Mebereko ya Mapostola 19:1-41
19 Mo Apholo a sa le Korente, Pawulo o yye a bhukulela ga dipoleke tsa gore di kgole le lewatle ke mokane a kena Efeso. Gana hone a kraya malata ya mangwana
2 a re ga wona: “Nje le wo krayye moya wa go hlawolega nakwela le thomisa go dumela?” Ba re gage: “Rune gore go na le moya wa go hlawolega a re di tšibi.”
3 A re: “Byalo le kolobetsiwwe ka ying?” Ba re: “Ka kolobetso ya Johane.”
4 Pawulo a re: “Johane ke mo a kolobetsa batho gore ba sokologe, a ba botsa ka ye a tlang ka nthago gage, a ra Jeso.”
5 Mo ba kwa tsotsone, ba kolobetsiwa ka lebitso la Morena Jeso.
6 Fote mo Pawulo a ba beya matsogo, ba tlala ka moya wa go hlawolega ba thomisa go bolabola ka mebolabolo ye mengwana fote ba porofeta.
7 Banna bone mo ba felele ke mo go le gana hala ga 12 ya bona.
8 A kena sinagogeng, a fetsa dikgwedi ka ditharo a bolabola a šišimele a beya dipolabolo fote a beya ditaba tsage gabutši ka Mmušo wa Modimo.
9 Mara mo ba bangwana ba tiwomisa dihlogo ba sa nyake go dumela, fote ba sa bolabole gabutši ka bo ba go sepela ka Tsela ya Modimo ho ba yemme ku mahlong ga mogoba, a tloga ga bona a boya a tlosa le malata yane ga bona, a beya dipolabolo holong ya sekolo sa Tirano ka moka matšatši.
10 Dilo tsowa di fetsiye mengwaga ka mmedi di kene di makega, gore Majuda le Magerika ka mokana ga wona ya go dula Asia ma kwe lentsu la Morena.
11 Modimo a ya mahlong a maka mmereko wa go makatsa a berekisa Pawulo,
12 gore dikobo le difaskoti tso a di tikisiyeng di yisiwe ga ba go lwala, ke mokane ba yalafege le madimona ma tšwe.
13 Mara Majuda ya mangwana ya gore ne ma sepela ma raka madimona, ma liketsiye go berekisa lebitso la Morena Jeso ga bo ba nang le madimona; ma re: “Ka lebitso la Jeso ye Pawulo a tšhomayelang ka yene, ke re tšwang mone gage.”
14 Byalo ke mo go na le barwayi kašupa ya bona ba gore ke mo ba maka tsotsone, barwayi bone ke mo go le ba ndhuna ya maprista ya Majuda yo ba reng ke Sekeva.
15 Mara ledimona lela la re ga bona: “Jeso ke ya mo tšiba fote le Pawulo ke mo tlwayele; mara lune ke lune bomang?”
16 Monna yela wa go ba le ledimona a ba tshelela, a lwa nabo a ba hlula ka mokana ga bona ka nako yonone, ba šinya ba tšhaba ba tšwa mone ntlong ba sa tšwara fote ba kwalele.
17 Majuda le Magerika ya ne ma dula Efeso; ma di kwelela, ma tšhoga ke mokane lebitso la Morena Jeso la ya mahlong le thanakiwa.
18 Fote batho ba go tlala ba gore ba thomisiye go dumela, ba tla mahlong ga batho ba hlaya dilo tso ke mo ba di maka.
19 Batho ba go tlala ba gore ke mo ba maka tsa masalamose ba yye ba leya dipuku tsa bona, ke mokane ba di tšhuba batho ba kene ba lebelele. Dipuku tsone ke mo di ka rekisiwa ka 50 000 ya ditšheleta tsa silva.
20 Ka taba la gore lentsu la Jehova ke mo le na le matšhika, a maka gore lentsu lage le sabalatsiwe go segela kgole.
21 Ka nthago ga ho dilo tsone di makegiye, Pawulo a fetsa le pelo yage gore mo a tloga Masedoniya le Akhaya, o nyoko ya Jerusalema. A re: “Mo ke tloga gona, ke nyoko ya Roma.”
