Makorente wa Mathomo 13:1-13
-
Go nyakanana—selo sa go di phala ka moka (1-13)
13 Le mo nka kgona go bolabola mebolabolo ya mehlobohlobo le mong ya mangeloyi mara ke sa nyake batho ba bangwana, ke fo tshwana le simbhala kela tshipi ya gore ya rasa mo ba yi teya.
2 Le mo nka fo ba ke kgona go porofeta, fote ke kwisisa diphiri tsa go hlawolega, ke tšiba dilo ka moka, fote ke na le tumelo ya gore yi ka kgona go tšhofa dithaba, mara ke sa nyake batho ba bangwana, a yi nna wa selo.
3 Mo ke neya batho dilo tso ke nang natso fote ke neyela ka lephelo laka gore ke thogo titeya sekguba mara ke sa nyake ba bangwana, dilo tsone a di n’gelepe ka selo.
4 Motho wa go nyaka batho ba bangwana ka matla, o lefiselana pelo fote o makela ba bangwana dilo tsa gabutši. Motho wa go nyaka ba bangwana ka matla aa jelaselane. Aa kganye, aa na magetla,
5 aa make tsa go tšebisa, o maka tsa go jabodisa ba bangwana, aa yakgoswe a toba fote aa tshware ba bangwana ka pelo.
6 Fote aa jabodisi ke dilo tsa go sa loka, mara o jabolela nnete.
7 Motho wa gore o nyaka ba bangwana ka matla, o tiyisela ga dilo ka mokana ga tsona, o tshepa dilo ka mokana ga tsona, wa di dumela gore di nyoko makega fote aa lahle tewu.
8 Mo o mo nyaka wa mo nyaka. Mara tsa go kgona go porofeta di nyoko šaša, tsa go bolabola mebolabolo ya mehlobohlobo di nyoko šaša fote le tsa go tšiba dilo di nyoko šaša.
9 Ka gore a re tšibi dilo ka moka fote tso re di porofetang a di ya felegelela,
10 mara mo go segela tso tsa gore di felegelele, tso tsa gore a di ya felegelela di nyoko fela.
11 Nakwela ke le sengwananyana ke mo ke bolabola go tshwana le sengwananyana, ke nagana go tshwana le sengwananyana ke boya ke tseya dilo go tshwana le sengwananyana mara gana byalo ke gudiye, a ke sa maka dilo tsa dibananyana.
12 Mara gana byalo a re bone gabutši, nkare re lebelele ga seboki sa tshipi, mara go se botala re nyoko bona gabutši. Gana byalo a ke tšibi dilo ka moka ka Modimo, mara nko di tšiba gabutši go fo tshwana le mo yene a ntšiba.
13 Go na le dilo ka ditharo ke tsowa: tumelo, go tshepa, go nyakanana, mara sa go di phala ka moka ke go nyakanana.
