Samuwele wa Mathomo 16:1-23
16 Jehova a fetsa a yitseri ga Samuwele: “O nyoko llela Sawulo go segela neng ka gore a ke sa nyaka gore a be kgoši ya Israyele? Tšhela makgura ka teng ga lenaka o sepele. Ke nyoko go roma ga Jese wa go dula Bhetlelehema, ka taba la gore ke tikgetele kgoši ga barwayi bage.”
2 Mara Samuwele a re: “Ke nyoko ya byang mara? Mo Sawulo a ka di kwelela o nyoko mpolaya.” Jehova a re: “Tseya sethole o sepele naso, o segele o re, ‘Ke tl’le makela Jehova sehlabelo.’
3 O sepele le Jese mo o ye maka sehlabelo sone; ke mokane ke nyoko go botsa gore o make ying. O tlotse ye ke nyoko go šupetsang yene.”
4 Samuwele a maka tso Jehova a di hlayyeng. Mo a segela Bhetlelehema, banna ba bagolo ba mutši wone ke mo ba tšhugiye mo ba gahlana naye, ke mokane ba re: “Ayitsano o tla ka tsa gabutši?”
5 Mo ba reyane, a re: “Ke tlile ka tsa gabutši. Ke tl’le makela Jehova sehlabelo. Makaneng gore le yele, le koriyeneng re ye maka sehlabelo.” Ke mokane a maka gore Jese le barwayi bage ba yele, ka nthago a ba bitsa mo ba maka sehlabelo.
6 Mo ba segela, fote a bona Eliyabho, a re: “Yewa ke yene wa gore Jehova o mo hlawodiye.”
7 Mara Jehova a re ga Samuwele: “O sa fo lebelela ka mokgo a leng ka gona le ka mokgo a lefiyeng ka gona, ka gore a ke ya hlawola yene. Ka mokgo motho a bonang dilo ka gona a go tshwane le ka mokgo Modimo a bonang dilo, ka taba la gore motho o fo bona tso di kgonang go bona ke maahlo, mara Jehova o bona tsa ka pelong.”
8 Ke mokane Jese a bitsa Abhinadabo, a re a fete mahlong ga Samuwele, mara Samuwele a re: “Yewa le yene Jehova aa mo hlawola.”
9 Jese a leya Šama, mara Samuwele a re: “Yewa le yene Jehova aa mo hlawola.
10 Byalo, Jese a maka gore kašupa (7) ya barwayi bage ba fete mahlong ga Samuwele, mara Samuwele a re ga Jese: “Jehova aa hlawola le ka wweši ga bowa.”
11 Samuwele a fetsa a yitseri ga Jese: “Barwayi bago ba felele gana howa?” Mo a reyane, Jese a re: “Go sa na le ye mongwana ye monyana wa gona, o yye go ye disa dinku.” Ke mokane Samuwele a re ga Jese: “Mo lateneng, ka gore re ka sa duli fase gore re je go segela a tla.”
12 Byalo, Jese a roma motho gore a ye mmitseng. Ke mo a kgubele, a na le maahlo ya go bafala, fote a bafele. Ke mokane Jehova a re: “Tlogamela o mo tlotse, ka taba la gore ke hlawodiye yene!”
13 Samuwele a tseya lenaka lela la go ba le makgura a mo tlotsa mahlong ga bobhuti bage. Moya wa Jehova wa go hlawolega wa neya Dafita matšhika go tlugisela ka letšatši lone go ya mahlong. Ka nthago, Samuwele a tloga a ya Rama.
14 Moya wa go hlawolega wa Jehova wa sa sa bereka ga Sawulo, fote moya wa go sa loka wa go tšwa ga Jehova ke mo wo mo hlupegisa.
15 Malata ya Sawulo ma re gage: “Wa di bona gore moya wa go sa loka wa go tšwa ga Modimo wa go hlupegisa.
16 Re ya kgopela morenaka, botsa malata yago ya ma leng mahlong gago gore ma go nyakele motho wa gore ke segele ka go teya harepa. Mo moya wa go sa loka wa go tšwa ga Modimo wo go tlela, motho yene o nyoko yi kgana, o nyoko kwa o le kawone.”
17 Byalo Sawulo a botsa malata yage gore: “Ke kgopela le nnyakele motho wa go kgona go kgana harepa gabutši, le mo leyeneng ho gaka.”
18 Lelata lage le lengwana la re: “Go na le morwayi wa Jese wa go dula Bhetlelehema, ke segele, o na le lešiši fote o tšiba go lwa. Wa di kgona tsa go bolabola, o bafele fote Jehova o naye.”
19 Sawulo a romela batho ga Jese gore ba segele ba re: “Romela morwayi wago Dafita ho gaka, yela wa gore wa disa.”
20 Jese a tseya sekgwa, sekutu sa wayini le seputsanyana a di beya gedimo ga bhongholo, a di yisa ga Sawulo, a yisa le morwayi wage Dafita.
21 Dafita a ya ga Sawulo, a thomisa go mmerekela. Sawulo ke mo a kwana naye ka matla, fote Dafita gwa ba lelata lage la go mo tshwarela dilo tsa go lwa ka tsona.
22 Sawulo a romela molayetsa ga Jese a re: “Ke kgopela gore Dafita a ye mahlong a mperekela, ka taba la gore ke kwana naye ka matla.”
23 Mo moya wa go sa loka wa go tšwa ga Modimo wo tlela Sawulo, Dafita ke mo a tseya harepa a yi kgana, Sawulo ke mo a yimuluga a tikwa a le kawone, moya wela wa go sa loka ke mo wo tloga mone gage.
