1. Ke dilo difeng tso re ka tikemiselang go di segelela ga tso tsa Modimo?

 RUNE Makreste ya mannete re mo nyaka ka matla ga Jehova. Re nyaka gore tso re mo makelang tsona go be mong tsa kawone ka matla. Gore re thogo makela Jehova so re ka se kgonang, di nyaka re tšiba tso re tikemiseleng go di segelela tsa go tshwana le go ba le mekgwa yo Makreste ma tshwaneleng go ba nayo, go tšhuta mebereko ye mengwana fote re lebelele gore ba bangwana re ka ba gelepa ka mokgo mang. *

2. Ke ntaba di nyaka re tšiba tso re nyakang go di segelela ga tso tsa Modimo fote re karakare gore re thogo di segelela?

² Ke ntaba di nyaka re karakara ka matla gore re thogo yeketsa tso re di makelang Jehova? Se segolo sa gona ke gore re nyaka go jabodisa Papa wa rune wa legedimong wa gore o re nyaka ka matla. Jehova o jabola ka matla mo a bona re berekisa tso re neyiwweng tsona le tso re kgonang go di maka ga mmereko wage. Go tokegela gana hone, re nyaka go yeketsa tso re di makang ga mmereko wa Modimo gore re thogo gelepa magageru. (1 Mathes. 4:9, 10) Ka mokana ga rune re ka di kgona go yeketsa ga mmereko wo re wo makelang Modimo, a go na taba gore ke botala re le nneteng kela re sa tšwa go kena. Tla re boneneng gore re ka di maka byang tsotsone.

3. Ga Thimothi wa Mathomo 4:12-16, Pawulo wa lepostola o hlohletsela Thimothi gore a make ying?

³ Mo Pawulo wa lepostola a ngwalela Thimothi lengwalo la mathomo, ke mo go le botala mosogana yewa go šele go le mogolo. Mara Pawulo o yye a mo hlohletsela gore a ye mahlong a kene a gula ga tso  tsa Modimo. (Bala 1 Thimothi 4:12-16.) Mo o kene o bala tso Pawulo a di hlayyeng, o ko di boneng gore ke mo a nyaka gore Thimothi a šupetse gore o kene wa butšwa ga dilo tsowa ka dipedi: o gudiye ga tso tsa Modimo ka go karakara gore a be le mekgwa ya go tshwanela Makreste ya go tshwana le go nyakanana, tumelo, go yela le ka go tšhuta mebereko ya go tshwana le go bala mahlong ga batho, go wolola le go tšhutisa. Mo re kene re sa naganne ka mošupetso wa Thimothi, tla re boneneng gore go tipeyela tso re nyakang go di segelela tsa gore re ka di kgona go ka re gelepa ka mokgo mang gore re be malata ya gabutši ya Jehova. Fote re nyoko lebelela gore king tse dingwana tso re ka di makang gore re thogo yeketsa ga mmereko wa rune wa go tšhomayela.

4. Mafilipi 2:19-22, yi re king so se makiyeng gore Thimothi go be lelata la gabutši la Jehova?

⁴ King so se makiyeng gore Thimothi go be lelata la gabutši la Jehova? Ke mo a na le mekgwa ya gabutši ya go tshwanela Makreste. (Bala Mafilipi 2:19-22.) Mo Pawulo a bolabola ka Thimothi, di šupa go le motho wa gore o tinyanafatsiye, wa go tshepega, wa go maka mmereko wage ka pelo ka moka fote ba bangwana ba ka tikokotlela ka yene. Ke mo a šupetsa ba bangwana gore o ba nyaka ka matla fote a tihlupa ka magagabo. Tsotsone di makiye gore Pawulo a nape a kwana naye ka matla ga Thimothi fote dya maka gore a sa jikajike mo di nyaka a mo neye mebereko ye megolo. (1 Makor. 4:17) Le rune mo re karakara ka matla gore re be le mekgwa yo Jehova a yi nyakang, re nyoko maka gore a sa nyake go kwa selo ka rune fote re ko thogo gelepa ba bangwana ka ho phutegong.—Pis. 25:9; 138:6.

