1. Jehova o tshwana ka ying le mmane wa gore wa yangwisa?

“AYITSANO mosadi wa gore wa yangwisa a ka lebala ngwanage?” Yone ke putsiso yo Jehova a yyeng a yi butsisa ka dinako tsa moporofeta Jesaya. Modimo o butsiye batho bage gore, “Le mo bommane bone ba ka lebala bananyana ba bona, nna nka sa ro le lebala.” (Jes. 49:15) A yi ga go tlala Modimo a titshwanisa le bommane. Mara ka nako yonone, o yye a titshwanisa nabo. Gore Jehova a thogo šupetsa ka mokgo a tikwang ka gona ka malata yage, o yye a ba beyisela ka mmane wa gore o na le sengwananyana. Bommane ba go tlala ba ka bolabola go tshwana le mmane ye mongwana ye ba reng ke Jasmin, mo a re, “Mo o yangwisa ngwanago, o kwa a le thina nago ka matla fote o napa o kwa o mamarelanne naye mo le na le phela.”

2. Jehova o tikwa byang mo a bona ye mongwana wa bana bage a lesetsa go mo rapela?

² Jehova o di bona gabutši mo ye mongwana wa bana bage a lesetsa phutego fote le tšhomong a sa sa ya. O fo nagana nje gore o kwa go baba go segela kaye mo a bona malata yage ya diketekete ma thomisa go bata * mongwaga wo mongwana le wo mongwana.

3. Jehova o nyaka ying?

³ Magageru ya go tlala ya gore ma yye ma bata ga tso tsa Modimo maa boya ka ho phutegong, fote ke gona mo ma yamogediwang gona! Jehova o di nyaka ka matla gore ma boye, le rune re nyaka tsotsone. (1 Pet. 2:25) Re ka gelepa ka mokgo mang? Mo re soko bane re fetola putsiso yone, di nyaka re tšiba gore king so se makang magageru yawa ma lesetse go tla megahlanong le go ya tšhomong.

4. Mmereko wo ba bangwana ba thewogelang ga wona wo ba maka ying?

⁴ Ba bangwana mo ba thewogela, ba ro napa ba kena ka hlogo. Mogageru ye mongwana ye ba reng ke Hung * wa gore o dula ku Borwabohlabela bya Asia o re, “Ke yye ka fo tilesetsa ke kena ka hlogo ga mmereko waka. Gabutšibutši ke mo ke titshwere ka lebelebele nakwela ke re mo nka ba le sela le sela, nko thogo berekela Jehova. Byalo, ke yye ka thoma go thewogela diawara tsa go tlala. Ke f’lo thomisa le go sa sa ya gabutši megahlanong ya phutego, ka šinya ke lesetsa. Di šupa nkare lefase lowa le dula le nyaka go maka gore batho ba thomise ka gonyana ka gonyana go keketlela ku kgole le Modimo.”

5. Mogageru ye mongwana wa mosadi o yye a tikwa byang mo a tlela ke mathatha ya go lategetsana?

⁵ Magageru ya mangwana ma kgahleletsiye ke dilo tsa go tlala tsa go roba. Anne wa go dula ku Brithani ke mmane wa gore o na le 5 ya bana. Anne o re, “Ye mongwana wa bana baka o yye a belegiwa a golofele la go sa hlayisege. Ka nthagonyana ye mongwana wa barwediya baka o yye a ntshiwa ka phutegong ke mokane morwayi waka a thomisa go lwala mo hlogong. Ke mo di nroba ka matla, ka šinya ke lesetsa le go ya megahlanong le go tšhomayela. Ka gonyana ka gonyana ke yye ka thomisa go bata ga tso tsa Modimo.” Dipelo tsa rune di baba ka matla mo re nagana ka Anne le ba mutši wage le ka magageru ka mokana ga wona ya gore ma gahlana le tsa mošaga wonone!

6. Di ka makega ka mokgo mang tsa gore motho a tikraye a šele a keketlela ku kgole ga batho ba Jehova ka taba la go sa make tso di bolabolang ke Makolosi 3:13?

