Ephasini mazombe abantu baqalene nemiraro eminengi ebenza badane, bagandeleleke bebezwe nobuhlungu. Kghani nawe khewaqalana nobujamo ekhebakwenza wazizwa ngendlela le? Kungenzeka uzwa ubuhlungu ngebanga lokugula namkha lokuhlongakalelwa mumuntu omthandako. Kungenzeka uyazibuza: ‘Kghani ukuphila kuzakhe kube ngcono?’ IBhayibheli liyawuphendula umbuzo lo.

1. IBhayibheli lisinikela njani ithemba?

IBhayibheli alisihlathululeli kwaphela ukuthi kubayini iphasi lizele imiraro kangaka kodwana lisinikela neendaba ezimnandi zokuthi esikhathini esingaphelisi ihliziyo, izokusombululeka yoke imiraro esinayo. Iinthembiso zeBhayibheli zingasinikela “ingomuso nethemba.” (Funda uJoromiya 29:11, 12.) Iinthembiswezo zisisiza sikghodlhlelelele imirarwethu, sihlale sithabile, sibe nombono omuhle besiqale phambili esikhathini esithabisako esizako.

2. IBhayibheli likhuluma ngengomuso elinjani?

IBhayibheli likhuluma ngengomuso nalithi, “ukufa angekhe kusaba khona, namkha isizi namkha ukulila namkha ubuhlungu angekhe kusaba khona.” (Funda IsAmbulo 21:4.) Imiraro eyenza abantu baphelelwe lithemba namhlanjesi njengokutlhaga, ukungabi nabulungiswa, ukugula nokufa angekhe isaba khona. IBhayibheli lithembisa ukuthi abantu bazokuthabela ukuphila okungapheliko ePharadesi ephasinapha.

3. Ungaqiniseka njani ukuthi iinthembiso eziseBhayibhelini zizokuzaliseka?

Inengi labantu lifisa izinto ezihle kodwana alithembi ukuthi iimfiswezo zizokuzaliseka. Okuthenjiswa liBhayibheli kuhluke khulu kilokho. Nasizakuthemba lokho okutjhiwo liBhayibheli, kufuze sihlolisise “imiTlolo qobe langa.” (IzEnzo 17:11) Njengombana uragela phambili ufunda iBhayibheli, uzokghona ukuziquntela bona uyakukholelwa lokho elikutjhoko ngengomuso namkha awa.

 FUNDA NGOKUNGENELELEKO

4. IBhayibheli lisithembisa ukuthi sizokuphila ngokungapheliko ngaphandle kwemiraro

Qala iinthembiso ezilandelako ezifumaneka eBhayibhelini. Ngiziphi eziyithinta khulu ihliziywakho? Kubayini?

Funda imitlolo edzujulwe hlanu kwesithembiso ngasinye bese ucabanga ngemibuzo nasi:

• Kghani imitlolo le ayikwenzi ube nethemba? Kghani abangani bakho nomndenakho bangalifumana ithemba kiyo?

Akhuzicabange uphila ephasini la

• 1
• 2
• 3
• 4

 5. Amathemba esiwafumana eBhayibhelini angenza umehluko ekuphileni kwethu

IVIDIYO: Bengifuna Ukulwisana Nokungabi Nobulungiswa (4:07)

• Evidiyweni le, ngikuphi ukungabi nabulungiswa uRafika aqalana nakho?

• Nanyana ukungabi nabulungiswa kungakhenge kuphele, iBhayibheli lamsiza njani?

Ithemba esilifumana eBhayibhelini ngengomuso, lingasisiza siqalane nokudana kuhlanganise nemiraro ngendlela ephumelelako. Funda IzAga 17:22 nekwebeRoma 12:12, bese nicoca ngemibuzo elandelako:

• Kghani lokho okukhulunywa liBhayibheli malungana nengomuso kungenza umehluko epilwenakho nje? Kubayini ucabanga njalo?

 ISIRHUNYEZO

IBhayibheli lineenthembiso ezihle khulu ngengomuso begodu lokho kusenza sikuthabele ukuphila nje nesikhathini esizako.

Buyekeza

• Kubayini abantu batlhoga ithemba?

• Lithini iBhayibheli ngengomuso?

• Ukuba nethemba ngengomuso kungakusiza njani?

HLOLA OKUNGENZASI

Funda okungeziweko ngamandla wokuba nethemba.

“Ithemba—Ungalifumanaphi?” (Phaphama!, Apreli 22, 2004)

Fumana ukuthi ukuba nethemba ngengomuso kungabasiza njani labo abanokugula okungalaphekiko.

“Ukuphila nokugula Okungalaphekiko—Kghani IBhayibheli Lingasisiza?” (Isihloko esiku-jw.org)

Nawubukela ividiyo yombhino le, akhuzicabange unomndenakho nithabela ukuphila ePharadesi elithenjiswe liBhayibheli.

Akhucabange (3:37)

Funda ngokuthi ukuphila kwakasohlalakuhle kwatjhuguluka njani ngemva kokufunda ngethemba eliseBhayibhelini.

“Angisanamuzwa Wokuthi Kufuze Ngitjhugulule Iphasi” (IsiThala, Julayi 1, 2013)