1. Ke ntaba malata ya Jehova ma fela ma tikwa ma le ntoši?

DI RE makegela re tlele tsa go fela re teya ke budutu. Ga ba bangwana, go fo ba tsa senakonyana. Ga ba bangwana, di ka fo tseya nako. Re ka fo kwa budutu le mo go na le batho ba bangwana ho thina. Ga ba bangwana, o kraya go ro ba mong letogo go ba le banghana ba nyuwane mo ba rurele ga phutego ya nyuwane. Ba bangwana ba tšwa ga mitši ya gore ba maka dilo ggoši, mara ba ka kwa budutu mo ba le kgole le ba mitši kela mašaga ya bona. Ba bangwana ba kwa ba hlologela go fokatsa le motho wa gore gana byalo o hlokofele, wa gore ke mo ba kwana naye ka matla. Fote Makreste ya mangwana, ka matlamatla bo ba gore ba sa tšwa go tšhuta nnete, ba ka fo tikwa nkare ba fo ba ba le ntoši mo mašaga le bo ne go le banghana ba bona ba gore a ba di kene tsa go rapela Jehova ba ba phigisa kela ba ba hlupegisa.

2. Re nyoko fetola diputsiso difeng?

² Jehova wa re kwisisa fote o tšiba se sengwana le se sengwana ka rune. Wa di bona mo re kwa budutu fote o nyaka go re gelepa. Jehova o re gelepa byang? King so re ka se makang gore re sa kwi budutu? Fote re ka maka byang gore re gelepe ba bangwana ka phutegong gore ba sa kwi budutu? Tla re boneneng diphetolo tsa gona.

3. Jehova o šupetsiye ka ying gore wa tihlupa ka Eliya?

³ Jehova o nyaka gore bo ba mo rapelang ba dule ba jabodiye. O thina le ye mongwana le ye mongwana wa rune fote wa di bona mo tsa lephelo di re roba kela re kgongwele. (Pis. 145:18,  19) Bona ka mokgo Jehova ne a tikwa ka gona ka moporofeta Eliya le gore o mo gelepiye byang. Monna yene wa go tshepega o phidiye ka dinako tsa go thathafa ka matla ku Israyele. Bo ba gore ne ba rapela Jehova ke mo ba hlupegisiwa go baba, fote ne ba nyaka go bona Eliya a kgwile. (1 Mag. 19:1, 2) So ne se ka fo ba se hlupa Eliya ka matla ke gore ne go le yene moporofeta a ntoši ye a šeleng wa gore o berekela Jehova. (1 Mag. 19:10) Modimo o napiye a gelepa Eliya ka go yakgoswa. Jehova o yye a roma lengeloyi gore le tiyise moporofeta Wage ka go mmotsa gore a sa tseye gore o šele a ntoši, ma gona Maisrayele ya mangwana ya go tlala ya gore ma kene maa tshepega ga Modimo!—1 Mag. 19:5, 18.

4. Mareka 10:29, 30 yi šupetsa byang gore Jehova wa tihlupa ka malata yage ya gore mašaga le banghana ba bona a ba sa yi kena ya bona?

⁴ Jehova wa di kwisisa gore mo re kgeta go mmerekela, ba bangwana ba rune ba tshwanele go tikona dilo tsa go tlala. Gana mone go kena le taba ya gore a re sa gelepa ke banghana ba rune le mašaga ya rune ba gore a ba berekele Modimo. Di ka fo makega gore Petro wa lepostola ne a šekela nakwela a butsisa Jeso gore: “Re šiyye dilo ka mokana ga tsona gore re go latelele, byalo king se sengwana so re ka se krayang?” (Mat. 19:27) Jeso o butsiye malata yage gore phutego yi nyoko ba nkare ke mutši wa wona. (Bala Mareka 10:29, 30.) Fote Jehova wa gore ke Papa wa rune wa legedimong o tshepisa gore o nyoko gelepa ba gore ba nyaka go mmerekela. (Pis. 9:10) Tla re bolaboleneng ka dilo tse dingwana tsa gore di ka maka gore Jehova a go gelepe o hlule taba yowa ya go teya ke budutu.

5. Ke ntaba di le gabutši gore o nagane ka mokgo Jehova a go gelepang ka gona?

⁵ Nagana ka mokgo Jehova a go tiyisang ka gona. (Pis. 55:22) Tsotsone di nyoko go gelepa gore o bone gore a o ntoši. Mogageru wa mosadi wa gore aa soko šadha ye ba reng ke Carol * wa gore mašaga yage a yi Dihlatse, o re: “Mo ke nagana ka tso Jehova a mmakeleng tsona ku nthago nakwela go na le tsa go nkgahleletsa, ke napa ke ro di bona gore a ke ya šala ke ntoši. Fote di maka gore ke sa kamake gore Jehova o nyoko ba le nna le ku mahlong.”