22 Byalo, a romela Thimothi le Erasitase ku Masedoniya ba gore ke mo ba mo gelepa, mara yene a dula Asia ka senakonyana.
23 Ka nako yonone, go yye gwa tsoga ntshitshiri ga bo ba go sepela ka Tsela ya Modimo.
24 Monna ye ba reng ke Dimithriyase, ke mo a maka ditempele tse dinyana ka silva tsa gore ke mo di tshwana le tempele ya Aretemisi, a maka gore bo ne ba bereka naye ba be le tšheleta ya go tlala.
25 A ba gahlanisa, a gahlanisa le bo ne ba maka mmereko wone, a re: “Ye banghana, le di tšiba gabutši gore re nyoko ghanya ka bhizinisi yowa akere.
26 Le di bonne fote le di kwile gore Pawulo aa f’lo tšhentšha menagano ya ba ku Efeso fela, mara o bolabodiye le ba ku dipolekeng tsa Asia gore medimo yo yi makiwweng ka matsogo, a yi medimo ya mannete.
27 Ke tšhaba gore batho ba ka sa bolabole gabutši ka mmereko wa rune, fote ke tšhaba gore ba nyoko tseya tempele ya modimo ye mogolo wa mosadi ye ba reng ke Aretemisi go se selo. Le mo batho ba dipolekeng tsa Asia le ba lefaseng ka mokana ga lona ba mo rapela, go mo thanaka gage go ka sa felele felo.”
28 Mo batho ba kwa tsotsone ba kwata, ba yahlamela ba re: “Aretemisi wa Maefeso ke yene ye mogolo!”
29 Byalo, batho ba poleke yone ka mokana ga yona ba gahlagahlana, ba tabogela holong ba goga Ghayiyosi le Aristakhase ba go tšwa Masedoniya, ba gore ke mo ba sepela le Pawulo.
30 Pawulo yene ke mo a nyaka go kena ka ku teng, mara malata ne ma gana gore a kene.
31 Le bo ba go lawola menyanya le tso tsa mekgano ba gore ke mo ba mo tshwere gabutši, ba romela lentsu gage ba mo kgopela gore a sa beye lephelo lage kotsing ka go kena ka ku holong.
32 Ba bangwana ke mo ba hlaya selo ka ssoši, ba bangwana ba hlaya se sengwana ka gore batho bo ne ba gahlanne mone ke mo ba gahlagahlanne, fote ba go tlala ba bona ke mo ba sa tšibi gore ke ntaba ba gahlanne mone.
33 Byalo ba leya Alekzanda ku mogobeng, Majuda ma mo tšhofela mahlong ke mokane Alekzanda a šupetsa ka letsogo gore ba kgomolele ka taba la gore ne a nyaka go bolabola.
34 Mara mo ba di bona gore ke Lejuda, ba fetsa gana hala ga diawara ka dipedi ba yahlamela ba le ka moka ba re: “Aretemisi wa Maefeso ke yene ye mogolo!”
35 Mo ye wa go lawola hone mutšing a kgomoletsiye mogoba, a re: “Lune batho ba Efeso, ke mang ho gare ga lune ye a sa tšibing gore mutši wo wa Efeso ke wona wo rweleng tempele ya Aretemisi, le sethombhe so se wileng se tšwa ku legedimong?
36 Ka gore dilo tsowa di makegiye tsa mannete, di nyaka le bebe le sa yakgoswele go maka dilo.
37 Ka gore le leyye batho ba go sa yetswe le ba gore a ba rogelele modimo wa rune wa mosadi ho tempeleng.
38 Byalo mo nkare Dimithriyase le bo a berekang nabo ba na le so ba kokolang ka sona, ba ye khota ba yise ditaba tsa bona ka gore go na le wa go lawola.*
39 Mara mo nkare go na le sa go feta sone, se nyoko lukisiwa ke ba lekgohla go ya ka molawo.
40 Mogoba wo wa go sa lawolege o ka tla wa re tšhela mathatheng, ka taba la gore a se šiyo so re ka se šupang gore a yi rune re ba rommeng gore ba make dilo tsone.”
41 Mo a fetsa go bolabola dilo tsone, a re ba sepele.
Ditwaba
^ Bala ga Dihlatollo Tsa Mantsu.