5. (a) O nyoko di tšiba byang tso o tshwaneleng go di segelela gore o thogo ba le mekgwa ya go tshwanela Makreste? (b) Ga sethombhe sowa, mogageru wa mosadi wa gore o sa gula o karakara ka mokgo mang gore a thogo šupetsa ba bangwana gore o ba kwela go baba?

⁵ Tšiba so o nyakang go se segelela. Rapela gore o thogo bona gore o ka potolla kaye ga mekgwa yo o nang nayo. Kgeta gore ke wofeng mokgwa wo di nyakang o karakara gore o be nawo. Mo re beyisa, ayitsano o ka karakara ka matla gore o thomise go kwelana go baba kela o kwane le tsa go gelepa bo o rapelang nabo? Ayitsano di nyaka o tšhuta go kwana le go beba kela go tshwarela ba bangwana? O ka kraya gore di ya gelepa gore o kgopele monghana ye o ka mo tshepang a go yeletse ka tso o ka di makang gore o thogo potolla hala le hala.—Diy. 27:6.

6. O ka karakara ka mokgo mang gore o thogo ba le mokgwa wo o nyakang go ba nawo?

⁶ Bereka di go baba gore o segelele tso o nyakang go di segelela. O ka di maka ka mokgo mang tsotsone? O ka maka tsotsone ka gore o tšhute tsa go tlala ka mokgwa wo o nabelang go ba nawo. Tla re fo  re o segelele sepheto sa gore o nyaka go tšhuta go tshwarela ba bangwana. O ka thomisa ka go bala le go ghayela ka mešupetso yo yi leng ka ho Bhayibeleng ya batho ba gore ba yye ba tshwarela ba bangwana di tšwa pelong le ba gore a sanka ba maka ka mokgonone. Lebelela mošupetso wa Jeso. O yye a tshwarela ba bangwana di tšwa pelong. (Luk. 7:47, 48) Fote a sanka a beya lihlo ga tso ba bangwana ba kekemisiyeng ga tsona mara o f’lo ya mahlong a lebelela tsa gabutši tso ba kgonang go di maka. Mara Mafaraseyi ya dinako tsa Jeso wona “ke mo ma tseya ba bangwana go se selo.” (Luk. 18:9) Mo o fetsiye go ghayela ka mešupetso yowa, tiputsise gore: ‘Batho ba bangwana ke ba tseya byang? Ke mekgwa yifeng ya gabutši yo ke yi lebelelang ga bona?’ Mo nkare di ya go phukulusa go tshwarela motho ye mongwana, liketsa go ngwala mekgwa ka mokana ga yona ya gabutši yo o yi bonang gage. Ke mokane o tiputsise gore: ‘Jeso yene o re king ka motho yewa? Ayitsano ne a ka mo tshwarela?’ Go tšhuta ka dilo tsa mošaga wonone di ka go gelepa gore o tšhentšhe ka mokgo o naganang. Mathomisong, o ka kraya di nyaka gore re bereke re šwennye gore re tshwarele motho ye a re kwisiyeng go baba. Mara mo re ka fo ya mahlong re kene re garagara, re nyoko šinya re di tlwayela tsa go tshwarela ba bangwana di tšwa pelong.

7. Diyema 22:29, yi re Jehova o ba berekisa ka mokgo mang lekgono bo ba tšibang mmereko?

⁷ Se sengwana so re ka se segelelang ke gore re tšhute mebereko ye mengwana. Phela mo go yagiwa meyago ya Bethele, Diholo tsa go tshwarela Megahlano ye Megolonyana le Diholo Tsa Mmušo, go nyakega dibereki tsa go tlala. Ba go tlala ga bo ba berekang hone ba tšhutiye mebereko yone mo ba kene ba bereka le magageru ya gore ke digele. Ga sethombhe sowa, magageru ya banna le ya basadi ma tšhuta mebereko yo yi ko ma gelepang gore ma thogo pasopa Diholo Tsa Megahlano le Diholo Tsa Mmušo. Ka mokgonone, Jehova Modimo, yene “Kgoši ya go tlugisela,” le Kreste Jeso, yene “Kgoši ya . . . magoši,” ba segelela dilo tse dikgolo tsa go bafala ba berekisa tsona dibereki tsone. (1 Thim. 1:17; 6:15; bala Diyema 22:29.) Re nyoko karakara ka matla re boya re berekisa tso re neyiwweng tsona gore re thogo thanakisa Jehova, go seng rune beng.—Joh. 8:54.

