa gore go na le so se makang gore Jehova a fo re lesetsa le mo a na a di bona gore re kwa go baba?

⁹ A yi yene Jehova a re leyelang tsa go baba. A di nyake re sola yene mo re bona dintwa, bokgohlane kela re tshwariwa lešidi. Modimo a yi yene a makang gore go be le dikotsi tsa hlago go tshwana le go tekateka ga lefase, didingwane le megogola. Mara o ka kraya o tiputsisa gore, ‘Akere ba re Jehova o ba feta ka moka ka matšhika legedimong le lefaseng, byalo ke ntaba a sa make gore dilo tsone tsa go baba di sa re tlele?’ Re di tšiba gabutši tsa gore Jehova o re nyaka ka matla, mara go na le so se makang gore a fo re lesetsa le mo a na a di bona gore re kwa go baba.—1 Johane 4:8.

10. Sathane o yitseri king mo a lebela Jehova?

¹⁰ Ku tšhomong ya Edeni, Diyabolo o yye a tshokanya Adamo le Efa. Sathane o yitseri Modimo tsa go lawola di ya mo šita. O hlayye le gore go na le selo sa go bafala sa gore Modimo o se kona Adamo le Efa. Sathane o yye a re yene a ka ba lawola  go phala Jehova le gore Modimo aa ba thuši ka selo.—Genesi 3:2-5; lebelela Setwaba sa 27.

11. Di nyaka re fetole putsiso ya gore king?

¹¹ Adamo le Efa a baa mo theetsela ga Jehova, ba yye ba mo jikela. Ke mo ba re bona beng ba ka tikgetela ga sa go bafala le sa go befa. Jehova ke mo a nyoko maka byang gore di thogo bonala gore batho bowa a ba bolabole nnete le gore ke yene a tšibang tso di re tshwaneleng?

12, 13. (a) Ke ntaba Jehova a sa napa a fetsiye ka nako yonone ka batho bo ne ba mo jikele? (b) Ke ntaba Jehova a lesetsiye Sathane gore a lawole lefase lowa a boya a lesetsa le batho gore ba tilawole?

¹² Jehova a sanka a re yema ke nape ke fetsa ka Adamo le Efa. O yye a fo ba lesetsa gore ba be le bana. Ke mokane Jehova a lesetsa bana ba Adamo le Efa gore le bona ba tikgetele ye ba nyakang a ba lawola. Jehova ke mo a nyaka gore lefase lowa le tlatse ke batho ba gore ba felegelele kela go yenela ho mmeleng, fote sosone ke mo se nyoko makega le mo Diyabolo a ka leketsa go maka ying.—Genesi 1:28; Jesaya 55:10, 11.

¹³ Nakwela Sathane a lebela Jehova, taba yone ke mo yi lebelele ke dimiliyoni tsa mangeloyi. (Jobo 38:7; Daniyele 7:10) Byalo Jehova o yye a neya Sathane nako ya gore a tišupetse mo nkare ka nnete wa resa. O neyye le batho nako ya gore ba timakele memmušo ya bona beng ba kene ba lawola ke Sathane, gore di thogo bonala mo nkare ba ka kgona go maka dilo Modimo a se šiyo ho thina.

14. Go makegiye ying mo nako yi kene yi ya?

¹⁴ Ke botala ka matla batho ba leketsa go tilawola, mara baa šitega. Di napiye di fo ba lekgwaying gore Sathane o na le matsaka. Batho ba hloka Modimo gore a ba yetetse. Moporofeta Jeremiya ke mo a resa mo a re: “Ke di tšiba gabutši wene Jehova, tsa gore pata ya motho a yi lawole ke yene mong. Motho ye a sepelang a ka sa di kgone le mong go lawola loto lage gore le gate kaye.”—Jeremiya 10:23.

15, 16. (a) Ke ntaba Jehova a tsere nako ka mokgo a re lesetsiye re kene re kwa go baba? (b) Ke ntaba Jehova a sa lukisa mathatha ya Sathane a ma makiyeng?

¹⁵ Phela ke botala ka matla Jehova a re lesetsiye re kene re kwa go baba, anthe ke ntaba a tsere nako ka mokgo? Ke ntaba a sa thibi dilo tsa go befa? Go tsere nako gore di šupetse gore Sathane aa di tšibi tsa go lawola. Batho ba leketsiye mehlobo ka mokana ga yona ya memmušo, mara ba fo šitega. Bona ba leketsiye nyana go maka dilo tsa sayinsi le thekinoloji, mara batho ba go tshwarana lešidi, mohlopego, bokgohlane le dintwa di fo yeketsega di yeketsegiye. Tsa gore re nyoko tilawola re beyele Modimo ku kgole re ka sa tsoge re di kgonne.