6. Petro wa Mathomo 5:9, 10 yi ka ba tiyisa byang bo ba gore ba lwa le bothatha bya go kwa budutu?

 ⁶ Nagana ka mokgo Jehova a gelepang magageru ya gore ma kwa budutu. (Bala 1 Petro 5:9, 10.) Mogageru ye ba reng ke Hiroshi wa gore o fetsiye mengwaga ya go tlala go le yene Hlatse a ntoši gagabo, o re: “Di lula go bona gore ye mongwana le ye mongwana ka mo phutegong o na le mathatha yage. Go fo tšiba gore ka mokana ga rune re ya karakara gore re berekele Jehova go ka tiyisa bo ba gore a ba na mašaga ya gore ke Dihlatse.”

7. Wene go rapela go go gelepa byang?

⁷ Dula o rapela, o bala Bhayibele fote o ya megahlanong ya phutego. Thuletsela Jehova gore o tikwa byang. (1 Pet. 5:7) Mogageru wa mosadi wa gore o sa gola ye ba reng ke Massiel ke mo a tikwa nkare o f’lo tišalela a ntoši nakwela a thomisa go berekela Jehova ka taba la gore mašaga yage ke mo ma sa berekele Jehova. O re: “Se sengwana sa gore se n’gelepiyeng gore ke sa nape ke kwa budutu ke go dula ke rapela Jehova di tšwa pelong. Ke mo go le Papa wa mannete ho gaka fote ne ke mo rapela gatleletlele ka moka matšatši, ke mmotsa le gore ke tikwa byang.”

8. Wene di go gelepa ka mokgo mang mo o kene o bala Lentsu la Modimo o boya o ghayela ka lona?

⁸ Dula o bala Lentsu la Modimo fote o ghayele ka dilo tso di šupetsang gore Jehova o go nyaka ka matla. Mogageru wa mosadi ye ba reng ke Bianca wa gore o yye a tiyisela mo mašaga yage ma mmotsa tsa go tooka ma nyaka go mo kgongwetsa, o re: “Go bala le go ghayela ka tsa ka ho Bhayibeleng le ka tso di makegeleng malata ya Jehova ya gore le wona ma tiyisele ga tsa go tshwana le tso di mmakegelang, di n’gelepiye ka matla.” Makreste ya mangwana ma liketsa go tšiba mangwalo ya go kgomoletsana ya go tshwana le Pisalema 27:10 le Jesaya 41:10. Ba bangwana ba theetsela tsa go rekhodiwa mo ba lukiselela megahlano kela mo ba bala Bhayibele, tsotsone di ba gelepa ka matla gore ba sa nape ba kwa budutu.

9. Wene go ya megahlanong ya phutego go go gelepiye byang?

⁹ Karakara gore o dule o ya megahlanong. Letheto la gona le nyoko go tiyisa fote o nyoko tšibana le magageru ya mangwana. (Maheb. 10:24, 25) Massiel wa gore re bolabodiye ka yene o re: “Ke mo ke na le dihlong nna, mara ke mo ke tiputsiye gore nka sa lofe megahlanong ya phutego fote ke nyoko dula ke fetola. Tsotsone di n’gelepiye gore ke nghanelane le magageru.”

10. Ke ntaba di nyaka re nghanelane le Makreste ya go tshepega?

¹⁰ Nghanelana le Makreste ya go tshepega. Nghanelana le batho ba ka phutegong ba gore o ka tšhuta se sengwana ga bona, le mo nkare a le lekane ka mengwaga kela ditšo tsa lune a  di tshwane. Bhayibele yi re gopotsa gore “bo ba gore ba šele ba gudiye” ba ka re hlalefisa. (Jobo 12:12) Bo ba gore ba šele ba gudiye le bona ba ka tšhuta se sengwana ga bo ba gore ba sa gola ba gore baa tshepega. Dafita ke mo go le ye monyana ka matla ga Jonathane, mara ke mo go le banghana ba bagolo. (1 Sam. 18:1) Dafita le Jonathane ke mo ba gelepana gore ba thogo berekela Jehova le mo go na le tsa go ba phiriketsa. (1 Sam. 23:16-18) Mogageru wa mosadi ye ba reng ke Irina wa gore ke yene Hlatse a ntoši gagabo o re, “Magageru ya ka phutegong ma ka tshwana le babelegi ba rune kela bosesi le bobhuti ba rune. Jehova a ka maka gore ma thibe sekgala sa mašaga ya rune ya gore ma re jikele.”

