1. Mo di tla ga taba ya go sokologa, go kena le ying?

 MO O maka se sengwana sa go kekema, di nyakega ka matla gore o sokologe. Bhayibele yi re, motho wa gore o sokologiye o tšhentšha monagano wage ga mokgwa wo a titshwarang ka gona, a napa a lisetsa maphelelo ya mošaga wonone fote o tikemisela go sa sa boyelela tso a di makiyeng.

2. Ke ntaba ka mokana ga rune di nyaka re tšhuta ka taba ya go sokologa? (Nehemiya 8:​9-11)

² Motho ye mongwana le ye mongwana di nyaka a tšhute ka taba ya go sokologa. Ke ntaba? Ka taba la gore ka mokana ga rune mo bo sile, re dulela go sinya. Phela ka mokana ga rune re ditlogolwane tsa Adamo le Efa, byalo tso tsa go sinya le likgu re ro di yangwa. (Marom. 3:23; 5:12) Aa šiyo le ka wweši ho ga rune wa gore yene o re aa kene ga taba yowa. Phela le mong banna ba go ba le tumelo ya go tiya ba go tshwana le Pawulo wa lepostola, ba yye ba hlupa ke taba ya go sinya. (Marom. 7:​21-24) Ayitsano tsotsone di rela gore re tshwanele go dula re kgongwetsa ke taba ya gore re ya sinya? Awwa, Jehova o kwelana go baba fote o nyaka gore re jabole. Tseya ka tso Majuda ya dinako tsa Nehemiya ma yyeng ma gahlana natso. (Bala Nehemiya 8:​9-11.) Jehova ke mo a sa nyake ba fo dulela go gotla ka taba la tso ba di sinnyeng ku botala, mara ke mo a nyaka gore ba jabole mo ba kene ba mmerekela. Jehova wa di tšiba tsa gore go sokologa, go maka gore motho a feleletse a jabodiye. Nka taba lo a re tšhutisang ka taba yone. Mo re sokologa ga tso re di sinnyeng, re ka napa re di tshepa tsa gore Papa wa rune wa go kwelana go baba o nyoko re tshwarela.

3. Re nyoko petapeta ka ying ga hlogotaba yowa?

 ³ Tla re tšhuteneng tsa go tlala ka taba ya go sokologa. Ga hlogotaba yowa, re nyoko petapeta ka kararo ya dilo. Sa mathomo, re nyoko tšhuta ka tso Jehova a di tšhutisiyeng Israyele ka taba ya go sokologa. Ke mokane, ra bona ka mokgo Jehova a yyeng a ro phophota ga bo ba go sinya gore ba feleletse ba sokologa. Ke mokane ra napa re notelela ka go bolabola ka tso malata ya Jeso ma di tšhutiyeng ka taba ya go sokologa.

TSO JEHOVA A TŠHUTISIYENG ISRAYELE KA TABA YA GO SOKOLOGA

4. King so Jehova a se tšhutisiyeng setšhaba sa Israyele ga taba ya go sokologa?

⁴ Nakwela Jehova a neya Maisrayele melawo yage, ma yye ma tshepisa gore ma nyoko yi latelela. Fote o yye a ma tshepisa gore mo ma ka latelela melawo yage, o nyoko ma pasopa le go ma rufa. Mo a bolabola ka melawo yone, o yye a tshepisa gore: “Ka gore molawo wo ke go botsang wona lekgono a wo thathafe tsela tsa gore o ka sa wo kwisisi kela go thathafa tsela tsa gore o ka sa kgone go wo latelela.” (Dot. 30:​11, 16) Mara mo ba ka fo mo jikela—mo re beyisa, ba kgeta go berekela medimo ye mengwana—ne a lisetsa go rufa batho bone fote ne ba nyoko tlela ke tsa go baba. Mara le mo go makega tsa go tshwana le tsotsone, ne ba ka kgona go boyela ga Modimo fote. Ne ba ka “boyela ga Jehova Modimo [wa bona] ba boya ba theetsela lentsu lage.” (Dot. 30:​1-3, 17-20) Ka mantsu ya mangwana, ne ba ka sokologa. Mo ba ka maka tsotsone, Jehova ke mo a šutela thina nabo a boya a ba rufa fote.

