Ku legedimong Jeso o tšhutiye mekgwa ya go bafala yo yi makiyeng gore mo a le ho lefaseng a thogo beyisela bo ne a berekisana nabo gore mo ba re motho wa berekega ba ra ying. Mošupetso wa Jeso wo re tšhutisa ying? Mo re ka lahlela lihlo ga mošupetso wage, re ka kraya kararo ya ditšhiko tsa gore di ka re gelepa gore re berekisane gabutši le ba bangwana. Ditšhiko tsone di nyoko maka gore re be selo ka ssoši re boye re tshwarisane.

Motho wa gore o bereka gabutši le ba bangwana wa tinyanafatsa, o tseyela gedimo bo a berekang nabo fote aa liketse go timaka yene. Jeso o tšhutiye mokgwa wone wa go tinyanafatsa ga Papage. Le mo yi le gore di tshwanela Jehova a le ntoši tsa gore o Makiyeng dilo ka mokana ga tsona, ne a sa nyake gore batho ba takise maahlo ga mmereko wo Jeso a wo makiyeng. Taba yowa yi napa yi ba lekgwaying ga mantsu ya ma hlayyeng ke Modimo ya gore: “Tla re makeneng motho ka setshwano sa rune.” (Gen. 1:26) Mo Jehova a hlaya mantsu yawa Jeso o yye a napa a sa yi kamake taba ya gore nnete Jehova o tinyanafatsiye.—Pis. 18:35.

Nakwela a sa le ho lefaseng, Jeso le yene ne a šupetsa gore o tinyanafatsiye. Mo batho ba mo thanaka ka taba la tso a di makiyeng, yene ke mo a fo thanaka Ye di mo tshwanelang tsa gore ba mo thanake. (Mar. 10:17, 18; Joh. 7:15, 16) Jeso ke mo a karakara gore go dule go bebiye segare gage le malata yage fote ne a sa ma tseyi go  le dibereki tsage mara a ma tseya go le banghana bage. (Joh. 15:15) Fote o yye a ba hlapisa mawoto gore a ba tšhutise go tinyanafatsa. (Joh. 13:5, 12-14) Le rune re ko ba re sa yi lahla mo re tseyela gedimo bo re berekisanang nabo re sa fo tinyakela tsa rune re le ntoši. Re ka segelela tsa go tlala mo re ‘šupetsa ba bangwana gore re ya ba hlompa,’ re sa llele gore ba thanake rune ka moka nako.—Marom. 12:10.

Motho wa gore o tinyanafatsiye wa di tšiba tsa gore “mo ba go yeletsa ba tlele re phomelela ga tsa go tlala.” (Diy. 15:22) Di sa yi ka gore ke botala re phela kela re kgona dilo go segela kaye, di nyaka re yamogela gore aa šiyo motho wa go tšiba dilo ka mokana ga tsona. Le Jeso o dumele gore go na le tso a sa di tšibeng. (Mat. 24:36) Fote ke mo a di nyaka go tšiba tso malata yage ya gore a ma yenela ma di tšibang kela ma di naganang. (Mat. 16:13-16) Nka taba lo bo ba berekang naye ne ba tikwa ba sa tšhabe selo mo ba le naye! Byalo, mo le rune re tinyanafatsa, re yamogela gore go na le tsa go re kgerela ke mokane re lisetsa ba bangwana gore le bona ba tšhele letsogo, re nyoko maka gore go dule go bebiye, re kwana ke mokane ra thogo “segelela dilo tse dikgolo.”

Di nyaka gore bagolo ba kopisele Jeso ga taba yowa mo ba bereka ggoši. A di nyake ba lebala gore moya wa go hlawolega wo ka hlohletsela mogolo ye mongwana le ye mongwana ga mogoba wa bagolo. Mo bagolo ba karakara ka matla gore ba tikwe ba sa tšhabe go bolabola mo go na le se sengwana, ba le ka mokana ga bona ba nyoko segelela dipheto tsa gore di gelepa phutego ka matla.

Motho wa gore wa berekega o tšibega ka go kwisisa ga bo a berekang nabo. Wa temeka fote aa fo womisa hlogo. Jeso o di bonne ga tleletlele gore Papage wa kwisisa. Mo re beyisa, Jehova o mo romme gore a tle a phonise batho ba gore ne ba tshwanela ke seghwebo sa likgu.—Joh. 3:16.

Jeso ke mo a fo fitisa taba mo di nyaka a make ka mokgonone. Gopola ka mokgo a yyeng a gelepa mosadi wa Lefunišiya, le mo yi le gore yene ne ba mo romme ga setšhaba sa Israyele. (Mat. 15:22-28) Fote ne a sa yemela gore malata yage ma make dilo tsa gore a ma di kgone. Le ka nthago ga mo monghanage Petro a yye a mo phiga mahlong ga batho, Jeso ke mo a tikemisele go mo tshwarela. Ka nthago, o yye a neya Petro mmereko wo mogolo. (Luk. 22:32; Joh. 21:17; Meber. 2:14; 8:14-17; 10:44, 45) Mošupetso wa Jeso wo re tšhutisa gore di nyaka re ‘make gore go kwisisa ga [rune] go tšibe ke batho ka mokana ga bona’ ka go fo fitisa taba.—Mafil. 4:5.

