Bošego byo bongwana, Kgoši Nebhukhadhinezara o yye a lora tsa go tshosa. Tsotsone di yye dya mo šekedisa ka matla a šitega le go yetsela. O yye a bitsa ba go maka tsa masalamose a ba botsa gore: ‘Nhlatoleleneng tso ke di loriyeng.’ Ba yitseri: ‘Wene kgoši re botse tso o di loriyeng.’ Mara Nebhukhadhinezara a re: ‘Awwa! Lune mpotseneng tso ke di loriyeng kela ke nyoko fetsa ka lune.’ Ba fo ya mahlong ba re: ‘Wene re botse tso o di loriyeng, ke mokane re nyoko go hlatollela tsona.’ Yene a re: ‘Ka mokana ga lune le liketsa go mmaka sephokophoko. Mpotseneng tso ke di loriyeng!’ Ba botsa kgoši gore: ‘Mo lefaseng a go na motho ye a ka kgonang go maka tsotsone. Tso o di kgopelang a di kgonege.’

Nebhukhadhinezara o yye a kwata ka matla ke mokane a re go bolayiwe banna ka moka ba go hlalefa mone nageng. Gana mone ne go kena Daniyele, Šadreke, Mmišaka le Abhedniko. Daniyele o kgopele kgoši gore yi mo neye nakonyana. Ke mokane yene le banghana bage ba yye ba rapela Jehova, ba mo kgopela gore a ba gelepe. Jehova o makiye ying?

Jehova o šupetsiye Daniyele mmono wa tso Nebhukhadhinezara a di loriyeng ke mokane a mo hlatollela tsona. Ka motshwana wa gona, Daniyele o yye ga lelata la kgoši a re: ‘O sa bolaye banna ba go hlalefa. Ke nyoko hlatolla tso kgoši yi di loriyeng.’ Lelata lone le tsere Daniyele la mo yisa ga Nebhukhadhinezara. Daniyele a botsa kgoši gore: ‘Modimo o go wunyulele tso di nyoko makegang ku mahlong. Tsowa ke tso o di loriyeng: O bonne sethombhe se segolo sa go ba le hlogo ya gholdi, sekguba sa sona le matsogo ya sona ke mo go le tsa silva, mpa le dirope tsa sona ke mo go le tsa koporo, mawoto ya sona ke mo go le ya tshipi, fote mo digatong tsa sona ke mo go gahlanne tshipi le botsopa. Go yye gwa ngathega letlapa thabeng la teya sethombhe sone ho digatong. Sethombhe sone sa šilegana nkare ke morooko ke mokane sa tseya ke moya. Letlapa lela gwa ba thaba ye kgolo fote la tlala lefase ka mokana ga lona.’

 Ke mokane Daniyele a re: ‘Tso o di loriyeng di ra gore: Mmušo wago ke hlogo ya gholdi. Silva yi yemela mmušo wo wo nyoko tlang ka nthago gago. Ke mokane go nyoko ba le wa go tshwana le koporo wa gore wo nyoko lawola lefase ka mokana ga lona. Mmušo wa go latela wo nyoko tiya go tshwana le tshipi. Mafelelong, go nyoko ba le mmušo wa go yahlugana, sekopa se sengwana se nyoko tiya go tshwana le tshipi ke mokane se sengwana se nyoko tematema go tshwana le botsopa. Letlapa la gore go nyoko ba thaba le yemela Mmušo wa Modimo. Wo nyoko pshyayanya memmušo yowa ka mokana ga yona wa fetsa ka yona, fote wona wo nyoko dula wo le gona.’

Nebhukhadhinezara a wela fase ka sefahlego mahlong ga Daniyele. O yitseri: ‘Modimo wago ke yene a go wunyuleleng moloro wowa. A gona Modimo wa go tshwana naye.’ Nebhukhadhinezara aa mmolaya ga Daniyele, mara o makiye gore go be ndhuna ye kgolo ya banna ba go hlalefa fote a maka gore a lawole naga ya Bhabhilona ka mokana ga yona. Ayitsano wa di bona gore Jehova o fetodiye morapelo wa Daniyele ka mokgo mang?