5. Jehova o yye a šupetsa ka mokgo mang gore aa ngalela batho bage? (2 Magoši 17:​13, 14)

⁵ Batho bo Jehova a ba kgetiyeng ba yye ba fo dulela go mo jikela. Go tokegela ga taba ya go rapela medimo ye mengwana, ba yye ba maka le dilo tse dingwana tsa go silikisa. Fote ka taba la tsotsone, ba yye ba tlela ke tsa go sasamela. Mara Jehova aa ba lahlela tewu ga batho bage ba go sa theetsele. Ke mo a fo dula a romela baporofeta ga tleletlele gore ba ye ba hlohletsele batho bage gore ba sokologe fote ba boyele gage.—Bala 2 Magoši 17:​13, 14.

6. Jehova o yye a berekisa baporofeta bage ka mokgo mang gore a tšhutise batho bage gore ke ntaba di nyakega ka matla gore ba sokologe? (Lebelela le sethombhe.)

⁶ Jehova ke mo a dula a berekisa baporofeta bage gore ba pasopise le go wolola batho bage. Mo  re beyisa, Modimo o berekisiye Jeremiya go hlaya gore: “Boya, Wene Israyele ya go woma hlogo. . . Nka sa sa go kwatela ka taba la gore nna ke ya tshepega . . . Nka sa kwate go ya go yye. O fo yamogela gore o sinnye, ka taba la gore o jikele Jehova Modimo wago.” (Jer. 3:​12, 13) Fote Jehova o berekisiye le Juwele go hlaya gore: “Sokologaneng ka dipelo tsa lune ka moka le tle ho gaka.” (Juwele 2:​12, 13) O makiye gore Jesaya a hlaye gore: “Makaneng gore le yele; tlosaneng dilo ka mokana ga tsona tsa go sa loka mahlong ga lune; lisetsaneng go maka tsa go sa loka.” (Jes. 1:​16-19) Fote Jehova o berekisiye Hezekiyele go butsisa gore: “Ayitsano dya njabodisa le ka gonyana mo motho wa go sa loka a kgwa? . . . Ayitsano a ke jabodisi ke mo a tšhentšha mekgwa yage ke mokane a ya mahlong a phela? A di njabodisi mo ye mongwana a kgwa, . . . byalo boyaneng gaka ke mokane le phele.” (Hezek. 18:​23, 32) Jehova wa jabola mo a bona batho bage ba sokologa ka taba la gore o nyaka gore ba ye mahlong ba phela—go ya go yye! Byalo, Jehova aa yemele gore batho ba go sinya ba thomise ba tšhentšhe ke mokane ke gona a ba gelepang. Tla re lebeleleneng mešupetso ye mengwana ya go yelana le taba yowa.

