ISIFUNDO 26
Kubayini Kwenzeka Izinto Ezimbi Nabantu Batlhaga?
Nakwenzeka izinto ezibuhlungu kujayelekile bona abantu babuze ukuthi, “Kubayini lokhu kwenzekile?” Kuyasithabisa ukuthi iBhayibheli lisinikela iimpendulo ezizwakalako zombuzo lo!
1. Khuyini uSathana ayenzileko ebangele bona kwenzeke izinto ezimbi ephasini?
USathana uDeveli akhenge alalele uZimu. USathana bekafuna ukubusa abantu, nje-ke wakhohlisa abantu bokuthoma u-Adamu no-Eva bona nabo bangalaleli uZimu. USathana wenza lokhu ngokutjela u-Eva amala. (Genesisi 3:1-5) Wamenza wacabanga ukuthi kunento ehle uJehova amfihlela yona. Wathi abantu bazokuthaba nabangalaleli uZimu. USathana wakhuluma amala wokuthoma nakatjela u-Eva ukuthi angeze afe. Kungebangelo iBhayibheli libiza uSathana ngokuthi ‘mleyimala begodu unguyise wamala.’—Jwanisi 8:44.
2. U-Adamu no-Eva bakhetha ukwenzani?
UJehova wapha u-Adamu no-Eva okunengi khulu. Wathi bangayidla yoke imithi esesimini ye-Edeni ngaphandle kowodwa. (Genesisi 2:15-17) Baqunta ukudla isithelo somuthi loyo. U-Eva “wakha isithelo sawo wasidla.” Ngokukhamba kwesikhathi, u-Adamu ‘naye wasidla.’ (Genesisi 3:6) Bobabili akhenge bamlalele uZimu. Ngebanga lokuthi u-Adamu no-Eva bebanganasono, bekungokwemvelo kibo ukwenza okulungileko. Baqunta ukungalaleli uZimu ngamabomu okwababangela ukuthi bone bebafune nokuzilawula bona. Isiquntweso sababangela ubuhlungu obukhulu.—Genesisi 3:16-19.
3. Isiqunto saka-Adamu no-Eva sisithinta njani?
U-Adamu no-Eva nabonako baba nesono, nje-ke isonweso basidlulisela kizo zoke iinzukulwana zabo. IBhayibheli nalikhuluma ngo-Adamu lithi: “Isono sangena ephasini ngomuntu munye nokufa kwangena ngesono, yeke ukufa kwarhatjhekela kibo boke abantu.”—Roma 5:12.
Zinengi izinto ezingasibangela ukutlhaga. Ngezinye iinkhathi sitlhaga ngebanga leenqunto ezimbi esizithathako. Ngezinye iinkhathi sitlhaga ngebanga leenqunto ezimbi ezenziwa babanye abantu. Ngezinye iinkhathi sitlhaga ngebanga lokuba sendaweni engakafaneli ngesikhathi esingakafaneli.—Funda uMtjhumayeli 9:11.
FUNDA NGOKUNGENELELEKO
Funda ngokuthi kubayini kungasuye uZimu obangela ubumbi nomtlhago nokuthi uzizwa njani nasitlhagako.
4. Ngubani osibangela umtlhago?
Abantu abanengi bacabanga ukuthi nguZimu obusa iphasi. Kghani lokho kuliqiniso?Dlala IVIDIYO.
Funda uJakopo 1:13 neyoku-1 kaJwanisi 5:19, bese nicoca ngombuzo lo:
-
Inga-kghani uZimu nguye osibangela umtlhago nezinto ezibuhlungu?
5. Cabanga ngomphumela wokubusa kwakaSathana
Funda uGenesisi 3:1-6, bese nicoca ngemibuzo le:
-
Ngimaphi amala akhulunywa nguSathana?—Funda amavesi 4 no-5.
-
USathana uwatjengise njani amala wokuthi uJehova ufihlela abantu okuhle?
-
Ngokuya ngoSathana, abantu bayamtlhoga na uJehova ukuthi abaBuse nabazokuthaba?
Funda uMtjhumayeli 8:9, bese nicoca ngombuzo lo:
-
Yini eyenzekileko lokha uJehova nakangasiMbusi wephaseli?
-
U-Adamu no-Eva bebanganasono begodu bebahlala ePharadesi. Balalela uSathana kunokobana balalele uJehova
-
Ngemva kokungalaleli kwabo, iphasi lazala isono, ukutlhaga nokufa
-
UJehova uzokuqeda isono, ukutlhaga nokufa. Abantu angeze basaba nesono begodu bazokuhlala ePharadesi
6. UJehova uzwa ubuhlungu nasitlhagako
Kghani uZimu uzwa ubuhlungu nasitlhagako? Akhucabange ngalokhu iKosi uDavida nompostoli uPitrosi abakutlolako. Funda IRhubo 31:7 neyoku-1 kaPitrosi 5:7, bese nicoca ngombuzo lo:
-
Kukwenza uzizwe njani ukwazi ukuthi uJehova uzwa ubuhlungu nasitlhagako?
7. UZimu uzokuqeda koke ukutlhaga
Funda u-Isaya 65:17 nesAmbulo 21:3, 4, bese nicoca ngombuzo lo:
-
Kubayini kududuza ukwazi ukuthi uJehova uzokulungisa umonakalo obangelwe zizinto ezibuhlungu ezenzeke ebantwini?
Kghani bewazi?
USathana nakakhuluma amala wokuthoma, wahlambalaza uJehova. Wehlisa isithunzi sakaJehova njengoMbusi onobulungiswa nonethando. Lokha uJehova nakaqeda umtlhago, uzokwenza ukuthi igama lakhe lihlonitjhwe godu. Uzokutjengisa bona ukubusa kwakhe ngikho okungcono khulu. Ukucwengiswa kwegama lakaJehova yindaba eqakatheke khulu ezulwini nephasini.—Matewu 6:9, 10.
ABANYE ABANTU BATHI: “UZimu usidalele ukutlhaga.”
-
Ungathini?
ISIRHUNYEZO
USathana uDeveli nabantu ababili bokuthoma babangela umtlhago ephasini. UJehova uzwa ubuhlungu nakasibona sitlhaga begodu kungasikade uzowuqeda umtlhago.
Buyekeza
-
Ngimaphi amala uSathana awatjela u-Eva?
-
Ukungalaleli kwaka-Adamu no-Eva uZimu kusithinte njani?
-
Sazi njani ukuthi uJehova uzwa ubuhlungu nakasibona sitlhaga?
HLOLA OKUNGENZASI
Funda ukuthi iBhayibheli lisihlathulula njani isono.
“Siyini Isono?” (Isihloko esiku-jw.org)
Funda ngendaba eyathonywa nguSathana uDeveli esimini ye-Edeni.
“Kubayini UZimu Avumela Ukutlhaga?” (IsiThala, Janabari 1, 2014)
Funda ngalokho enye indoda eyakufundako lokha nayibona abantu batlhaga.
Okhunye Ongakuthabela
OKUBUZWAKO
Siyini Isifundo SeBhayibheli Esinikelwa BoFakazi BakaJehova?
Ehlelweneli lesifundo sasimahla esinikelwa boFakazi bakaJehova, ungasebenzisa nanyana ngiyiphi itjhugululo yeBhayibheli. Zizwe utjhaphulukile ukumema woke umndenakho nabangani bakho bona bahlanganyele nawe.