8. O nyoko di tšiba byang tso o tshwaneleng go di segelela gore o tšhute mmereko?

⁸ Tšiba so o nyakang go se segelela. Wene ke mmereko wofeng wo o nyakang go wo tšhuta? Butsisa bagolo ba phutego ya lune kela mopotulugi gore ba nagana gore ke mmereko wofeng wa gore wene o ka wo tšhuta ga tso tsa Modimo. Mo re beyisa, mo nkare ba re go na le mo di nyakang o potolla gona ga taba ya go bolabola le ya go tšhutisa, ba kgopele gore ba go botse gore ke kaye ga gona mo o ka potollang. Ke mokane o make tso o tshwaneleng go di maka gore o lukise. O ka di segelela ka mokgo mang tsotsone?

9. O ka karakara ka mokgo mang gore o thogo segelela taba ya go tšhuta mmereko wo mongwana?

⁹ Karakara gore o thogo segelela mmereko wo o nyakang go wo segelela. Tla re fo re o nyaka go lokotša matšhutiselo yago. O ka berekisa sepukwane sa gore Karakara mo o Bala le mo o Tšhutisa. Mo ba go neyye polabolo ga megahlano ya gare ga beke, o ka kgopela mogageru wa gore ke botala a beya dipolabolo gore a go theetsele mo o kene o lukiselela ke mokane a go botse gore o ka potolla kaye. Maka gore ba tšibe gore ke wene segele ka mmereko wone, ke wene motho wa go karakara fote ba ka tikokotlela ka wene.—Diy. 21:5; 2 Makor. 8:22.

10. Re beyisele gore re ka maka byang gore re be digele ga mmereko wo re nyakang go wo tšhuta.

¹⁰ Byalo o nyoko maka byang mo nkare tso o liketsang go di tšhuta a yi layini yago? O sa šepisi barena! Mogageru ye mongwana ye ba reng ke Garry ke mo a sa di kgone gabutši tsa go bala. Aa lebale gore di yye dya mo tšebisa go segela kaye mo a liketsa go balela gedimo a le megahlanong ya phutego. Mara o f’lo ya mahlong a kene a karakara. Gana byalo o re ka taba la gore ba yye ba mo tšhutisa, o šele wa di kgona go beya dipolabolo Holong ya Mmušo, ga megahlano ye megolonyana le ye megolo!

11. Re ka gelepa king gore re tshwane le Thimothi, re yeketse ga tso re di makang ga mmereko wa Jehova?

 ¹¹ Ayitsano Thimothi o yye a di kgona tsa go bolabola mahlong ga batho kela go ba thitšere ya mayemo? Wa tšiba Bhayibele a yi hlayi. Mara a re kamake gore ka taba la gore Thimothi o yye a theetsela tso Pawulo ne a mo yeletsa ka tsona, o f’lo ya mahlong a kene a o maka gabutši mmereko wo ba mo neyyeng. (2 Thim. 3:10) Le rune, mo nkare re karakara ka matla gore re tšhute mebereko ye mengwana, tsotsone di nyoko re gelepa gore re yeketse tso re di makang ga mmereko wa Jehova.

12. Ba bangwana ba yye ba go gelepa ka mokgo mang?

¹² Tso ba bangwana ba di makang di re gelepa ka mokana ga rune. Mo re le sepetlele, re jabola ka matla mo re vakašela ke bagolo bo ba berekang ga Dikomiti Tsa go Berekisana le Dipetlele kela ba Megoba ya go Vakašela Balwele. Mo re gahlana le seyemo sa gore se ya thathafa, re leboga ka matla mo mogolo a berekisa nako yage gore a re theetsele a boya a re kgomoletsa. Mo go na le tso di re tlonyang ga taba ya go tšhutisa ba bangwana Bhayibele, re jabola ka matla mo mošupatsela wa gore ke botala a tšhutisa ba bangwana a dumela go ya le rune mo re ya gwe tšhutisa motho a boya a re botsa gore re ka potolla kaye. Magageru yane ka mokana ga wona ma jabolela go re gelepa. Byalo le rune re ka tšhela letsogo ga taba ya gore re nape re jabola ka matla mo re ka tikemisela go makela magageru se sengwana. Jeso o yitseri, “‘Mo le neya batho ba bangwana dilo di jabodisa ka matla go phala mo ba neya lune.” (Meber. 20:35) Mo o nyaka go yeketsa mmereko wago ga taba yowa kela ya go tshwana nayo, o ka gelepa king gore o thogo segelela tso o di nyakang?