7. Jehova o tšhutisiye batho bage ying a berekisa taba ya Hoseya wa go porofeta le mosadi wage?

⁷ Lebelela gore Jehova o tšhutisiye batho bage ying a berekisa dilo tsa gore di makegiye tsa mannete—Ghomere, mosadi wa Hoseya wa go porofeta. Ka nthago ga mo a makiye bonghwahla, o yye a šiya Hoseya a ye dula le monna ye mongwana. Ayitsano ne di sa sa kgonega gore a gelepiwe? Jehova wa gore o kgona go bona tsa ka pelong, o butsiye Hoseya gore: “Boyela fote, o mo nyake ka matla ga mosadi yela wa gore o kwana le monna ye mongwana wa gore fote o maka bonghwahla, o mo nyake ka matla go fo tshwana le ka mokgo Jehova a nyakang batho ba Israyele le mo ba kene ba rapela medimo ye mengwana.” (Hos. 3:1; Diy. 16:2) O sa lebale phela gore mosadi yewa wa Hoseya ne a sa na a maka dilo tsowa tsa go sinya ka matla ka nako yonone. Mara Jehova o butsiye Hoseya gore a ye bolabola naye a boye a mo tshwarele le gore a mo tseye gore go be mosadi wage fote. a Mo Jehova a šinya a berekisa mošupetso wowa, ke mo a nyaka go tšhutisa batho bage gore ba thogo di bona gore o tikwa byang ka bona. Le mo nkare ke mo ba fo dulela go sinya ka matla, ke mo a sa na a ba nyaka ka matla fote o yye mahlong a bolabola nabo a boya a ba gelepa gore ba sokologe ba tšhentšhe maphelelo ya bona. Ayitsano mošupetso wowa wo rela gore Jehova, “yene wa go nyakolla dipelo,” o nyoko nyakela ye mongwana le ye mongwana wa gore o fo ya mahlong a sinya ka matla a boya a mo gelepa gore a sokologe? (Diy. 17:3) Tla re boneneng.

KA MOKGO JEHOVA A GELEPANG BO BA GO SINYA GORE BA SOKOLOGE

8. Jehova o yye a maka ying gore a thogo gelepa Kayine gore a sokologe? (Genesi 4:​3-7) (Lebelela le sethombhe.)

⁸ Kayine ke mo go le morwayi wa mathomo wa Adamo le Efa. Tso tsa go sinya o di tsere ga babelegi bage. Go tokegela gana hone, Bhayibele mo yi bolabola ka yene yi re: “[Ne] a maka tsa go befa.” (1 Joh. 3:12) Di ka makega gore ke tsotsone di makiyeng gore Jehova “a sa jabodisi ke Kayine le sehlabelo sage” mo a di lebelela. Kayine a sanka a tšhentšha mekgwa yage mara o yye “a fufulela fote a kgongwela.” Mara Jehova o yye a maka ying ka nthago? O bolabodiye le Kayine. (Bala Genesi 4:​3-7.) Phela Jehova o yye a bolabodisana gabutši le Kayine, a boya a nyaka le go mo neya tshepo le go mo pasopisa ka kotsi ya taba ya go sinya. Sa go kwisa go baba ke gore, Kayine aa theetsela. A sanka a lisetsa Jehova gore a mo gelepe gore a sokologe. Ka nthago ga gore Kayine a make tsa go tšiba ke yene, ayitsano Jehova o napiye a lisetsa go nyaka go gelepa bo ba go sinya gore ba sokologe? Nikisi!

9. Jehova o yye a gelepa Dafita ka mokgo mang gore a feleletse a sokologa?

 ⁹ Jehova ke mo a mo nyaka ka matla ga Kgoši Dafita. Fote o yye a re Dafita “ke ye ke kwanang naye.” (Meber. 13:22) Mara Dafita o yye a sinya ka matla, a maka bonghwahla a boya a bolaya. Go ya ka Molawo wa Moše, Dafita ke mo a tshwanele a kgwe. (Lef. 20:10; Dip. 35:31) Mara, Jehova ke mo a nyaka go gelepa Dafita gore a sokologe. b O yye a romela moporofeta Nathane gore a vakašele kgoši, le mo nkare ka nako yonone Dafita ke mo a sa šupetse a tisola. Nathane o yye a berekisa mošupetso wa gore wo yye wa tikisa pelo ya Dafita. Taba yone yi yye ya mo tikisa ka matla ya boya ya mo tšhofa gore a sokologe. (2 Sam. 12:​1-14) O yye a ngwala pisalema ye nngwana ya gore yi napa yi šupetsa ka mokgo a tisolang ka gona. (Pis. 51, mantsu ya mathomo) Pisalema yone yi yye ya kgomoletsa batho ba go tlala ba gore ba sinnye ya boya ya ba tšhofa gore ba sokologe. Ayitsano a di re jabodisi gore Jehova o yye a gelepa Dafita ka mokgwa wa go šupetsa gore o mo nyaka ka matla gore a thogo sokologa?

