Go fetiye 70 ya mengwana go tlugisela Maisrayele ma boyele Jerusalema, mara ya mangwana ne ma sa dula dipolekeng tse dingwana mmušong wa Peresiya. Ye mongwana wa bona ne go le moprista ye ba reng ke Ezera, wa gore ne a tšhutisa Molawo wa Jehova. Ezera o di kwelele tsa gore batho ba Jerusalema ne ba sa latelele Molawo, byalo ne a nyaka go ya a ye ba gelepeng. Kgoši ya Peresiya yo ba reng ke Athazeksisi o mmutsiye gore: ‘Modimo o makiye gore o hlalefe gore o thogo tšhutisa Molawo wage. Ariye, fote o tseye ye mongwana le ye mongwana ye a nyakang go sepela nago.’ Ezera o yye a gahlana le ka moka ga bona bo ne ba nyaka go boyela Jerusalema. Ba yye ba rapela Jehova gore a ba tšhireletse ga leyeto la bona la go lefa, ke mokane ba yye ba sepela.

Ka nthago ga kanne ya dikgwedi, ba yye ba segela Jerusalema. Dindhuna di yye dya botsa Ezera gore: ‘Maisrayele a maa theetsela Jehova fote ma šadhiye le basadi ba go rapela medimo ya matsaka.’ Ezera o yye a maka ying? Ezera o yye a kgotama a le mahlong ga batho, ke mokane a rapela a re: ‘Jehova, o re makele dilo tsa go tlala, mara rune re go sinyele.’ Setšhaba se yye sa tisola, mara ne se ya mahlong se maka tsa go sa loka. Ezera o yye a kgeta bagolo le ba go yahlula gore ba liketse go lukisa bothatha byone. Ka nthago ga kararo ya dikgwedi, bo ne ba sa rapele Jehova ba yye ba ba raka.

Go yye gwa fela 12 ya mengwaga. Ka nako yonone, ba yye ba tsosetsela mapharo ya Jerusalema. Ke mokane Ezera o yye a bitsa batho gore ba tle mo go gahlanediwang gona gore a ba balele Molawo wa Modimo. Mo Ezera a bula puku, batho ba yye ba tlogamela. O yye a rapela Jehova, ke mokane ba yye ba yemisa matsogo go šupetsa gore baa dumelelana. Ezera o yye a bala Molawo a boya a wo hlatolla, ke mokane setšhaba se yye sa mo theetsela. Ba yye ba dumela gore ba keketlele kgole le Jehova fote, ke mokane ba lla. Ka motshwana wa gona, Ezera o yye mahlong a ba balela Molawo wone fote. Ba yye ba tšhuta gore di nyaka ba make Monyanya wa Mašayi. Ka nako yonone, ba yye ba thomisa go lukiselela monyanya wone.

 Ga kašupa ya matšatši ya monyanya wone, setšhaba se yye sa jabola le go thanaka Jehova gore se bunne gabutši. A sanka gwa ba le monyanya wa Mašayi wa go tshwana le wowa go tlugisela ka dinako tsa Jošuwa. Ka nthago ga monyanya, setšhaba se yye sa gahlana ke mokane sa rapela sa re: ‘Jehova, o re phonisiye bobhantiting, wa re neya tsa go ja mo re le mašahleng fote wa re neya le naga yowa ya go bafala. Mara re f’lo ya mahlong re sa go theetsele. O romele baporofeta gore ba re pasopise, mara a re ya theetsela. Le mo go le ka mokgonone, o yye wa lefisa pelo. O yye wa maka so o se tshepisiyeng Abhrahama. Gana byalo re tshepisa gore re nyoko go theetsela.’ Ba yye ba ngwala tso ba di tshepisang, fote dindhuna, Malifi le maprista ba mereka tso ba di tshepisiyeng.