11. Di nyaka re make ying gore re be le senghana sa go tiya le ba bangwana?

¹¹ Di ka fo sa be lula go kraya banghana ba nyuwane, ka matlamatla mo nkare o na le dihlong. Mogageru wa mosadi ye ba reng ke Ratna wa gore o na le dihlong, o tšhutiye nnete a kene a phigisiwa, o re, “Ke mo di nyaka ke dumela gore ke nyaka magageru ka ho phutegong ma n’gelepe.” Di ka fo sa be lula go thuletsela ye mongwana so se leng ho pelong, mara mo o maka ka mokgonone, motho yene go ka feleletsa go le monghana wago wa thina. Banghana bago ba nyaka go go tiyisa le go go gelepa, mara di nyaka o ba botse gore ba ka di maka byang tsotsone.

12. Mmereko wa go tšhomayela wo ka go gelepa byang gore o kraye banghana ba gabutši?

¹² Mokgwa wo mongwana wa gabutši wa go maka banghana ke go ya tšhomong le Makreste ya mangwana. Carol yela re bolabodiyeng ka yene o re: “Ke na le banghana ba gabutši ba go tlala ka taba la gore ga go tlala ke mo ke ya tšhomong le magageru ya basadi, ne re maka le tse dingwana tso tsa Modimo ggoši. Jehova o n’gelepiye mengwaga yowa ka mokana ga yona a berekisa banghana bowa.” Di gabutši ka matla go nghanelana le Makreste ya go tshepega. Jehova o berekisa banghana bowa mo a go gelepa gore o lwisane le dilo tsa go kgongwetsana, tsa go tshwana le go kwa budutu.—Diy. 17:17.

13. Ka mokana ga rune re na le mmereko wofeng ka ho phutegong?

¹³ Ka mokana ga rune ka mo phutegong re na le mmereko wa go maka gore go bebe fote re šupetse gore re ya nyakanana gore go sa be le ye a tikwang a le ntoši. (Joh. 13:35) Tso re di makang le tso re di hlayang di ka tiyisa ba bangwana! Bona so se hlayyeng ke mogageru ye mongwana wa mosadi, o yitseri: “Nakwela ke sa tšhuta nnete, phutego yi yye ya ba mašaga yaka. Hala ba sa n’gelepa, nke ke se Hlatse ya Jehova.” O ka maka byang gore o thogo gelepa bo ba gore a ba na mašaga ya gore ke Dihlatse gore ba nape ba di bona gore magageru ma ba nyaka ka matla?

14. O ka maka byang gore o nghanelane le motho wa gore a yi botala a tlile ka phutegong?

¹⁴ Liketsa go nghanelana le bo ba gore a yi botala ba tlile ka phutegong. Re ka thomisa ka go yamogela bo ba gore a yi botala ba thomisiye go tla megahlanong. (Marom. 15:7) Mara a di nyake re fo tamisa motho ke mokane ra felela gana hone. Mo nako yi kene yi ya, di nyaka re make gore senghana sa rune se tiye. Byalo, šupetsa motho wa gore o sa thomisa go tla megahlanong gore o mo tseyela gedimo. Liketsa go kwa gore a ka fo ba a phiriketsa king, mara o sa nape o ya ka matla, o kraya o butsisa le tsa gore a di go nyake. Ga ba bangwana o ka kraya go se lula go go botsa gore ba tikwa byang, byalo mo lisetse mo a sa nyake go go botsa. Liketsa go butsisa diputsiso tsa gore di ka sa make gore a šale a tšebiye, ke mokane o mo theetsele gabutši mo a fetola. Mo re beyisa, o  ka fo mmutsisa gore nnete yowa o yi krayye byang.

15. Makreste ya gore ma butšwiye ma ka gelepa ba bangwana byang ka mo phutegong?

¹⁵ Tumelo ya batho ka mokana ga bona ka phutegong ya tiyelela mo re šupetsana gore re tseyelana gedimo, ka matlamatla mo di maka ke bagolo le ba bangwana ba gore ba butšwiye. Melissa, wa gore o gudisiye ke mmane wage wa gore ke Hlatse o re: “Ke leboga magageru ya gore ma yye ma ntshwara nkare ke nna ngwana wa bona, ya gore ke mo ma fokatsa le nna fote ma nšupetsa gore ma ntseyela gedimo. Wa go ntheetsela mo ke nyaka ye nka bolabolang naye o dula a le gona.” Mogageru wa mosogana ye ba reng ke Mauricio wa gore o f’lo tikwa a lahlegiye mo ye a mo tšhutisang Bhayibele a lisetsa nnete o re: “Bagolo ba nšupetsiye gore ba ntseyela gedimo, sosone se n’gelepiye ka matla. Ke mo ba fo dula ba bolabola le nna. Ne ba bereka le nna tšhomong, ba mpotsa tso ba di tšhutiyeng ka Bhayibeleng, fote ba kgana le nna.” Melissa le Mauricio ba feleletsiye ba berekela Jehova ka nako ka moka.