10. Wene o tikwa byang ka taba ya gore Jehova o lefisa pelo fote o tshwarela batho bo ba gore baa sinya?

¹⁰ Jehova o hloyye taba ya go sinya fote aa kwane nayo le ka gonyana. (Pis. 5:​4, 5) Mara yene wa di tšiba tsa gore ka mokana ga rune re ya sinya fote ka taba la gore o re nyaka ka matla, o kgeta go re gelepa gore re thogo lwa le taba yone ya go sinya. O dula a liketsa go gelepa le bala ba gore mo go ka ba le tsa go phadisana ka go sinya, go nyoko ba bona dibhose tsa gona—a ba gelepa gore le bona ba sokologe fote ba šutele thina gage. Ye lune, phela di re kgomoletsa ka matla go tšiba taba yone! Mo re kene re nagana ka taba ya gore Jehova o re lefisela pelo fote wa tshwarelana, re nyoko tikemisela go dula re mo tshepegela fote mo re sinya, re nyoko yakgoswa re sokologa. Gana byalo, tla re lebeleleneng ka mokgo phutego ya Sekreste ba yyeng ba yi tšhutisa tse dingwana ka taba ya go sokologa.

TSO MALATA YA JESO MA DI TŠHUTIYENG KA TABA YA GO SOKOLOGA

11-12. Jeso o berekisiye mošupetso wofeng go re tšhutisa ka taba ya gore Jehova o dula a tikemisele go re tshwarela? (Lebelela sa ka tawong.)

¹¹ Ka 29 C.E., ke mo go le nako ya gore Mesiya a segele. Hlogotaba ya go fela yi hlayye gore,  Jehova o berekisiye Johane wa go Kolobetsa le Jeso Kreste go tšhutisa batho gore ke ntaba di nyakega ka matla gore ba sokologe.—Mat. 3:​1, 2; 4:17.

¹² Nakwela Jeso a le ho lefaseng, o yye a tšhutisa batho gore Papage o dula a tikemisele go re tshwarela mo re sinya. Jeso o berekisiye mošupetso wa go bolabola ka morwayi wa go lahlega gore a thogo tšhutisa ka taba yowa ye kgolo. Mosogana yene o yye a kgeta go phela lephelo la go sa hlamatsega fote tsotsone o di makiye nako ya go lefanyana. Mara “hlogo yage ya thomisa go bereka” ke mokane a boyela gaye. Papage o yye a maka ying? Jeso o yitseri, “mo papage a mmona a sa le ku kgole, a mo kwela go baba, a mo gahlanetsa a segela a mo tlaparela, a mo khisa.” Gabutšibutši, morwayi yene ke mo a tikemisele gore go be sebereki ka mutšing wa papage, mara papage o yye a re “yewa ke morwayi waka,” ke mokane a mmusetsa ga mayemo yage ka hone mutšing. Papa yela o yitseri: “Ke mo a lahlegiye, mara re mo krayye.” (Luk. 15:​11-32) Nakwela Jeso a phela legedimong mo a soko bane a tla lefaseng, a re kamake gore o yye a bona Papage a šupetsa ga tleletlele gore o naganela bo ba gore ba sinnye fote baa tisola. Ye naa, phela mošupetso wo Jeso a wo hlayyeng wa re kgomoletsa fote wo napa wo ro šupetsa gore nnete Papa wa rune Jehova o kwelana go baba!

13-14. Petro wa lepostola o yye a tšhuta ying ka taba ya go sokologa, fote o yye a tšhutisa ba bangwana ying ka yona? (Lebelela le sethombhe.)

¹³ Petro wa lepostola o yye a tšhuta taba ye kgolo ga Jeso ka taba ya go sokologa le go tshwarelana. Ga go tlala, Petro ke mo di nyaka ba mo tshwarele, fote Jeso o yye a fo maka ka mokgonone a sa kokole. Mo re beyisa, ka nthago ga gore Petro a phige Morena wage gararo a re yene aa mo tšibi, o yye a tikwa a kgahleletsegiye ka taba la tso a di makiyeng. (Mat. 26:​34, 35, 69-75) Mara ka nthago ga mo Jeso ba mo tsusiye, o yye a nyarela ga Petro—ka makhukhung. (Luk. 24:​33, 34; 1 Makor. 15:​3-5) A re kamake gore ka nako yone, Jeso o yye a tshwarela lepostola lone lage la go tisola a boya a le tiyisa.

