Tsowa di Hlatolla ke Luka 2:1-52
2 Byalo, ka matšatši yane, Kesara Aghostosi o beyye molawo wa gore batho ka mokana ga bona howa lefaseng ba ngwadisiwe.
2 (La mathomo mo go ngwadisiwa, ne go lawola Khwiriniyase ku Siriya.)
3 Batho ka mokana ga bona ba yye ba ngwadisiwa, di ya ka gore ba tšwa kaye.
4 Byalo, ka taba la gore Josefa ke mo go le ye mongwana wa ba mutši wa Dafita, o tlugiye Galeliya polekeng ya Nazareta, a ya Judiya ga poleke yo Dafita ne a dula ga yona yo ba reng ke Bhetlelehema.
5 Josefa a ya go ye ngwadiseng a na le Mariya, wa gore ne go šele go le mosadi wage ka nako yonone, fote ke mo a le thina le go belega.
6 Mo ba le gana hone, gwa segela nako ya gore a belege.
7 A belega ngwana wa mošomanyana, letšibula, a mo tantetsa ka malapi, a mmeya mo diphoolwane di jelang gona ka taba la gore ke mo ba se na kamara hala ntlong ya divakaši.
8 Gana hone ga poleke yone ke mo go na le ba go disa ba gore ba dula ka tawong ba pasopa diphoolwane tsa bona bošego.
9 Ka nako yonone gwa nyarela lengeloyi la Jehova la yema mahlong ga bona, go gadima ga Jehova gwa makega mahlong ga bona, ba tšhoga ka matla.
10 Mara lengeloyi lone la re ga bona: “Le sa tšhogeneng! Ke le botsa ditaba tsa go bafala tsa gore di nyoko jabodisa batho ka mokana ga bona.
11 Ka taba la gore lekgono, howa mutšing wa Dafita go belegiwwe ye a nyoko le phonisang
12 So le nyoko bonang ka sona ke sowa: Le nyoko kraya leseya ba le tantetsiye ka malapi, ba le yetsedisiye ga gore ba tšhela tsa go ja tsa diphoolwane.”
13 Gwa napa go segela mogoba wo mogolo wa mangeloyi ya legedimong, wa thanaka Modimo wa re:
14 “Go thanakiwe Modimo wa ku magedimong, fote lefase lowa le bebe ga batho ba gore Modimo o kwana* nabo.”
15 Byalo mo mangeloyi yala ma šele ma tlugiye ma yye legedimong, bo ba go disa ba thomisa go kwana ka la gore: “Koriyeneng Betlelehema re ye bona tso di makegiyeng, tsa gore Jehova o makiye gore re di tšibe.”
16 Ba yakgoswa ba ya ba kraya Mariya le Josefa le leseya le yetsele hala go tšhediwang tsa go ja tsa diphoolwane.
17 Mo ba bona tsotsone, ba sabalatsa ditaba tso ba ba butsiyeng tsona ka ngwanewa.
18 Bo ba di kwileng ka mokana ga bona ba makatsa ke tso ne di hlaya ke bo ba go disa,
19 mara Mariya a di tseyela hlogong dilo tsowa ka mokana ga tsona, a boya a di beya ka pelong yage.
20 Bo ba go disa ba sologa, ba gadimisa Modimo, ba boya ba mo thanaka ka dilo ka mokana ga tsona tso ba di kwileng le tso ba di bonneng, go ya ka mokgonola ba ba butsiyeng ka gona.
21 Ka letšatši la mabala mo go šele go le nako ya gore a bulutsiwe, ba mo reyye lebitso lela la gore o le neyye ke lengeloyi mo a soko belegiwa la gore ke Jeso.
22 Fote mo go šele go le nako ya gore a yedisiwe go ya ka Molawo wa Moše, ba mo yisa Jerusalema mahlong ga Jehova go šupetsa gore ke ngwanage,
23 go fo tshwana le ka mokgo go ngwadiwweng ga molawo wa Jehova gore: “Letšibula le lengwana le le lengwana la mošomanyana di nyaka le hlawolega ga Jehova.”
24 Ba maka sehlabelo go ya ka mokgo molawo wa Jehova wo hlayyeng, gore: “di nyaka o yisa maliba ka mabedi ya magolo kela ya manyana.”
25 Byalo ke mo go na le monna ye mongwana hala Jerusalema wa gore ba re ke Simiyoni, monna yewa ke mo a lukiye fote a hlawolegiye, a yemele nako ya mo Modimo a kgomoletsa Israyele.