⁶ Bala Makolosi 3:13. Malata ya mangwana ya Jehova ma kwisiwwe go baba ke magageru ya mangwana. Pawulo wa lepostola o di bonne gore ka dinako tse dingwana re ka ba le ‘selo sa go kwagala sa go maka gore re kokole’ ka mogageru. Ka dinako tse dingwana di ka maka ke gore re yye ra sa tshwariwi gabutši. Mo re sa ntshe maahlo dikwakweng, re ka feleletsa re tshwere ba bangwana ka pelo. Go tuba go ka maka gore ka gonyana ka gonyana motho a be ku kgole le batho ba Jehova. Lebelela so se makegeleng mogageru ye mongwana ye ba reng ke Pablo wa go dula ku Borwa bya Amerikha. Ba yye ba mmolabolela matsaka, ba re o sinnye ka matla ke mokane sosone sa maka gore a feleletse a sa sa berekisiwa ka ho phutegong. O yye a titshwara byang? Pablo o re, “Ke mo ke kwatiye fote ka gonyana ka gonyana ke yye ka feleletsa ke le kgole le phutego.”

7. Go kokona ke lekwalo go ka šinya go maka gore motho a make ying?

⁷ Motho wa go kokona ke lekwalo ka taba la go ba a sa maka dilo gabutši ku botala, a ka fo tikwa nkare Modimo aa sa mo nyaka. Le mo yi le gore o yye a tisola ke mokane a kwediwa go baba, a ka fo kwa nkare a di sa mo tshwanela gore a be gare ga batho ba Modimo. Mogageru ye mongwana ye ba reng ke Francisco o yye a tikwa ka mokgonone. O re, “Ba yye ba nkgalemela ka taba la gore ke makiye bonghwahla. Ke thomisiye nkene ke ya gabutši megahlanong, mara ka fo thoma go kwa di nroba ka matla, fote mo ke na le batho ba Jehova, ke mo ke kwa nkare ke nna thokwane ka teng ga lebese. Lekwalo laka ke mo le nkokona ka matla, ke mo ke kwa nkare Jehova aa ntshwarela. Mo go-ya-go-ya, ke yye ka lesetsa go ya megahlanong.” Wene o tikwa byang ka magageru ya gore ma gahlana le dilo tsa mošaga wo? Ayitsano o ba kwela go baba? Jehova yene o tikwa byang ka bona?

8. Ayitsano Jehova wa lebala ka bo ba yyeng ba mmerekela? Hlatolla.

⁸ Jehova a ka sa tsoge a lebele bo ke mo ba mmerekela, ba gore gana byalo ba lesetsiye go nghanelana le batho bage, fote a ka sa ro lebala tso ba di makiyeng nakwela ba sa mmerekela. (Maheb. 6:10) Moporofeta Jesaya o ngwadiye mošupetso wa gabutši ka matla wa go šupetsa ka mokgo Jehova a pasopang batho bage. O yitseri, ‘Modimo o nyoko pasopa dinku tsage go tshwana  le motho wa go disa. O nyoko hlekeletsa dinkunyana tsage a berekisa letsogo lage, ke mokane a di beya ho sekgubeng.’ (Jes. 40:11) Ye Mogolo wa gona wa ba go Disa o tikwa byang mo a lahlegela ke nku ka yyoši? Jeso o yye a šupetsa ka mokgo Jehova a tikwang ka gona nakwela o butsisa malata yage gore: “Le nagana ying mara? Mo motho a na le 100 ya dinku ke mokane gwa lahlega ye nngwana, ayitsano a ka sa šiyi 99 ya tsona ku dithabeng ke mokane a thomisa go nyakela ka yyoši ya gore yi lahlegiye? Byalo mo a yi kraya, nnete ke ya le botsa, o yi jabolela ka matla go phala 99 ya tsela tsa gore ke mo di sa lahlega.”—Mat. 18:12, 13.

9. Ku botala, bo ba go disa ke mo ba tshwara dinku ka mokgo mang? (Lebelela sethombhe sa ka tawong.)

⁹ Ke ntaba di le gabutši ka matla go tshwanisa Jehova le motho wa go disa? Ka taba la gore motho wa go disa wa nako ya mo go ngwadiwa Baebele ke mo a hlupega ka matla ka dinku tsage. Mo re beyisa, Dafita o yye a lwa le tawu, a boya a lwa le bhere nakwela a pasopa morape wage. (1 Sam. 17:34, 35) Motho wa go disa wa gabutši o ko di boneng mo nku ka yyoši yi lahlegiye. (Joh. 10:3, 14) Motho wa mošaga wonone o ko šiya 99 ya dinku, gore bo a disang nabo ba di pasope ke mokane a ye nyakana le ka yyoši ya gore yi lahlegiye. Jeso o berekisiye mošupetso wone gore a re tšhutise taba ye nngwana yo di nyakang re yi tseyela gedimo ka matla, ya gore: “A di mo jabodisi ga Papa wa ku legedimong gore le mong ka wweši ga bo ba banyana a kgwe.”—Mat. 18:14.

