ISIFUNDO 16
Khuyini UJesu Ayenzileko Nakasephasini?
Abantu abanengi bacabanga bona uJesu umntwana ongakghoni ukuzisiza, umphorofidi ohlakaniphileko namkha indoda efako. Kghani singafunda okungeziweko ngaye nasihlola ukuphila kwakhe kwephasini? Esifundwenesi, sizokufunda ngezinye izinto eziqakathekileko uJesu azenzileko nokuthi zikuthinta njani wena.
1. Ngimuphi umsebenzi oqakatheke khuluebewenziwa nguJesu?
Umsebenzi kaJesu oqakathekileko ‘bekukutjhumayela iindaba ezimnandi zomBuso kaZimu.’ (Funda uLukasi 4:43.) Bekatjhumayela iindaba ezimnandi zomBuso kaZimu bona umbuso namkha urhulumende lo uzokurarulula yoke imiraro yabantu. a Kwaphela iminyaka emithathu nesiquntu uJesu asebenza budisi, atjela abantu umlayezo okhuthazako.—Matewu 9:35.
2. Kubayini uJesu bekenza imikarisomraro?
IBhayibheli lihlathulula ‘imisebenzi yamandla neemangaliso neembonakaliso uZimu azenza [ngoJesu].’ (IzEnzo 2:22) UZimu wanikela uJesu amandla wokulawula ubujamo bezulu, wokupha iinkulungwana zabantu ukudla, wokwelapha abagulako ngitjho newokuvusa abahlongakeleko. (Matewu 8:23-27; 14:15-21; Markosi 6:56; Lukasi 7:11-17) Imikarisomraro eyenziwe nguJesu itjengisa kuhle ukuthi bekathunyelwe nguZimu nokuthi uJehova unamandla wokurarulula yoke imirarwethu.
3. Khuyini esingayifunda endleleni uJesuebekaphila ngayo?
UJesu walalela uJehova kiyo yoke into. (Funda uJwanisi 8:29.) Ngitjho naphezu kokuhlunguphazwa, ngokuthembeka uJesu wenza koke uYise ambawe bona akwenze bekwaba sekufeni. Watjengisa bona kuyakghonakala ukuthi abantu balotjhe uZimu, ngitjho nebujamweni obubudisi. Ngokwenza njalo, uJesu ‘wasitjhiyela isibonelo sokobana silandele umtlhalakhe eduze.’—1 Pitrosi 2:21.
FUNDA NGOKUNGENELELEKO
Funda ngendlela uJesu ebekatjhumayela ngayo iindaba ezimnandi nangemikarisomraro ayenzileko.
4. UJesu watjhumayelaiindaba ezimnandi
UJesu ukhambe amabanga amade eendleleni ezinethuli, atjhumayela iindaba ezimnandi ebantwini abanengi khulu. Funda uLukasi 8:1, bese nicoca ngemibuzo le:
-
Kghani uJesu bekatjhumayeza kwaphela abantu ebebahlangene bona bamlalele?
-
Ngimiphi imizamo uJesu ayenzileko ukufumana abantu?
UZimu wabikezela bona uMesiya uzokutjhumayela iindaba ezimnandi. Funda u-Isaya 61:1, 2, bese nicoca ngemibuzo le:
-
UJesu wasizalisa njani isiphorofidwesi?
-
Ucabanga ukuthi abantu namhlanjesi kufuze bezwe ngeendaba ezimnandezi?
5. UJesu ufundise amaqiniso aqakathekileko
Ngaphezu kokutjhumayela iindaba ezimnandi zomBuso kaZimu, uJesu wabuye wafundisa iimfundo esingazisebenzisa. Akhe sicoce ngeembonelo ezimbalwa zeTjumayelo yeNtabeni eyaziwako. Funda uMatewu 6:14, 34 no-7:12, bese nicoca ngemibuzo le:
-
Ngiziphi iimfundo uJesu azifundisako emavesini la?
-
Kghani isiyeleliswesi singabasiza abantu namhlanjesi?
6. UJesu wenza imikarisomraro
UJehova wanikela uJesu amandla wokwenza imikarisomraro eminengi. Bona ufumane isibonelo salokho, funda uMarkosi 5:25-34 namkha dlala IVIDIYO. Bese nicoca ngemibuzo elandelako.
-
Evidiyweni le, umma ogulako bekakholelwa ini?
-
Khuyini oyithandako ngekarisomraro le?
Funda uJwanisi 5:36, bese nicoca ngombuzo lo:
-
Imikarisomraro eyenziwe nguJesu ‘ifakazela’ ini ngaye?
Kghani bewazi?
Okunengi esikwaziko ngoJesu kuvela eencwadini ezine eziseBhayibhelini ezibizwa ngokuthi maVangeli, okunguMatewu, uMarkosi, uLukasi noJwanisi. Ngamunye wabatloli bamaVangeli la, watlola imininingwana ehlukileko ngoJesu. Imininingwana le nayihlangana yoke, inikela isithombe esikarisako ngokuphila kwakhe.
-
UMATEWU
watlola iVangeli lakhe kokuthoma. Likhuluma ngeemfundiso zakaJesu, khulukhulu lokho uJesu ebekafundisa ngakho malungana nomBuso kaZimu.
-
UMARKOSI
watlola iVangeli elincani ukuwadlula woke. Likhuluma ngezehlakalo ezikarisako.
-
ULUKASI
ukhuluma ngendlela umthandazo ebewuqakatheke ngayo kuJesu nendlela enomusa ebekaphatha ngayo abantu bengubo.
-
UJWANISI
ukhuluma ngobuntu bakaJesu ngokuveza iindaba ebekazicoca nabangani bakhe nabanye abantu.
ABANYE ABANTU BATHI: “UJesu bekamumuntu olungileko kodwana bekangasi nguMesiya.”
-
Wena ucabangani?
ISIRHUNYEZO
UJesu watjhumayela ngomBuso kaZimu, wenza imikarisomraro bewalalela uJehova kiyo yoke into.
Buyekeza
-
Bewuyini umsebenzi kaJesu oqakathekileko nakasephasini?
-
Imikarisomraro ebeyenziwa nguJesu ifakazele ini?
-
Ngiziphi iimfundo esingazisebenzisa uJesu azifundisileko?
HLOLA OKUNGENZASI
UJesu bekakhulumangani khulu?
“Indlela UJesu Azizwa Ngayo NgomBuso KaZimu” (IsiThala, Oktoba 1, 2014)
Funda bona kubayini sikholelwa ukuthi imikarisomraro kaJesu yenzekile kwamambala.
“Imikarisomraro KaJesu—Ungafundani Kiyo?” (IsiThala, Julayi 15, 2004)
Funda ukuthi isibonelo sakaJesu sokuzidela sikuthintenjani ukuphila kwenye indoda.
Funda ngezenzakalo ezikhamba phambili zomsebenzikaJesu wokutjhumayela ezihlelwe ngokulandelana kwazo.
a Iimfundo 31-33 zizokunaba ngomBuso kaZimu.
Okhunye Ongakuthabela
OKUBUZWAKO
Siyini Isifundo SeBhayibheli Esinikelwa BoFakazi BakaJehova?
Ehlelweneli lesifundo sasimahla esinikelwa boFakazi bakaJehova, ungasebenzisa nanyana ngiyiphi itjhugululo yeBhayibheli. Zizwe utjhaphulukile ukumema woke umndenakho nabangani bakho bona bahlanganyele nawe.
