Tsowa di Hlatolla ke Luka 21:1-38
21 Mo Jeso a yemisa hlogo, a bona ba go ghanya ba neyela ka mabhokising ya go neyela.
2 Ke mokane a bona go nyarela mosadi ye mongwana wa go tihlupegela wa gore o kgwele ke monna, a segela a tšhela ditšheleta ka dipedi tsa tshipi tsa go sa re selo,
3 Jeso a re ga malata yage: “Ke le botsa nnete, mosadi yewa wa go tihlupegela wa gore fote o kgwele ke monna o neyele go phala batho ka mokana ga bona.
4 Ka taba la gore bona ba f’lo ntsha ga tso ba nang natso tsa go tlala, mara mosadi yene o neyele yo ne a le nayo* ka mokana ga yona, ya gore ke mo a tshwanele a reke sela le sela gore a thogo phela.”
5 Ka nthago, mo malata yage ya mangwana ma kene ma bolabola ka tempele, gore yi kgabisiwwe ka matlapa ya go bafala fote ba bolabola le ka dihlabelo tso batho ba di neyelang ga Modimo,
6 a re: “Ga dilo tso ka mokana ga tsona tso le di bonang, go nyoko tla nako ya gore letlapa lo le leng gedimo ga le lengwana ba le bošele fase.”
7 Ke mokane ma mmutsisa ma re: “Thitšere, dilo tsowa di nyoko makega leng, fote re nyoko bona ka ying gore di šele di nyoko makega?”
8 Jeso a re: “Le pasopeneng ba sa le tshokanye, ka taba la gore ba go tlala ba nyoko tla ka lebitso laka ba re, ‘Ke nna Kreste fote nako se yi šutele.’ Le sa ba latelele.
9 Go tokegela gana hone, mo le kwa ka dintwa fote le bona batho ba ya tlase le kgakala, le sa tšhogeneng. Ka taba la gore dilo tso di tshwanele go fo makega, mara nako ya gore lefase le fele a yi soko segela.”
10 Jeso a re ga bona: “Setšhaba se nyoko lwa le setšhaba se sengwana, le mmušo wo nyoko lwa le mmušo wo mongwana.
11 Lefase le nyoko tekateka tsa go tshosa ga dipoleke tsa go sa tshwane, go nyoko gayela tsa go ja, go nyoko ba le malwele ya go tshosa; fote batho ba nyoko bona dilo tsa go tshosa le mešupetso magedimong.
12 “Mara mo tsowa ka mokana ga tsona di soko makega, batho ba nyoko le tshwara ba le hlorisa, ba le yisa disinagogeng le dijele, ba nyoko le yisa ga magoši le ga ba go lawola ka taba la lebitso laka.
13 Tsotsone di nyoko le thulela lešuba gore le thogo tšhomayela.
14 Byalo, le sa hlupege ka matla ka gore le ye segela le re king mo le tikemelela,
15 ka taba la gore ke nyoko maka gore le hlalefe fote le tšibe tso le ka di bolabolang, gore bo ba le ganetsang ba šale ba sa tšibi gore ba ka re king.
16 Go tokegela gana hone, le nyoko bolayisa* ke babelegi ba lune, bobhuti ba lune, mašaga ya lune le banghana ba lune fote ba bangwana ba lune ba nyoko ro le bolaya,
17 fote batho ka mokana ga bona ba nyoko le hloya ka taba la lebitso laka.
18 Mara le meriri ya mo dihlogong tsa lune yi ka sa fufurege.
19 Le nyoko phona* mo le ka tiyisela.
20 “Mara mo le bona Jerusalema yi kgobakanele ke masole, le nape le di tšiba gore yi thina le go psyitlanyiwa.
21 Byalo, bo ba leng Judiya ba thomise go tšhabela dithabeng, bo ba leng Jerusalema ba tloge mone ga yona, le bo ba leng dimitšaneng tsa thina ba sa kene ga yona,
22 ka taba la gore yowa ke nako ya gore Modimo a wolole batho, gore dilo tso di ngwadiwweng di thogo makega.
23 Ye a ko bang a yimme le ye a ko bang a yangwisa ka nako yonone, o ko tikweleng! Ka taba la gore batho ba mone polekeng yone ba ko ba ba hlakahlakanne ka matla, fote ba ko ba ba wolodiwa.
24 Ba nyoko bolayiwa ka sabola, ba bangwana ba nyoko tshwariwa ba ba yisa ga dinaga tse dingwana go le mabhantiti, fote Jerusalema yi nyoko psyitlanya ke ditšhaba* tse dingwana go šinye go segela nako yo yi beyiwweng ya ditšhaba.*
25 “Go nyoko ba le mešupetso ku letšatšing, le ngweding le dinaneding, byalo ka taba la gore lewatle le ko ba le kwatiye, batho ba ditšhaba ba nyoko hlakahlakana ba sa sa tšiba gore ba kene ka kaye.
26 Batho ba nyoko tšhoga ka matla ba šinya ba yidibala ka tso di nyoko makegelang batho ba ho lefaseng fote tso di leng magedimong di nyoko šikinyega.
27 Ba nyoko bona Morwayi wa motho a tla ka maru ya legedimong a na le matšhika fote a gadima ka matla.
28 Byalo, mo le bona dilo tsowa di thomisa go makega, le tlogamele le yemise dihlogo ka taba la gore nako ya gore Modimo a le phonise yi šutele.”
29 A ba botsa mošupetso a re: “Lebelelaneng mogo le mehlare ye mengwana.
30 Mo le thomisa go bona makala ya nyuwane ma hloga matlakala, le šele le ya di tšiba tsa gore selemo se ya šutela.
31 Le lune mo le bona dilo tsowa di makega, le tšibeneng gore Mmušo wa Modimo wo šele wo le thina.
32 Ke le botsa nnete gore moloko wowa wo ka sa fete dilo tsowa di soko makega.
33 Legedimo le lefase di nyoko fela, mara mantsu yaka ma nyoko fo dula ma le gona.
34 “Le tipasopeneng gore le sa kraye dipelo tsa lune di kgahleletsa ke go šekela ka tsa lefase lowa, go ja le go nwa ka matla wa kraya letšatši lone le tla le sa tilibele
35 go tshwana le molabo. Ke le botsa dilo tsowa ka taba la gore letšatši lone le nyoko kutulugela batho bo ba leng ho lefaseng.
36 Dulaneng le hlahlamme, fote le rapele le šwennye gore le thogo phona mo dilo tsowa di makega, le gore le thogo yema mahlong ga Morwayi wa motho.”
37 Byalo, Jeso ke mo a tšhutisa tempeleng motshegare, mara bošego ke mo a ya Thabeng ya Diolivi a ye yetseleng.
38 Batho ka mokana ga bona ke mo ba tla gage go sa le ka phu, ba tl’le mo theetseleng ku tempeleng.
Ditwaba
^ Kela “ya bošuwana.”
^ Kela “ba nyoko le sepela ka fase.”
^ Bala ga Dihlatollo Tsa Mantsu.
^ Kela “ba gore a yi Majuda.”
^ Kela “ba gore a yi Majuda.”
