Moše o tshepisiye Faro gore o ko liketsa go sa boye gage fote. Mara mo a soko bane a sepela, o butsiye Faro gore: ‘Gare ga bošego, matšibula ka mokana ga wona, go thoma ka letšibula la Faro go segela ka matšibula ya mabhantiti, ma nyoko kgwa.’

Jehova o butsiye Maisrayele gore ma make tsa go ja tsa go hlawolega. O yitseri: ‘Bolayaneng nku kela pudi ya pholo ya go ba le mongwaga ka wwoši, ke mokane le tseye madi ya yona le ma tlotse monyako. Le bese nama yone, le yi je ka sekgwa sa go se na dikomelo. Le yapareneng, le rwale le dimphašane tsa lune, le tilukiselele go sepela. Bošego byowa ke nyoko le lokolla.’ O fo nagana ka mokgo Maisrayele ne ma jabodiye ka gona!

Gare ga bošego, lengeloyi la Jehova le yye ga ntlo ye nngwana le ye nngwana ya Egepita. Ga dintlo tsa gore ne di sa tlotsiwa madi monyako, letšibula la gona le yye la kgwa. Mara lengeloyi le yye la feta ga dintlo tsa gore ba di tlotsiye madi. Mutši wa Leegepita le lengwana le le lengwana, go se na taba gore le ghannye kela la tihlupegela, le yye la kgwela ke ngwana. Mara a go na le ngwana ka wwoši wa Leisrayele wa gore o yye a kgwa.

Le mong morwayi wa Faro o yye a kgwa. Faro ne a sa sa nyaka selo. Ka nako yonone a napa a botsa Moše le Aroni gore: ‘Sepelaneng. Tloganeng  ho ga batho baka. Ariyeneng le ye rapela Modimo wa lune. Tseyaneng diphoolwane tsa lune le sepele!’

Bošego byobyone Maisrayele ma yye ma tloga Egepita, ma sepela ka megoba ya mitši le meloko. Ne go na le 600 000 ya banna ba Maisrayele le basadi le bana ba go tlala. Fote le batho ba bangwana ba go tlala ba sipidiye nabo, gore le bona ba thogo rapela Jehova. Mafelelong Maisrayele ne ma lokolugiye!

Gore ma thogo gopola ka mokgo Jehova a ma lokolliyeng, ne ma nyoko maka tsa go ja tsone tsa go hlawolega mongwaga wo mongwana le wo mongwana. Ne ba re ke Paseka.