13. Mo o kgeta tso o nyakang go di segelela, a di nyake o lebala ying?

¹³ Mo o kgeta tso o nyakang go di segelela, di nyaka o thomise ka go tšiba gore gabutšibutši o nyaka go segelela ying. Mo re beyisa, o ka tipotsa gore, ‘Ke nyaka go yeketsa tso ke di makang ka ho phutegong.’ Mara mo o sa di tšibi gore ke difeng dilo tsa gona, o ka kraya di thathafa go tšiba gore o nyoko di segelela ka mokgo mang tsotsone fote di ka sa be lula gore o thogo bona mo o šele o di segelele. Byalo, maka gore so o nyakang go se segelela se be lekgwaying, o se tšibe. O ka šinya o di ngwala fase tso o nyakang go di segelela o boye o ngwale le gore o nabela go di segelela ka mokgo mang.

14. Ke ntaba di nyaka re temeka mo re kgeta tso re nyakang go di segelela?

¹⁴ Di nyaka re temeka mo re kgeta tso re nyakang go di segelela. Ke ntaba? Ka taba la gore a re di kgone go lawola seyemo gore se sa tšhentšhi. Mošupetso ke wowa: Pawulo wa lepostola o yye a gelepa go  thomisa phutego ya nyuwane ku toropong ya Thesalonika. A re kamake gore so ne a nyaka go se segelela ke gore a dule gana hone a boye a gelepe Makreste yane ya nyuwane. Mara bo ba go phigisa ba yye ba gapeletsa Pawulo gore a tloge hone toropong. (Meber. 17:1-5, 10) Hala Pawulo a yye a fo dula ka tšhinghi, ne a nyoko bolayisa magagabo. Mara Pawulo a sanka a lahla tewu. O yye a yamogela mo seyemo se tšhentšha. Ka nthagonyana, o yye a romela Thimothi gore a ye a pasope Makreste yawa ya nyuwane ya ku Thesalonika ka tso ma di gayelang ga tso tsa Modimo. (1 Mathes. 3:1-3) Makreste ya Mathesalonika di ba jabodisiye ka matla go bona Thimothi a tikemisele go ba gelepa mo ba nyaka wa go ba gelepa!

15. Mo re sa kgone go lawola seyemo, re ka thomisa go tikwa byang ka tso re nyakang go di segelela? Re beyisele.

¹⁵ Re ka tšhuta ga tso Pawulo a yyeng a gahlana natso ku Thesalonika. Di ka makega gore go na le mmereko wo re nabelang gore re wo make ga tso tsa Modimo mara re šitega go wo segelela ka taba la seyemo. (Mmo. 9:11) Mo nkare go ka mokgonone le gago, tikemisele go kgeta se sengwana sa gore gwa kgonega go se segelela. Tsotsone di makiye ke monna ye mongwana ye ba reng ke Ted le mosadi wage ye ba reng ke Hiedi. Ka taba la go tilwalela, ne di nyaka ba tloga Bethele. Mara ka taba la gore ne ba mo nyaka ka matla ga Jehova, tsotsone di yye dya ba tšhofa gore ba lebelele gore ba ka maka ying se sengwana. Ba thomisiye ka go bereka go le mašupatsela ya nako ka moka. Mo goya-goya, ba yye ba ba kgeta gore go be mašupatsela ya go hlawolega, fote Ted ba yye ba mo tšhutisa mmereko wa go fela a thiba sekgala sa mopotulugi. Mmereko wa gore motho go be mopotulugi wo yye wa thomisa go kgera mengwaga. Ted le Hiedi ba yye ba napa ba di bona gore wone mmereko di ra gore ba ka sa sa wo maka. Tsotsone ke mo di ba tšebisiye ka matla mara ba yye ba di bona gore ba ka ya mahlong ba berekela Jehova ka mekgwa ye mengwana. Ted o re, “Re tšhutiye gore re sa fo lebelela mmereko ka wwoši wo re nyakang go wo makela Jehova.”