 Fote mo re kwisisa, re nyoko temeka ga seyemo se sengwana le se sengwana gore re thogo berekisana le batho ba mehlobohlobo. Jeso ke mo a berekisana gabutši le batho la go šinya manaba yage ya go mo jelasela ma re o timakiye “monghana wa ba go patedisa mothelo le ba go maka tsa go befa” ba gore ba yamogele molayetsa wage. (Mat. 11:19) Nje le rune re ka tshwana le Jeso ga taba ya go berekisana gabutši le ba bangwana? Mogageru ye ba reng ke Louis, wa gore o berekiye le batho ba go tlala go le mopotulugi le go bereka Bethele o re: “Go bereka le batho ba go sa yenela di tshwana le go yaga lepharo ka matlapa ya gore a ma lekane. Ka taba la gore matlapa yane a ma lekane, di nyaka o karakare ka matla gore letlapa le lengwana le le lengwana le re kwatla gabutši gore lepharo le sa kekemi. Ke liketsiye go potolla hala le hala gore ke thogo berekisana le ba bangwana go bebiye gore mmereko wo ye mahlong.” A yi go jabodisa ga tsona mo motho a tseya dilo ka mokgo!

Ke leng mo re ka šupetsang gore re kwana natso tsa go bereka re tshwarisanne ka phutegong? Re na le mašuba ya go maka ka mokgonone ga mogoba wo re berekang tšhomo nawo. Re ka bereka le batšhomayedi ba gore ba na le mebereko ya go fapanafapana yo ba tshwaneleng ba yi make ka mitšing ya bona kela ba gore a ba lekane ka mengwaga. Ayitsano re ka šupetsa gore re ya kwisisa ka go tšhentšha maberekelo ya rune gore le bona ba jabolele mmereko wa go tšhomayela?

Motho wa go berekisana gabutši le ba bangwana o dula a “tikemisele go neya.” (1 Thim. 6:18) Nakwela Jeso a bereka le Papage, o di bonne tsa gore Jehova aa mo wutetsele selo. Mo Jehova “a maka magedimo,” Jeso “ne a le naye” fote ne a tšhuta tsa go tlala gage. (Diy. 8:27) Ka nthagonyana, Jeso o yye a botsa malata yage “dilo tso a di kwileng” ga Papage. (Joh. 15:15) Le rune re ka kopisela mokgwa wone ka go botsa magageru tso re di tšhutiyeng. Motho wa go bereka gabutši le ba bangwana aa liketse go wutametsela ba bangwana taba ya gore yi ka ba gelepa fote aa fo nyaka gore ba kwe ka yene. Mara o jabolela go ngathela ba bangwana tso a di tšhutiyeng.

Fote re ka botsa bo re berekang nabo mantsu ya go ba tiyisa. Nje a di re tikisi mo ye mongwana a bona gore re karakara ka matla ke mokane a leboga di tšwa pelong? Jeso ke mo a ba le nako ya go botsa malata yage ka dilo tsa go bafala tso ma di makang. (Tshwanisa le Matewu 25:19-23; Luka 10:17-20.) Fote o ba butsiye gore ba “nyoko maka mebereko ya go phala yowa” a yi makiyeng. (Joh. 14:12) Bošego bya mo a soko kgwa, o yye a thanaka mapostola ka gore: “Mara lune a le ya njikela mo ke tlela ke tsa go mphiriketsa.” (Luk. 22:28) O fo nagana gore mantsu yane ma tikisiye mapostola yage ka mokgo mang! Mo nkare le rune re ba le nako ya go thanaka bo re berekang nabo, ba nyoko jabola ba boya ba bereka ba tiyisiye matsogo ba sa kokole.

Mogageru ye ba reng ke Kayode o yitseri “Motho wa gore o berekisana gabutši le ba bangwana aa llele gore dilo ka mokana ga tsona di makega ka mokgo a di nyakang, mara o maka gore ba bangwana ba jabole fote o maka gore mmereko wo be lula.” Ayitsano le wene o maka ka mokgonone mo o bereka le ba bangwana? Ke ntaba o sa butsise magageru ya o berekang nawo gore ba go botse gore wene o berekisana byang nabo? Mo nkare baa di jabolela go bereka nago, go fo tshwana le ka mokgo malata ya Jeso ne ma jabolela go berekisana naye, o ka hlaya mantsu ya ma hlayyeng ke Pawulo wa lepostola mo a re: “Re fo ba re berekisana le lune gore le thogo jabola.”—2 Makor. 1:24.