¹⁶ Mara, Jehova a sa nka a lukisa mo Sathane a sinnyeng. Mola a f’lo lukisa, ke mo di nyoko šupa nkare Modimo o leketsa go mo thuša ga Sathane mo a kene a lawola, mara Modimo a ka sa tsoge a di makiye tsotsone. Batho le bona ba tseya gore ba ka di kgona go tilawola. Mara a yi šiyo taba yone, le Jehova wa di tšiba gore a yi kgonege. Aa bolabole matsaka.—Maheberu 6:18.

17, 18. Jehova o nyoko maka ying ka dilo ka mokana ga tsona tso Sathane a di sinnyeng?

¹⁷ Ayitsano Jehova a ka di kgona go lukisa dilo ka mokana ga tsona tso di sinnyeng ke Sathane le batho? Eya. Modimo aa šiti ke selo. Jehova wa di tšiba gore nako yi nyoko segela ya gore mathayithayi ka mokana ga wona ya Sathane ma šaše, fote wa di tšiba gore nako yone ke leng. Ke mokane o nyoko maka lefase lowa gore go be pharadeyisi ka mokgonola ne a nyakiye go tlugisela botala. Batho ka mokana ga bona bo ba leng ku “dilahlong” ba nyoko tsoga. (Johane 5:28, 29) Batho ba ka sa sa lwala kela go kgwa. Jeso o nyoko lukisa dilo ka mokana ga tsona tso Sathane a di sinnyeng. Jehova o nyoko berekisa Jeso gore “a pshyayanye mebereko ya Diyabolo.” (1 Johane 3:8) Mara re leboga gore gana byalo Jehova o kene o lefisiye pelo gore re thogo mo tšiba gabutši ke mokane rune  re tikgetele gore re nyaka a re lawola kela byang. (Bala 2 Petro 3:9, 10.) Le mo re kene re kwa go baba, re tiyisa ke yene gore re thogo tiyisela.—Johane 4:23; bala 1 Makorente 10:13.

¹⁸ Jehova aa re gapeletse gore re hlawole yene gore a re lawole. O makiye gore batho ba tikgetele so bona ba se nyakang. Tla re boneneng gore taba yonone yi re gelepa byang.

19. Jehova o re makiye ka mokgwa mang wa go jabodisa? Ke ntaba re tshwanele go yi leboga taba yonone?

¹⁹ Taba ya gore Jehova o makiye gore re tikgetele yi maka gore re re fapane ka matla le diphoofolo. Tsona di fo ya ka gore di tikwa byang ka nako yonone, mara rune re ya kgona go tikgetela gore re nyaka go phela byang le go tipotsa gore ga Jehova re nyaka go mo jabodisa kela e-e. (Diyema 30:24) Fote a re tshwane le metšhene ya gore yi maka mmereko wonone ba yi makeleng wona. Re lokologiye gore re ka tikgetela gore maphelelo ya rune ma be byang, re nyaka banghana ba mošaga mang le gore re nyaka go maka ying ka maphelo ya rune. Jehova o nyaka gore re jabolele lephelo.

20, 21. Ke selo sefeng sa gabutši sa gore o ka kgeta go se maka gana byalo?

²⁰ Jehova wa di nabela tsa gore re mo šupetse gore re mo nyaka ka matla. (Matewu 22:37, 38) O jabola go tshwana le papa wa mutši mo a kwa ngwanage a re “ke go nyaka ka matla papa” a boya a bolabola mantsu yane a sa tšhofe ke motho. Jehova o makiye gore re tikgetele gore re nyaka go mmerekela kela byang. Sathane, Adamo le Efa ba mo ganne ga Jehova. Wene o nyoko kgeta ying?

²¹ Kgeta go berekela Jehova. Go na le dimiliyoni tsa batho bo ba šeleng ba kgetiye go jabodisa Modimo le go getsula Sathane. (Diyema 27:11) O ka maka ying gana byalo gore o thogo kena lefaseng la Modimo la nyuwane ga gore go nyoko ba go sa sa na le selo ka ssoši sa go baba? Tema ya go latela yi nyoko fetola putsiso yone.