16. Re ka tšhuta ying ga Magalata 6:4?

¹⁶ Re ka sa di kgone go lawola dilo ka mokana ga tsona tso di re tlelang. Byalo, di ko ba gabutši ka matla gore re sa nagane gore Jehova o re tseyela gedimo ka taba la mebereko yo re mo makelang yona fote re sa liketse go titshwanisa le ba bangwana ba gore ba jabolela go makela Jehova mebereko ya gore a yi tshwane le ya rune. Hiedi o re “Mo o ka fo nyaka go titshwanisa le ba bangwana, o ka sa duli o bebiye.” (Bala Magalata 6:4.) Di gabutši ka matla go dula re lebelela gore re ka gelepa ba bangwana ka ying. *

17. O ka maka byang gore o segelele mebereko ye mengwana ga tso tsa Modimo?

¹⁷ Maka gore o krayege mo ba nyaka ye a ka makang mmereko ga tso tsa Modimo, ka gore o sa hlekeletse dilo tsa go tlala tsa lephelo fote o kganele kgole le dikoloto. Thomisa ka go kgeta dilo tse dinyana tso o nyakang go di segelela gore o thogo segelela  tse dikgolo. Mo re beyisa, mo nkare se segolo so o nyakang go se segelela ke gore go be wene mošupatsela wa nako ka moka, ke ntaba o sa thomisi gana byalo o bereka go le wene mošupatsela wa go gelepa o sa tshidisi? Mo nkare o nyaka go ba lelata ka ho phutegong, ke ntaba o sa berekisi nako yago ga mmereko wa tšhomo fote o vakašele ba go tilwalela le ba gore ba tsofele ka ho phutegong? Tso o di tšhutang gana byalo di nyoko go thulela lešuba la gore ba go neye mebereko ye mengwana yo o ka yi makelang Jehova ku mahlong. Tipotse gore o nyoko karakara ka matla gore o make se sengwana le se sengwana ga mmereko wo ba go neyang wona.—Marom. 12:11.

18. Mo o lebelele sethombhe sowa, o tšhuta ying ga Beverley?

¹⁸ Taba ya go kgeta tso re nyakang go di segelela ga tso tsa Modimo a yi yi ka gore o na le mengwaga ka mekaye. Lebelela mošupetso wa mogageru ye mongwana wa mosadi ye ba reng ke Beverley wa gore o na le 75 ya mengwaga. Ke mo a lwala ka matla, a šitega le mong go ro sepela. Mara ke mo a nabela go tšhela letsogo ga letsima la go memela batho Segopotsong. Ne a tšiba tso a nyakang go di segelela. Beverley ne a jabodiye ka matla mo a šele a segelele tso a di nyakang ga letsima lone. Taba yone ya gore o yye a karakara ka matla yi tšhofiye ba bangwana gore le bona ba yeketse tso ba ka di makang ga mmereko wa go tšhomayela. Jehova o wo tseyela gedimo mmereko wo wo makang ke magageru yane ya banna le basadi ya gore ma tsofele, le mo seyemo se ba kgerela ga tso ba di makang.—Pis. 71:17, 18.

19. Re ka tipotsa gore re nyaka go segelela dilo difeng tse dingwana ga tso tsa Modimo?

¹⁹ Tikgetele tso o nyakang go di segelela tsa gore di ya kgonega. Karakara gore o be le mekgwa yo yi ka makang gore Jehova a nape a go nyaka ka matla. Tšhuta mebereko ye mengwana ya gore yi nyoko go gelepa gore o berekise ke Jehova le mokgahlo wage. Lebelela tso o ka di makang gore o thogo berekela magageru o boye o ba makele dilo tsa gabutši. * O nyoko tshwana le Thimothi, mo Jehova a go rufa, o ka maka gore “batho ka mokana ga bona ba thogo di bona gore o gudiye.”—1 Thim. 4:15.