Mebereko ya Mapostola 10:1-48
10 Byalo, ku Kesareya ke mo go na le morene mongwana ye ba reng ke Khoneliyase, wa gore ke mo a lawola mogoba* wa masole ya Ithali.
2 Yene le ba mutši wage ke mo ba tineyele fote ba tšhaba Modimo, ke mo a makela batho dilo tsa gabutši, a sa lisetse le go rapela Modimo di mmaba.
3 Gana hala ga 3 ya ka sethewo* o yye a bona lengeloyi la Modimo le tla gage ka mmono, le segela le re: “Khoneliyase!”
4 Khoneliyase a le lebelela a tšhugiye a re: “King Morena?” Lona la re: “Modimo a ka sa lebale merapelo yago le dilo tso o di makeleng batho ba go tihlupegela.
5 Byalo, roma banna ba ye ku Jopha, ba bitse Simone ye ba reng ke Petro.
6 Monna yene o dula le Simone yela wa go šuga mekgopa wa gore ntlo yage yi thina le lewatle.”
7 Mo lengeloyi lo ke mo le bolabola naye le fetsa go tloga, a bitsa malata yage ka mabedi le lesole lo ke mo le tineyele,
8 a ba botsa dilo ka mokana ga tsona, a ba romela Jopha.
9 Ka motshwana wa gona mo ba kene ba ya mahlong ka leyeto la bona, ba šele ba šutela thina le mutši wone, Petro a ya ka gedimo ga ntlo a ye rapeleng, ke mo go le gana hala ga 12 ya motshegare.*
10 Mara a thomisa go kwa tlala, a kwa nkare a ka ja se sengwana. Mo ba sa maka tsa go ja, a bona mmono,
11 ke mo go bulegiye legedimo go thewoga se sengwana sa nkare ke llapi le legolo la linene, ba se tshwere ka dikhona tsowa se tla ho lefaseng;
12 ka mone teng ga sona ke mo go na le diphoolwane tsa mawoto ka mane, le tse dingwana tsa go phela tsa go tshwana le dinoga, le bomampelekuše le dinonyane.
13 A kwa lentsu le re gage: “Petro, tsoga o hlabe, o je!”
14 Petro a re: “Awwa Morena, nna a ke soko ja tsa go ja tsa dithila.”
15 A kwa lentsu lela fote le re: “Lisetsa gore dilo tso Modimo a di yedisiyeng di na le dithila.”
16 Di yye dya makega fote la boraro, ka go yakgoswa llapi lela la boyela legedimong.
17 Mo Petro a sa tiputsisa gore gabutši mmono wo a wo bonneng o ra gore king, gwa tla banna ba bangwana ba gore ba romele ke Khoneliyase, ba mmutsisa gore gaye ga Simone ke kaye, ba yema hone gheyiting.
18 Ba yahlamela, ba butsisa gore kela Simone ye ba reng ke Petro ke mo a vakašiye hone.
19 Mo Petro a sa ghayela ka mmono wone, moya wa re gage: “Go na le banna ka bararo ba butsisa ka wene.
20 Byalo, tlogamela o ye ka ku tlase ke mokane o sepele nabo, o sa kamake ka taba la gore ba romme ke nna.”
21 Byalo Petro a ya ka ku tlase ga banna bala, a segela a re: “Le nyaka nna akere, ke nna yewa. Le tl’le maka ying howa?”
22 Ba re: “Khoneliyase, yela wa gore o lawola masole, wa go loka, wa go hlompa Modimo, wa gore setšhaba sa Majuda se bolabola gabutši ka yene, o re romme gore re tle ho gaye gago re tle go bitseng ka gore o nyaka go kwa gore o re king.”
23 A ba kgopela gore ba dule naye.
Ka motshwana wa gona a tloga nabo, le magageru ya go tšwa Jopha ma ya naye.
24 Ka motshwana wa gona, ba kena Kesareya. Khoneliyase ke mo a ba yemele, a bitsa mašaga le banghana bage ba thina.
25 Mo Petro a kena, Khoneliyase a mo gahlanetsa, a wela mo mawotong yage ke mokane a mo thinyela letolo.*
26 Mara Petro a mo tlogamedisa, a re: “Tlogamela; le nna ke fo ba motho nje.”
27 Mo a kene a bolabola naye, a kena ka ku ntlong a kraya batho ba go tlala ba kgobakanne.
28 A re ga bona: “Le di tšiba gabutši gore molawo a wo dumelele Lejuda gore le nghanelane le batho ba moloko wo mongwana, mara Modimo o nšupetsiye gore ke sa re motho ye mongwana o na le dithila.
