Tsowa di Hlatolla ke Matewu 19:1-30
19 Mo Jeso a fetsa go bolabola o yye a tloga Galeliya a ya ga dinaga tsa thina le Judiya ka mosekola wa noka ya Jorodane.
2 A latelela ke megoba ya batho, ke mokane a ba yalafa.
3 Mafaraseyi ma tla gage ma nyaka go kwa diganong tsage ma re: “Ayitsano molawo wa dumela gore monna a fo hlala mosadi wage le ka dilo tsa go sa re selo?”
4 Mo a ba fetola a re: “Anthe a le ya bala gore ye a ba makiyeng go tlugisela mathomisong o ba makiye gore go be monna le mosadi
5 a boya a re: ‘Nka taba lo monna a nyoko šiyang papage le mmane wage a ngangarela mosadi wage, ke mokane ka babedi ga bona go nyoko ba nama ka yyoši’?
6 Gore ba sa sa ba ka babedi, mara go be nama ka yyoši. Byalo so Modimo a se swineleleng lejokong, go sa be le ye a se tlemollang.”
7 Ba re gage: “Byalo anthe ke ntaba Moše a yitseri mo re hlala motho re mo neye borifi bya go mo hlala?”
8 Jeso a re ga bona: “Moše o šinnye a re le hlale basadi bone ba lune ka taba la gore le na le womme dihlogo, mara go tlugisela ku mathomisong ke mo go se ka mokgonone.
9 Nna ke re ga lune, ye a hlalang mosadi wage ke mokane a tseya ye mongwana, go se ka taba la gore o yetsele le monna ye mongwana,* aa tshepege ga ye a šadhiyeng naye la mathomo.”
10 Malata ya Jeso ma re: “Mo nkare go ka mokgonone gona, di fo phala ke mo motho a sa tseye.”
11 Jeso a re ga bona: “A yi batho ka mokana ga bona bo ba berekisang mantsu yane, go fo ba bo ba gore ba di kgona ka matšhika ya Modimo.
12 Ka gore batho ba bangwana a ba šadhe ka taba la gore ba belegiwwe ba le ka mokgonone, ba bangwana ba makiye ke batho gore ba sa šadhe, mara ba bangwana ba f’lo kgeta go sa šadhe ka taba la gore ba nyaka go yetisa Mmušo wa magedimo mahlong. Ye a di kgonang go dula a le ka mokgonone a dule.”
13 Ba mo leyela dibananyana gore a di rapelele, mara malata yage ma ba lakatsa.
14 Jeso a re: “Lisetsaneng bana bowa, le sa liketse go ba rakela gore ba tle ho gaka, ka taba la gore Mmušo wa magedimo ke wa ba go tshwana nabo.”
15 A ba beya matsogo ke mokane a tloga mone.
16 Byalo gwa nyarela ye mongwana a tla gage a re: “Thitšere, anthe ke tshwanele ke make ying sa gabutši gore ke thogo kraya lephelo la go ya go yye?”
17 A re gage: “Ke ntaba o butsisa nna gore sa gabutši ke sefeng? Ke motho ka wwoši fela wa gabutši. Mo nkare o nyaka go phela go ya go yye, di nyaka o sa lisetse go latelela melawo.”
18 A re gage: “Ke yifeng melawo ya gona?” Jeso a re: “O sa bolaye, o sa make tsa mapaying le mosadi kela monna wa motho ye mongwana, o sa yetswe, o sa bolabole matsaka mo o yemelela motho,
19 hlompa papago le mmane wago, fote o nyake moyagelane wago ka mokgo o tinyakang ka gona.”
20 Morenela a re gage: “Ke botala ke di maka dilo tsone, byalo go sa gayela kaye?”
21 Jeso a re gage: “Ariye we rekisa tso o nang natso fote o di neye ba go tihlupegela mo nkare a wo nyake go gayela selo,* o nyoko ba o na le lebotha legedimong, ke mokane o tle o nlatelele.”
22 Mo morenela a kwa tsotsone, a tloga a kwile go baba ka taba la gore ne a ghannye ka matla.
23 Jeso a re ga malata yage: “Nnete ke ya le botsa gore go ka sa be lula gore motho wa go ghanya a kene Mmušong wa magedimo.
24 Fote ke re ga lune, di nyoko ba lula gore kamela yi kene ka lešuba la naleta mara motho wa go ghanya o nyoko šitega go kena Mmušong wa Modimo.”
25 Mo malata ma kwa tsotsone, ma makala ma re: “Go nyoko phona mang mara?”
26 Jeso a ba lebelela ka ho maahlong a re: “Ga batho a di kgonege tso ka mokana ga tsona, mara ga Modimo di ya kgonega.”
27 Ke mokane Petro a fetola a re: “Re šiyye dilo ka mokana ga tsona gore re go latelele, byalo king se sengwana so re ka se krayang?”
28 Jeso a re ga bona: “Nnete ke ya le botsa, mo dilo di makiwa ka bonyuwane, fote Morwayi wa motho a dula setulong sa go lawola sa gore se ya gadima, lune ba gore le nlatelele le nyoko dula ga 12 ya ditulo tsa go lawola, le yahlula 12 ya meloko ya Israyele.
29 Ye mongwana le ye mongwana ye a šiyyeng dintlo kela bobhuti kela bosesi kela papa kela mmane kela mašemo ka taba la lebitso laka, o nyoko kraya tsa go feta tsone, fote a kraya lephelo la go ya go yye.
30 “Ba go tlala ba mathomisong ba nyoko ba ku motšobong fote ba motšobong ba nyoko ba mathomisong.