26 Fote moya wa go hlawolega wo mo wunyullele gore a ka sa kgwe go segela a bona Kreste wa gore o hlawodiye ke Jehova.
27 A tla tempeleng a kene a yetetsa ke moya, byalo mo babelegi ba Jeso ba kene ba mo yisa gore ba thogo mo makela tso ba di tlwayeleng go ya ka Molawo,
28 Simiyoni a kakula ngwanela, a thanaka Modimo a re:
29 “Morena ye Mogolo, ke šele ke bonne ngwanela go ya ka mokgo o hlayyeng, nka kgwa ke jabodiye byalo.
30 Ke bonne mokgwa wago wa go phonisa,
31 wene o re neyye yene gore a bone ke batho ka moka,
32 ke yene go khanya ga gore go nyoko tlosa so se makang gore batho ba ditšhaba ba sa bone, fote o nyoko beya batho ba Israyele ga seyemo sa gedimo.”
33 Babelegi ba ngwanela ba makatsa ke dilo tso ba di bolabolang ka yene.
34 Fote Simiyoni a ba rufa, a boya a botsa Mariya gore: “Ba go tlala ba nyoko wa hala Israyele, ba bangwana ba nyoko tsoga ka taba lage, fote ba go tlala ba nyoko bolabola tsa go sa yi ka tsela ka yene le mo Modimo a kene a ba neya mošupetso wa gore o naye;
35 yene wa go hlawodiwa gore dipelo tsa ba go tlala di bonagale, byalo wene o nyoko hlaba ke lerumo la go lefa.”
36 Byalo ke mo go na le moporofeta wa mosadi, Ana morwediya wa Fanuwele wa moloko wa Aša. Mosadi yewa ke mo a šele a tsofele fote o fetsiye kašupa ya mengwaga a dula le monna wage ka nthago ga mo ba šadhiye,
37 ke mo a kgwele ke monna fote a šele a na le 84 ya mengwaga. Ke mo a sa hloke tempeleng, a maka mmereko wa go hlawolega bošego le motshegare a kene a tikona tsa go ja fote a rapela a šwennye.
38 Ka nako yonone a tla, a thomisa go leboga Modimo, a bolabola ka ngwanene ga batho ka mokana ga bona bo ne ba yemele gore Jerusalema yi phonisiwe.
39 Byalo mo ba šele ba makiye dilo ka mokana ga tsona go ya ka Molawo wa Jehova, ba boyela Galeliya mo ba tšwang gona hala Nazareta.
40 Ngwanela a ya mahlong a gola, a šihla, a hlalefa, Modimo a fo ya mahlong a mo nyaka.
41 Byalo babelegi bage ke mo ba tlwayele gore mongwaga wo mongwana le wo mongwana ba ya Jerusalema, monyanyeng wa Paseka.
42 Mo Jeso a na le 12 ya mengwaga, ba ya monyanyeng go ya ka mokgo ne ba tlwayele ka gona.
43 Mo matšatši ya monyanya ma šele ma fitiye, mo ba šele ba boyela nthago, Jeso a šala Jerusalema, mara babelegi bage ke mo ba sa tšibi gore o šele.
44 Ke mo ba nagana gore o gana hone mogobeng o kene o sepela nabo, ba sepela leyeto la go fetsa letšatši, ba thomisa go mo nyakela ga mašaga le ga batho bo ba ba tšibang.
45 Mara ba sa mo kraye, ba boyela Jerusalema ba mo nyakela gabutši.
46 Ba mo kraya tempeleng ka nthago ga matšatši ka mararo, a le gare ga mathitšere a kene a ma theetsele fote a ma butsisa diputsiso.
47 Mara bo ne ba mo theetsele ba fo ya mahlong ba makatsa ke ka mokgo a kwisisang ka gona le ka mokgo a fetolang ka gona.
48 Byalo mo babelegi bage ba mmona, ba makala, ke mokane mmane wage a re gage: “Ngwanaka, ke ntaba o re maka ka mokgo? Nna le papago ke mo re šekela mo re kene re nyakana nago.”
49 Mara Jeso a re ga bona: “Ke ntaba le nyakana le nna? Anthe a le di tšibi gore di nyaka ke be ntlong ya Papa?”
50 Mara ke mo ba sa kwisisi tso a ba botsang tsona.
51 Jeso a tloga nabo a boyela Nazareta, a sa lisetse go ba hlompa.* Le mmane wage a fo beya dilo tsowa ka pelong yage.
52 Jeso a ya mahlong a hlalefa, a gola, fote a nyaka ke Modimo le batho.