29 Byalo, ke tlile howa ke sa kamake. Ke le butsisa gore anthe ke ntaba le mpitsa.”
30 Khoneliyase a re: “Matšatši ka mane ya go fela, ka nako yonowa ke mo ke rapela ka ho ntlong yaka ka awara ya boraro* ka sethewo; monna ye mongwana wa go yapara dikobo tsa go bekenya a segela a yema ho mahlong gaka
31 a re: ‘Khoneliyase, merapelo yago yi kwagele, fote Modimo o gopola dilo tsa gabutši tso ke mo o di makela batho.
32 Byalo, romaneng batho ku Jopha, ba bitse Simone ye ba reng ke Petro. Monna yene o dula le Simone yela wa go šuga mekgopa, wa gore ntlo yage yi thina le lewatle.’
33 Ke leboga gore o tlile mo ke romela batho gore ba tle ba go bitse. Gana byalo ka mokana ga rune re howa, gore re theetsele tso Jehova a nyakang gore o re botse tsona.”
34 Mo a reyane, Petro a re: “Byalo ke ya di kwisisa gore Modimo aa hlawole motho,
35 mara o yamogela motho wa setšhaba se sengwana le se sengwana, wa gore wa mo hlompa fote o maka dilo gabutši.
36 O romele lentsu ga barwayi ba Israyele, a ba botsa ka ditaba tsa go bafala tsa go beba ka Jeso Kreste—yenene ke Morena wa rune ka mokana ga rune.
37 Le ya di tšiba gore ka nthago ga gore Johane a tšhomayele ka kolobetso yage, taba yowa yi yye ya tšibega Judiya ka mokana ga yona, go tlugisela Galeliya:
38 gore Modimo o yye a hlawola Jeso wa Nazareta ka moya wa go hlawolega a mo neya le matšhika, ke mo a tsama a maka tsa gabutši mone nageng fote a yalafa bo Diyabolo ne a ba kgahleletsiye ka taba la gore Modimo ke mo a le naye.
39 Rune re di bonne dilo ka mokana ga tsona tso a di makiyeng ho nageng ya Juda le Jerusalema; mara ba mmolayye ka go mo kokotela phateng.
40 Modimo a mo tsosa ka letšatši la boraro, a maka gore a bonale,
41 mara a sa bonale ga batho ka mokana ga bona, a fo bonala ga bo Modimo a ba hlawodiyeng botala, ba gore ka nthago ga mo Jeso a tsusiwwe ga bo ba kgwileng, o jile nabo a boya a nwa nabo.
42 Fote o re butsiye gore re tšhomayele ditaba tsowa re di yenetse ho bathong, tsa gore Modimo o beyye motho ye a yahlulang batho ba gore ba kgwile le ba go phela.
43 Baporofeta ka mokana ga bona ba di bonne gore ye mongwana le ye mongwana ye a dumelang gage, wa tshwarediwa ka lebitso lage ga tso a di sinnyeng.”
44 Mo Petro a sa bolabola tsotsone, moya wa go hlawolega wa tlela batho ka mokana ga bona bo ne ba theetsele lentsu.
45 Byalo, bo ba gore ba tlile le Petro ba gore ke mo ba dumela* fote ba bolotsiwwe, ke mo ba makele ka taba la gore batho ba ditšhaba ke mo ba kraya moya wa go hlawolega wa Modimo.
46 Ka gore ba ba kwile ba bolabola ka mebolabolo ye mengwana,* ba thanaka Modimo. Ke mokane Petro a re:
47 “Batho bowa ba krayye moya wa go hlawolega go fo tshwana le rune, byalo ke mang a ba ganetsiyeng gore ba kolobetsiwe ka meetši?”
48 Mo a sa hlaya tsotsone, a ba botsa gore ba kolobetsiwe ka lebitso la Jeso Kreste. Byalo, bona ba mo kgopela gore a dule matšatšinyana.
Ditwaba
^ Sekwata sa gore se na le 600 ya masole ya Roma.
^ Ke awara ya nkokwane.
^ Ke mo go le gana hala ga awara ya kobodi.
^ Kela “a mo kgotamela.”
^ Ke mo go le gana hala ga awara ya nkokwane.
^ Kela “ba go tshepega.”
^ Gabutšibutši ke “ka maleme.”