10. Hezekiyele 34:11-16 yi re Jehova o yye a tshepisa gore o nyoko di makela ying dinku tsage tsa gore ke mo di lahlegiye?

¹⁰ Ka mokana ga rune, Jehova o re nyaka ka matla, fote o tikwa ka mokgonone le ka “bo ba banyana” ba gore ba lahlegiye. Modimo mo a berekisa moporofeta Hezekiyele, o yye a tshepisa gore o nyoko nyakela dinku tsage tsa gore di lahlegiye le go ba gelepa gore ba boye ba make gore senghana sa bona naye se boye se tiye. O yye a boya a bolabola dilo tso a nyoko di makang gore a ba gelepe, dilo tsa gore motho wa go disa wa Leisrayele ke mo a ko di makeng mo a lahlegele ke nku. (Bala Hezekiyele 34:11-16.) Sa mathomo, motho yewa wa go disa o nyakela nku yone, sosone se rela gore ke mo a nyoko berekisa nako yage ya go tlala le matšhika. Ke mokane, mo a yi kraya, o  tla nayo gore yi gahlane le morape ka moka. Go tokegela gana hone, mo nkare nku yone yi kwalele kela yi bolayye ke tlala, motho wa go yi disa o nyoko gelepa nku yone yage ya gore ya lelemela, a yi bhandiša mo yi kwaleleng gona ke mokane a yi kakola a boya a yi neya le tsa go ja. Bagolo ba gore ke bona bo ba disang “morape wa Modimo,” di nyaka ba make ka mokgonone gore ba thogo gelepa bo ba gore ba lahlegiye. (1 Pet. 5:2, 3) Bagolo ba nyakela batho ba mošaga wonone gore ba thogo ba gelepa gore ba boyele ba hlakane le morape ke mokane ba ba neya tso di ka ba gelepang gore ba lukise senghane sa bona le Modimo. *

11. Motho wa gabutši wa go disa ke mo a kwisisa ying?

¹¹ Motho wa gabutši wa go disa wa kwisisa gore di ka makega gore nku yi lahlege. Fote mo nku yone yi fo tloga ho morapeng yi šinya yi lahlega, ke mo a sa yi tshware bošidi mo a yi kraya. Lebelela gore Modimo o yye a ma gelepa ka mokgo mang malata yage ya mangwana ya gore ka nakwenngwana ma yye ma lesetsa go mmerekela.

12. Jehova o yye a berekisana byang le Jona?

¹² Moporofeta Jona ke mo a tšhabele mmereko wo ne ba mo neyye wona. Mara Jehova o yye a mo lefisela pelo ga Jona. Jehova o yye a mo phonisa, a boya a mo gelepa ka go mo neya matšhika gore a thogo maka mmereko wo ne a mo neyye wona. (Jona 2:7; 3:1, 2) Ka nthago, Modimo o yye a berekisa sehlare sa sekgabatlelo go gelepa Jona gore a di bone gore lephelo la motho ye mongwana le ye mongwana o le tseyela gedimo ka matla. (Jona 4:10, 11) Re tšhuta ying ga taba yowa? Re tšhuta gore a di nyake bagolo ba tobela bo ba gore baa bata ga tso tsa Modimo. Mara, ba leketsa ka matla go kwisisa gore ke mo go rorebeng mo nku yowa yi šinya yi tloga morapeng. Mo nku yone yi boyela ga Jehova, di nyaka bagolo ba ye mahlong ba šupetsa nku yone gore ba yi nyaka ka matla.

13. Re tšhuta ying ga mokgwa wo Jehova a yyeng a mo tshwara ka gona ye a ngwadiyeng Pisalema 73?

¹³ Ye a ngwadiyeng Pisalema 73 o yye a kgongwela ka matla mo a bona batho ba dipelo tsa go befa ba phomelela. O yye a tiputsisa gore ayitsano go maka tso Modimo a di nyakang gwa mmerekela. (Pis. 73:12, 13, 16) Jehova o yye a maka ying? A sanka a mo kgwasolanya. Gabutšibutši,  Modimo o makiye gore mantsu yane ma ngwadiwe ho Baebeleng. Ka gonyana ka gonyana, mopisalema o yye a di bona tsa gore go ba le senghana sa gabutši le Modimo ke mong sona selo se segolo ka matla fote tsotsone dya mmerekela. (Pis. 73:23, 24, 26, 28) Re tšhuta ying ga taba yowa? A di nyake bagolo ba yakgoswela go sola motho mo a šupa nkare aa sa di tshepa tsa gore go berekela Jehova go gabutši. A di nyake bagolo ba mo tseya ka mokgo mongwana, mara di nyaka ba leketse go kwisisa gore o maka king mo a šinya a bolabola le go maka dilo ka mokgo a di makang. Mo ba ka fo maka ka mokgonone, ba ko di kgoneng go tšiba gore ke mangwalo mafeng ya Baebele ya ba ka ma berekisang gore ba thogo tiyisa motho wa mošaga wonone.