16-17. Re ka maka ying gore re gelepe ba bangwana?

¹⁶ Ba gelepe ka tso ba di gayelang. (Magal. 6:10) Morumiwa ye ba reng ke Leo wa gore o tšhomayela ga poleke ya gore yi kgole le mašaga yage o re, “Ga go tlala di fo nyaka o šupetsa motho gore o mo tseyela gedimo. Ke gopola ka letšatši lo ke krayyeng kotsi ya koloyi. Mo ke segela gaye, ne ke hlakahlakanne. Mara mogageru ye mongwana le mosadi wage ba mmemme gaye ga bona. A ke sa gopola le gore re jile ying mara so ke se gopolang ke gore ba ntheetsele ka mokgwa wa go šupetsa gore baa nkwela. Ke feleletsiye ke tikwa ke le kawone ka matla!”

¹⁷ Re fo kwa re jabola mo re na le magageru ya mangwana re bolabola ka tso re di kwileng megahlanong ye megolonyana le megahlanong ye megolo. Mara, Carol yela re bolabodiyeng ka yene o re, “Ke kwa budutu mo ke le megahlanong ye megolonyana le megahlanong ye megolo.” Ke ntaba? O re, “Le mo ke le gare ga magageru ya go tlala, ga go tlala ma ba ma na le mašaga ya wona. Tsotsone di napa di maka gore ke kwe budutu ka matla.” A di lula ga ba bangwana gore ba ye megahlanong ye megolonyana kela megahlanong ye megolo mo ba sa tšwa go hlokofalela ke monna kela mosadi. Ayitsano o tšiba ye mongwana wa gore o  makegele ke dilo tsa go tshwana le tsowa? Ke ntaba o sa mo meme gore a sepele nago le ba mutši wago mo le maka tso tsa Modimo?

18. Re ka yi berekisa byang 2 Makorente 6:11-13 mo re yamogela ba bangwana?

¹⁸ Fokatsaneng. Liketsa go fokatsa le magageru ya mehlobohlobo, ka matlamatla yawa ya gore nkare ma kwa budutu. Re nyaka go šupetsa bo ba gore ba kwa budutu gore ‘re ba nyaka ka matla.’ (Bala 2 Makorente 6:11-13.) Melissa, wa gore re bolabodiye ka yene o re, “Ke mo di re jabodisa ka matla mo magageru ma re bitsa gore re tl’le fokatsa le ba mutši wa bona kela re ye mayeto re le ka moka.” Ayitsano o gona ga phutego ya lune wa gore o nyaka go mo mema?

19. Go fokatsa le magageru go ka ba gelepa ka matlamatla mo go makiye byang?

¹⁹ Magageru ma ka fela ma nyaka go fokatsa le rune. Ba bangwana ba ka thathafela ke go ba le mašaga ya bona ya gore a yi Dihlatse ka dinako tsa diholidheyi. Ba bangwana ba ka kgongwela mo go segela matšatši ya mangwana ya go tshwana le letšatši lo ye ba mo nyakang ka matla a hlokofeleng ka lona. Mo re fokatsa le magageru ya gore ma gahlana le dilo tsa mošaga wonone, re ma šupetsa gore re ‘ma pasopa di re baba.’—Mafil. 2:20.

20. Mantsu ya Jeso ya ma leng ga Matewu 12:48-50 ma ka re gelepa ka mokgo mang mo re kwa nkare re tišalele re ntoši?

²⁰ Di tlele tso di ka makang gore Mokreste a kwe budutu. Mara re sa lebale gore Jehova wa di tšiba tsone ka mokana ga tsona. Ga go tlala o berekisa magageru gore a re neye tso re di gayelang. (Bala Matewu 12:48-50.) Le rune re šupetsa gore re leboga tso Jehova a re makeleng tsona mo re karakara gore re gelepe magageru. O ka fo fela o tikwa ka mokgo mongwana, mara a wa šala o le ntoši ka taba la gore Jehova o dula a le ho thina gago!