Tsowa di Hlatolla ke Matewu 8:1-34
8 Mo a thewoga ku thabeng, mogoba wa batho wo yye wa mo šala nthago.
2 Ke mokane gwa nyarela motho ye mongwana wa go ba le bolwele bya go jega dinama byo ba reng ke lephera, a mo kgotamela a re gage: “Morena mo o di nyaka, o ka mfodisa.”
3 Ke mokane Jeso a wolola letsogo lage a mo tikisa a re: “Ke ya nyaka, fola.” Ke mokane motho yela wa go ba le bolwele bya go jega dinama byo ba reng ke lephera a napa a fola ka nako yonone.
4 Ke mokane Jeso a re gage: “O sa botse motho, mara ariye ga moprista, ke mokane o neyele go ya ka molawo wa Moše gore ba thogo di bona gore o fodiye.”
5 Mo a kena Kapernawume, gwa tla ye mogolo wa masole, a mo kgopela a šwennye
6 a re gage: “Morena, lelata laka le yetsele ku gaye, le lwala ka matla, le šitega go sepela, fote le kwa go baba ka matla.”
7 Ke mokane Jeso a re gage: “Mo ke segela ku, nko ya ke mo fodisa.”
8 Yela ye mogolo wa masole a re gage: “Morena, a di ya ntshwanela tsa gore o tle ntlong gaka, mara wene o fo bolabola o le gana howa ke mokane lelata laka le nyoko fola.
9 Ka taba la gore le nna go na le ba go nlawola, fote le nna ke lawola masole, ke fo hlaya ga ye mongwana ka re ‘Ariye hala!’ ke mokane a ya, ga ye mongwana ka re, ‘Tlang howa!’ a tla, ga lelata laka ke fo re ‘Maka sowa!’ ke mokane la se maka.”
10 Mo Jeso a kwa tsotsone, a makala ka matla a botsa bo ba mo šalang nthago a re: “Ke le botsa nnete ke re aa šiyo le ka wwoši ku Israyele wa go ba le tumelo ya go tshwana le yowa.
11 Mara ke ya le botsa, ba bangwana ba go tšwa bohlabela le ka bodikela ba nyoko tla ba dula tafoleng ba ja le Abrahama, Isaka le Jakobo ba le Mmušong wa magedimong,
12 mara bo go leng bana ba Mmušo, ba nyoko bošediwa ku tawong letshwifing. Gana hone ba nyoko gotla fote ba loma le meno.”
13 Ke mokane Jeso a re ga ye mogolo wa masole: “Ariye. Ka taba la gore o šupetsiye gore o na le tumelo, go makege tso o di bolabodiyeng.” Ke mokane lelata lela la napa le fola ka nako yonone.
14 Mo Jeso a segela ga bo Petro, o yye a kraya matsala wa Petro a yetsele ka taba la gore ne a lwala, a fo fisa fisa mmele.
15 Jeso a mo tshwara letsogo, ke mokane matsala Petro a fola, a tlogamela a thomisa go mo yapegela tsa go ja.
16 Mara mo le šele le tlulele, ba mo leyela batho ba gore ne ba kenne ke madimona, ke mokane Jeso a raka madimona yala ka go fo bolabola, a yalafa le bo ne ba hlupa ke malwele,
17 gore go makege so se hlayyeng ke moporofeta Jesaya mo a re: “O yalafiye malwele le dihlabi tsa rune.”
18 Mo Jeso a bona mogoba o mo kgobakanele, a botsa malata yage gore ma ye naye ka ku mosekola.
19 Ke mokane ye mongwana wa bomabhalane a tla gage a re: “Thitšere, ke nyoko go latelela go gongwana le go gongwana mo o yang.”
20 Mara Jeso a re gage: “Diphukubye di na le mekoti fote dinonyane di na le dihlagela, mara Morwayi wa motho aa na ga go beya hlogo.”
21 Ke mokane lelata le lengwana la re gage: “Morena, yema ke thomise ka go ye boloka papa.”
22 Jeso a re gage: “O sa lisetse go nlatelela, lisetsa ba go kgwa ba bolokane.”
23 Mo a kalama sekepe, malata yage ma mo šala nthago.
24 Jeso ke mo a yetsele mo go thomisa moya wa go tšutla ku lewatleng, fote sekepe se kene se kena ke meetši.
25 Ba tla ba mo tsosa ba re: “Morena, re phonise ka taba la gore re nyoko kgwa!”
26 Mara a re ga bona: “Ke ntaba le tšhoga,* lune ba tumelo ye nyana?” A tsoga a kgomoletsa moya le lewatle, fote gwa šala go yitseri tsee.
27 Sosone se yye sa makatsa malata yage, ma re: “Anthe yenewa ke motho wa mošaga mang? Le mong moya le lewatle di ya mo theetsela.”
28 Mo a segela ka nthoko ye nngwana ya poleke yo ba reng ke Ghadarini, gwa nyarela banna ka babedi ba gore ba kenne ke madimona ba tšwa mabitleng,* ba gahlana naye. Ke mo ba na le matšhika fote batho ne ba se na lešiši la go feta ga pata yone.
29 Ba yahlamela ba re: “O nyaka ying howa wene Morwayi wa Modimo? O nyaka go napa o fetsa ka rune nako ya gona yi soko segela?”
30 Hala thoko ga bona ke mo go fula morape wa dikolobe.
31 Byalo madimona ma thomisa go mo kgopela, ma re: “Mo nkare wa re raka, re lisetse re kene hala morapeng wa dikolobe.”
32 A re ga wona: “Ariyeneng!” Mo a reyane, madimona yala ma tšwa ma kena ga dikolobe tsela, dya fekemela ka lewopeng ka mokana ga tsona, dya napa dya kgwela ka meetšing ya lewatle.
33 Mara bo ne ba disa dikolobe tsone ba yye ba tšhaba, ba boyela dimitšaneng ba segela ba hlaya tso ba di bonneng ka mokana ga tsona, le tsela tsa banna ba go kena ke madimona.
34 Mo batho ba kwa tsotsone, ba ya ga Jeso, ke mokane mo ba mmona, ba mo kgopela gore a tloge nageng ya bona.