14. Ke mo go ro maka byang mo Eliya a šinya a nyaka go gelepiwa fote Jehova o yye a mo gelepa ka mokgo mang?

¹⁴ Moporofeta Eliya o yye a tšhaba Kgoši ya mosadi ye ba reng ke Jezebhele. (1 Mag. 19:1-3) Ke mo a tseya gore a go na moporofeta ye mongwana ye a berekelang Jehova fote ke mo a tseya gore mmereko wage a yi wa selo. Eliya ke mo a kwa tsa lephelo di gakga, a šinya a nabela le go kgwa. (1 Mag. 19:4, 10) Jehova aa mo tseyatseya ga Eliya, mara o yye a mo tiyisa ka go mmotsa gore o nyoko ba naye, le gore a ka tshepela ga matšhika ya Modimo le go mmotsa gore o sa na le mmereko wa go tlala wo a tshwaneleng go wo maka. Jehova o yye a kwela Eliya go baba a boya a ro mo theetsela ga tso ke mo di mo šekedisa ke mokane a mo neya mmereko wo mongwana. (1 Mag. 19:11-16, 18) Re tšhuta ying ga taba yowa? Re tšhuta gore ka mokana ga rune, ka matlamatla bagolo, di nyaka re tshware dinku tsa Modimo gabutši. Kela motho wa tleroga kela o kwa nkare Jehova a ka sa mo kwele go baba, bagolo ba nyoko mo theetsela gabutši mo a kene a ntsha so se leng ka ho pelong  yage. Mo ba maka tsotsone, ba ko di kgoneng go gelepa nku ya gore ke mo yi lahlegiye gore yi di bone tsa gore Jehova o yi tseyela gedimo ka matla.

15. Johane 6:39 yi re Jeso ke mo a di tseya byang dinku tsa Papage?

¹⁵ Jehova o nyaka re tikwa byang ka dinku tsage tsa gore di lahlegiye? Jeso o re šupetsiye. Ke mo a di tšiba tsa gore a go na le nku ka yyoši ya gore Jehova o yi tseyela fase, byalo Jeso o yye a maka so a ka se kgonang go gelepa “dinku tsa gore di lahlegiye tsa ntlo ya Israyele” gore di boyele ga Jehova. (Mat. 15:24; Luk. 19:9, 10) Jeso ke mo a disa gabutši, byalo o yye a karakara go segela mo yene a ka kgonang gore go sa be le nku ka yyoši ya Jehova yo yi mo khwanyogelang.—Bala Johane 6:39.

16-17. Bagolo ba tshwanele ba tikwe byang ka taba ya go gelepa bo ba gore ba lahlegiye? (Lebelela lebhokisi la gore “ Ka Mokgo Nku ya Gore yi Lahlegiye yi ka Tikwang ka Gona.”)

¹⁶ Pawulo wa lepostola o yye a hlohletsela bagolo ba phutego ya Efeso gore ba tseyele ga Jeso. “Le gelepeneng bo ba lelemelang fote le gopoleneng mantsu ya Morena Jeso, nakwela a bolabola gore: ‘Ye a neyang o jabola ka matla go feta ye a yageletsang.’” (Meber. 20:17, 35) Di fo ba lekgwaying gore bagolo ba na le mmereko wo mogolo ka matla. Mogageru ye mongwana ye ba reng ke Salvador wa ku Spain o re, “Mo ke nagana gore Jehova o tseyela dinku tsage gedimo ka matla, ke kwa di ntšhofa gore ke karakare ka matla gore ke di gelepe. Ke nna ke di disang, byalo a ke kamake gore Jehova wa di nyaka gore ke pasope dinku tsage.”

¹⁷ Ka mokana ga bona bo go bolabodiwweng ka bona mo ga hlogotaba yowa, ba gore ke mo ba lahlegiye, ba gelepiwwe gore ba boyele ga Jehova. Re bolabola re yitsa, ba go tlala ba gore ke mo ba lahlegiye baa di nyaka tsa gore ba boye. Ga hlogotaba ya go latela, re nyaka go yatlala taba yowa gabutši gore yi thogo re šupetsa tso re ka di makang mo re ba gelepa gore ba boyele ga Jehova.