¹⁴ Ka taba la gore Petro o yye a sokologa fote ba yye ba mo tshwarela, gana byalo le yene ne a ka di  kgona tsa go tšhutisa batho ba bangwana ka taba yone. Tšatši le lengwana ka nthago ga monyanya wa Pentekoste, Petro o yye a bolabola le mogoba wa Majuda ya gore a yi Makreste, a ma hlatollela gore ma bolayye Mesiya. Mara o yye a ma hlohletsela ka mokgwa wa gabutši gore: “Tisoleneng, le sokologe gore tso le di sinnyeng di sudiwe, gore Jehova ka boyene beng a le yimulle.” (Meber. 3:​14, 15, 17, 19) Fote Petro o šupetsiye gore go sokologa go tšhofa motho wa gore o sinnye gore a tšhentšhe—a tšhentšhe mekgwa yage ya go sa loka le tso a di makang—ke mokane a tshware pata ya nyuwane, ya gore yi jabodisa Modimo. Lepostola lone le šupetsiye gore Jehova o napa a sula tso ba di sinnyeng, kela a maka gore tso ba di sinnyeng di nape di nyamalale. Ka nthago ga mengwaganyana, Petro o yye a tiyisa Makreste ka go hlaya gore: “Jehova . . . o lefisiye pelo ka taba la gore aa nyake gore go kgwe le motho ka wwoši mara o nyaka gore ka mokana ga bona ba sokologe.” (2 Pet. 3:9) Yone ke mong tshepo ya go bafala ga Makreste mo ma ka tšhoga ma sinnye—re ra le mong go sinya tsela!

15-16. (a) Pawulo wa lepostola o yi tšhutiye byang taba ya go tshwarelana? (1 Thimothi 1:​12-15) (b) Ga hlogotaba ya go latela re nyoko petapeta ka ying?

¹⁵ Wa tšiba, batho ba yye ba sinya, mara mo re tla ga Sawulo wa Tarasuse, ke mong mafelelong. Ke mo a hlorisa malata ya Kreste ka matla. Di ka makega gore Makreste ya go tlala ke mo ma tseya gore o tšwile pateng tsa gore a ka sa tsoge a sokologiye. Mara Jeso wa gore ba mo tsusiye ke mo a di tšiba tsa gore Pawulo a ka tšhentšha a boya a sokologa. Yene le Papage ba yye ba bona mekgwa ya gabutši ga Sawulo. Jeso o yitseri: “Morene ke thulusi yo ke yi kgetiyeng.” (Meber. 9:15) Jeso o yye a boya a berekisa mehlolo gore a thogo gelepa Sawulo gore a sokologe. (Meber. 7:58–8:3; 9:​1-9, 17-20) Ka nthago ga gore Sawulo go be Mokreste—wa gore o yye a tšibega go le Pawulo wa lepostola—o yye mahlong a leboga ka mokgo ba yyeng ba mo makela tsa gabutši le gore ba mo kwele go baba. (Bala 1 Thimothi 1:​12-15.) Lepostola lone la go leboga le tšhutisiye gore: “Modimo o liketsa go go gelepa gore o sokologe.”—Marom. 2:4.

¹⁶ Mo Pawulo a kwa ka taba ya bonghwahla hala phutegong ya Sekreste ya Korente, o yye a yi lukisa byang taba yone? O yye a maka tsotsone ka mokgwa wa gore wo re tšhutisa ka taba ya gore Jehova o re nyaka ka matla mo a re wolola le gore ke ntaba di nyaka re kwelane go baba. Ga hlogotaba ya go latela re nyoko napa re kenelela ga taba yone.